ഏമൂർക്കാവ് തൃശൂർ ജില്ല
തൃശൂർ ജില്ലയിൽ തോന്നൂർക്കരയിൽ ചേലക്കര പഞ്ചായത്ത് . വടക്കൻ ചേരി -ചേലക്കര റൂട്ടിലെ തോന്നൂർക്കര വളവു സ്റ്റോപ്പിൽ നിന്നും മൂന്നു കിലോമീറ്റര് . മലയോരത്താണ് ക്ഷേത്രം സ്ഥിതി ചെയ്യുന്നത് കിഴക്കും പടിഞ്ഞാറും വടക്കും പാടം .പ്രധാനമൂർത്തി കാർത്യായനി .ഉപദേവത ഗണപതി നാഗരാജാവ് . കുംഭത്തിലെ കാർത്തികയ്ക്കു കിഴക്കും മുറി ,പടിഞ്ഞാട്ടു മുറി ദേശക്കാരുടെ ഉത്സവം കാളകളിയുണ്ട് കിഴക്കോട്ടു ദർശനം .ഒരുനേരം പൂജ. ക്ഷേത്രത്തിന്റെ വടക്കു ഭാഗത്ത് രണ്ടര ഏക്കർ വരുന്ന കുളമുണ്ട് ഈ ക്ഷേത്രത്തിൽ വിവാഹ ആവശ്യത്തിനു പ്രാർത്ഥന നടത്തിയാൽ സ്വർണ്ണം കിട്ടിയിരുന്നു എന്ന് പഴമ. അടുത്ത ദിവസം കുളക്കടവിൽ സ്വർണ്ണപ്പൊതി കാണും ആവശ്യം കഴിഞ്ഞാൽ തിരിച്ചു കൊടുക്കണം എന്നായിരുന്നു വ്യവസ്ഥയത്രേ .ഒരു തവണ തിരിച്ചു കൊടുക്കാത്തതിനാൽ നിലച്ചു എന്നും പഴമ തോട്ടശേരി തലച്ചെന്നാർ എന്ന നാടുവാഴി പിഷാരടി കുടുംബത്തിന്റെ കുലദേവതയാണ് .പോരാട്ടവിധികളിൽ വിദഗദ്ധരായിരുന്നു ഈ പിഷാരടിമാർ ക്ഷേത്രത്തിനടുത്തായിരുന്നു കളരി .ഈ ക്ഷേത്രത്തിന്റെ തെക്കു ഭാഗത്തായിരുന്നു "മല്ലർ കോട്ട " ഇപ്പോൾ കോട്ടയില്ലങ്കിലും ഇവിടെയുള്ള ആലിന്റെ ചുവട്ടിൽ കോഴിവെട്ടുണ്ട്. ഈ ഭാഗത്ത് കല്ലറയും വാളുകളും കണ്ടെത്തിയിരുന്നു ഇപ്പോൾ കൊച്ചി ദേവസം ബോർഡിൻറെ ക്ഷേത്രം .ഇതിനു ഒരുകിലോമീറ്റർ വടക്കു ചൊവ്വാക്കാവ് . അവിടെ ഭദ്രകാളി യാണ് ,കൂടാതെ തൊന്നൂർ കളത്തിൽ അന്തിമഹാകാളൻ .