പട്ടണക്കാട് മഹാദേവക്ഷേത്രം ആലപ്പുഴ ജില്ലയിലെ ചേർത്തല താലൂക്കിൽ

പട്ടണക്കാട് മഹാദേവക്ഷേത്രം

ആലപ്പുഴ ജില്ലയിലെ ചേർത്തല താലൂക്കിൽ പട്ടണക്കാട് ഗ്രാമത്തിൽ സ്ഥിതിചെയ്യുന്ന പുരാതന ക്ഷേത്രമാണ് പട്ടണക്കാട് മഹാദേവക്ഷേത്രം. കൊച്ചിരാജാക്കന്മാരുടെ കാലത്താവാം ക്ഷേത്ര നിർമ്മാണം നടന്നിരിക്കുന്നത്. കിഴക്കു ദർശനമായി ദേശീയപാത 47നു അഭിമുഖമായാണ് ക്ഷേത്രം സ്ഥിതിചെയ്യുന്നത്. പരശുരാമനാൽ പ്രതിഷ്ഠിക്കപ്പെട്ടു എന്ന് ഐതിഹ്യമുള്ള ഈ ക്ഷേത്രം നൂറ്റെട്ട് ശിവക്ഷേത്രങ്ങളിൽ ഒന്നാണ്.                                                       

പട്ടണക്കാട് മഹാദേവക്ഷേത്രം  മുന്‍വശം 

 രണ്ടാം ചേര സാമ്രാജ്യത്തിന്റെ അധഃപതനത്തിനുശേഷം ബ്രാഹ്മണ മേധാവിത്വം നിലനിൽക്കുന്ന കാലത്താവാം ക്ഷേത്രം പ്രസിദ്ധിയാർജ്ജിച്ചു തുടങ്ങിയത്.ആഴ്വാഞ്ചേരി തമ്പ്രക്കൾക്ക് ചേർത്തല താലൂക്കിലെ പലക്ഷേത്രങ്ങൾക്കും അധികാര സ്ഥാനമാനങ്ങൾ ഉണ്ടായിരുന്നു. അതുപോലെതന്നെ ഇവിടെ പട്ടണക്കാട് ക്ഷേത്രത്തിനും തമ്പ്രാക്കൾക്കും ബന്ധമുള്ളതായി കാണുന്നുണ്ട്. പരശുരാമൻ പ്രതിഷ്ഠനടത്തിയ ഇവിടുത്തെ ശിവപെരുമാൾ കിരാതമൂർത്തിയായിട്ടാണ് വിരാജിക്കുന്നത് . പരശുരാമ പ്രാതിഷ്ഠിതമെങ്കിലും ഇവിടെ ശിവലിംഗം സ്വയംഭൂവാണ് എന്നുള്ളതാണ് മറ്റൊരു പ്രത്യേകത.

                                           നാലമ്പലം

 

കേരളത്തിലെ ആദ്യകാല ശിവക്ഷേത്രങ്ങളിൽ ഒന്നാണീക്ഷേത്രം. നൂറ്റാണ്ടുകൾ പഴക്കമേറിയ ഈ ശിവക്ഷേത്രം പടിഞ്ഞാറൻ തീരത്തെ പ്രമുഖക്ഷേത്രങ്ങളിൽ ഒന്നായി വിരാജിച്ചു പോരുന്നു. കൊച്ചി രാജാക്കന്മാരുടെ കാലത്താണ് ക്ഷേത്രം പുതിക്കി പണിതീർത്തത് എന്നു വിശ്വസിക്കുന്നു. ദേശീയ പാത - 47നു പടിഞ്ഞാറ് വശത്തായി കിഴക്ക് അഭിമുഖമായി ക്ഷേത്രം നിലകൊള്ളുന്നു.

സമചതുരാകൃതിയിലുള്ള നാലമ്പലത്തിൽ ഇടത്തരം വലുപ്പമുള്ള ചതുര ശ്രീകോവിലിനുള്ളിലായി സ്വയംഭൂ ശിവലിംഗമാണ് പ്രതിഷ്ഠ. കിഴക്കു ദർശനം. ശ്രീകോവിലിന്റെ മേൽക്കൂര പ്ലാവിൻ പലക കൊണ്ടും അതിനു മുകളിലായി ചെമ്പ് തകിടിനാൽ ഭംഗിയായി മേഞ്ഞിരിക്കുന്നു. കിഴക്കേ നാലമ്പലത്തിനു പുറത്ത് ആനക്കൊട്ടിലിൽ നിന്നാൽ ശ്രീകോവിലിന്റെ മുകളിലെ താഴികക്കുടം കണ്ട് ദർശിക്കാം. ക്ഷേത്രേശനെ തൊഴുന്ന കൂട്ടത്തിൽ ഭക്തർ ചെമ്പിൽ തീർത്തിരിക്കുന്ന ഈ താഴികകുടവും തൊഴാറുണ്ട്.

