വെളപ്പായ മഹാദേവക്ഷേത്രം...തൃശ്ശൂർ ജില്ലയിൽ പുഴയ്ക്കല്‍ ബ്ളോക്കില്‍

വെളപ്പായ മഹാദേവക്ഷേത്രം...

ഹൈന്ദവപുരാണം പ്രകാരം സപ്തചിരഞ്ജീവികളിൽ ഒരാളും, വൈഷ്ണവാശഭൂതനായ ശ്രീ പരശുരാമന്‍ പ്രതിഷ്ഠ നടത്തിയത് എന്ന് ഐതിഹ്യമുള്ള 108 പുരാതന ശിവക്ഷേത്രങ്ങളില്‍ ഒന്നാണ് വെളപ്പായ മഹാദേവക്ഷേത്രം...

തൃശ്ശൂർ ജില്ലയിൽ പുഴയ്ക്കല്‍ ബ്ളോക്കില്‍ അവണൂര്‍ ഗ്രാമപഞ്ചായത്തിലെ വെളപ്പായ ഗ്രാമത്തിൽ പുരാതന ശിവ ക്ഷേത്രമായ വെളപ്പായ മഹാദേവക്ഷേത്രം സ്ഥിതി ചെയ്യുന്നു .

കേരള-ദ്രാവിഡ ശൈലിയുടെ ഉത്തമ ഉദാഹരണമായ ഈ ക്ഷേത്രത്തില്‍ പടിഞ്ഞാറ് ദർശനമായി പ്രധാന മൂര്‍ത്തിയായി ശ്രീപരമശിവൻ വാഴുന്നു . വെളപ്പായയിൽ രണ്ടു ശിവലിംഗ പ്രതിഷ്ഠകൾ ഉണ്ട്. രണ്ടു ശിവലിംഗങ്ങൾ രണ്ടു ശ്രീകോവിലുകളിലായി പ്രതിഷ്ഠിച്ചിരിക്കുന്നു.
തെക്കേടത്തും വടക്കേടത്തും എന്ന് അറിയപ്പെടുന്നു.

അര്‍ജ്ജുനനു പാശുപതാസ്ത്രം നല്‍കിയ കാട്ടാളവേഷധാരിയായ കിരാതമൂര്‍ത്തി സങ്കല്‍പ്പത്തിലാണ് തെക്കേടത്ത് ,താരകാസുരന്‍റെ പുത്രന്മാരായ താരകാക്ഷൻ, കമലാക്ഷൻ, വിദ്യുന്മാലി എന്നീ അസുരന്മാർ നിർമ്മിച്ച് സ്വർണ്ണ, വെള്ളി, ഇരുമ്പു ലോഹങ്ങൾ കൊണ്ടുള്ള ത്രിപുരങ്ങൾ (നഗരങ്ങൾ) ദഹിപ്പിച്ചു ക്രുദ്ധനായിനില്‍ക്കുന്ന ഭാവത്തിലാണ് വടക്കേടത്ത് ശിവന്‍ .

മുളങ്കുന്നത്തുകാവ് മുണ്ടൂര്‍ റോഡില്‍ രണ്ടു കിലോമീറ്റര്‍ യാത്ര ചെയ്‌താല്‍ വെളപ്പായ ക്ഷേത്രത്തില്‍ എത്തിച്ചേരാം .

ഓം നമ:ശിവായ ...
courtesy :ml.wikipedia and similar sites