              പട്ടണക്കാട് മഹാദേവക്ഷേത്രം   വടക്കുവശം 

വളരെ വിശാലയായ നാലമ്പമാണീവിടുത്തേത്. വെട്ടുകല്ലിൽ പണിതുയർത്തിയ നാലമ്പല ചുമരുകൾ നാടൻ കുമ്മായം കൊണ്ട് തേച്ച് മിനുസപ്പെടുത്തിയിട്ടുണ്ട്. നാലമ്പലത്തിനുള്ളിൽ കിഴക്കു ദർശനമായി ചതുര ശ്രീകോവിൽ. നാലമ്പല ചുമരിനോട് ചേർന്ന് തന്നെ പ്ലാവിൻ തടിയിൽ തീർത്ത വിളക്കുമാടം. ശിവരാത്രിനാളിലും, മറ്റുവിശേഷ ദിവസങ്ങളീലും ഈ വിളക്കുമാടത്തിലെ തിരികൾ മിഴിതുറക്കുന്നു. നാലമ്പലം പൂർണ്ണമായും ഓട് മേഞ്ഞിരിക്കുന്നു. നാലമ്പലത്തിനുള്ളിൽ തന്നെയാണ് തിടപ്പള്ളിയും പണിതീർത്തിരിക്കുന്നത്. തെക്കു കിഴക്കേമൂലയിലായി വിസ്താരമേറിയ തിടപ്പള്ളിയാണ് ഇവിടുത്തേത്. നാലമ്പലത്തിനോട് അനുബന്ധിച്ചുതന്നെയാണ് വലിയ ബലിക്കൽപ്പുരയും പണിതീർത്തിരിക്കുന്നത്. സാമാന്യ വലിപ്പമുള്ള വലിയബലിക്കല്ല് ഇവിടെ പ്രതിഷ്ഠിച്ചിട്ടുണ്ട്.      

                                

ആനകൊട്ടില്‍

നാലമ്പത്തിനു കിഴക്കു വശത്തായി കൊടിമരത്തോട് ചേർന്നുതന്നെ കേരള തനിമ ഒട്ടുംചോരാതെതന്നെ വിശാലമായ ആനക്കൊട്ടിൽ പണിതീർത്തിട്ടുണ്ട്. കൂറ്റൻ വട്ടത്തൂണുകളാൽ മനോഹരമാണ് ഈ ആനക്കൊട്ടിൽ. ആനക്കൊട്ടിലും ഓട് മേഞ്ഞ് മനോഹരമാക്കിയിട്ടുണ്ട്. ചെമ്പിൽ വാർത്ത ഇവിടുത്തെ ധ്വജസ്തംഭം തരണല്ലൂർ പരമ്പരയെ സ്മരിക്കുന്നു. പണ്ടുകാലത്ത് തരണല്ലൂർക്ക് അവകാശപ്പെട്ടതാവാം ഇവിടുത്തെ ക്ഷേത്ര തന്ത്രം.

           ക്ഷേത്രത്തിന്‍റെ പുറകുവശം

ശിവരാത്രിയെ തുടർന്ന് എട്ടു ദിവസങ്ങൾ നീണ്ടു നിൽക്കുന്ന തിരുവുത്സവമാണ് ഇവിടെ കൊണ്ടാടുന്നത്. കുംഭമാസത്തിലെ തിരുവോണം നാളിലാണ് കൊടിയേറ്റം. ഭരണിനാളിൽ ആറാട്ട് നടത്തുന്ന അപൂർവ്വം ശിവക്ഷേത്രങ്ങളിൽ ഒന്നാണിത്.                                                                                             

കേരളത്തിലെ കൊല്ലം ജില്ലയിലെ വടമൺ ശ്രീകൃഷ്ണസ്വാമി ക്ഷേത്രം

വടമൺ ശ്രീകൃഷ്ണസ്വാമി ക്ഷേത്രം

VADAMAN SREE KRISHNASWAMY TEMPLE 

VADAMAN , ERAM ,ANCHAL, KOLLAM ,KERALA

കേരളത്തിലെ കൊല്ലം ജില്ലയിലെ ഒരു പട്ടണമാണ് അഞ്ചൽ. കൊല്ലം നഗരത്തിൽ നിന്നും 40 കിലോമീറ്റർ കിഴക്കും തിരുവനന്തപുരം നഗരത്തിൽ നിന്നും 60 കിലോമീറ്റർ വടക്കുകിഴക്കും ആണ് അഞ്ചൽ പട്ടണം സ്ഥിതി ചെയ്യുന്നത്‌.

അഞ്ചല്‍ പട്ടണത്തിനു സമീപമുള്ള ഏറം ഗ്രാമത്തിലാണ്  വടമൺ ശ്രീകൃഷ്ണസ്വാമി ക്ഷേത്രം  സ്ഥിതിചെയ്യുന്നത് .                                 

വടമൺ ശ്രീകൃഷ്ണസ്വാമി ക്ഷേത്രം

നൂറ്റാണ്ടുകൾ പഴമ കണക്കാക്കപ്പെടുന്ന വടമൺ ശ്രീകൃഷ്ണ ക്ഷേത്രോത്പത്തിയെപ്പറ്റിയുള്ള വായ് മൊഴി ഇങ്ങനെ: ഇപ്പോഴത്തെ തൃശൂർ ജില്ലയിലുൾപ്പെട്ട വല്ലച്ചിറ ഗ്രാമം.അവിടെ ഊമൺ പള്ളി മന എന്നൊരു ഇല്ലം ഇന്നും നിലനിൽക്കുന്നുണ്ട്.നൂറ്റാണ്ടുകൾക്കു മുൻപ് അവിടെ ഉറച്ച ഒരു ഗുരുവായൂരപ്പഭക്തനായ ഒരു ബ്രാഹ്മണശ്രേഷ്ഠന്‍ കുടുംബകാരണവസ്ഥാനത്ത് ഉണ്ടായിരുന്നു. അന്നു വാഹന സൌകര്യങ്ങൾ ഒന്നും ഇല്ല.                                      

                     വടമൺ ശ്രീകൃഷ്ണസ്വാമി ക്ഷേത്രം ഗോപുരം 

തിരുമേനി കാൽനടയായി ശബരിമല ഉൾപ്പെടെ കൊല്ലം ജില്ലയുടെ കിഴക്കൻ മലയോരഗ്രാമങ്ങളിൽ തീർത്ഥാടനം നടത്തി.യാത്രാമദ്ധ്യേ അഞ്ചൽ ദേശത്തുള്ള വടമൺ പ്രദേശത്ത് ഇപ്പോൾ ആയിരവല്ലി ശാസ്താക്ഷേത്രം എന്നറിയപ്പെടുന്ന സ്വയംഭൂവായ മൂലസ്ഥാനത്ത് എത്തി . ആത്മീയപ്രശാന്തി കളിയാടുന്ന ആ ദേശം നന്നേ ബോധിക്കയാൽ തിരുമേനി ശിഷ്ട കാലം അവിടെ കഴിച്ചു കൂട്ടാമെന്നു തീരുമാനിച്ചു. എന്നാൽ തന്റെ ഉപാസനാമൂർത്തിയായ സാക്ഷാൽ ശ്രീ ഗുരുവായൂരപ്പനെ ദർശിക്കാൻ കഴിയാത്തതിൽ വളരെ ദുഖിതനുമായി.

                      വടമൺ ശ്രീകൃഷ്ണസ്വാമി ക്ഷേത്രം ഗോപുരം 

 ഭക്ത വത്സലനായ ഭഗവാൻ തിരുമേനിക്ക് സ്വപ്നത്തിൽ ദിവ്യദർശനം നൽകി ഇങ്ങനെയരുളി. തന്നെ കാണാൻ ഗുരുവായൂർ വരെ എത്തേണ്ടതില്ലെന്ന് വടമണിൽ തന്നെ ഒരു ക്ഷേത്രം നിർമിച്ച് ഉപാസിച്ചാൽ മതിയെന്നും തന്റെ സാന്നിധ്യം കൊണ്ട് നാടിനും ആശ്രയിക്കുന്നവർക്കും ഐശ്വര്യം വരുമെന്നും അരുളി. സന്തുഷ്ടനായ തിരുമേനി ഗുരുവായൂരപ്പന്റെ അളവിലുള്ള ശ്രീ കൃഷ്ണവിഗ്രഹം താന്ത്രികവിധിപ്രകാരം ക്ഷേത്രം നിർമിച്ച് പ്രതിഷ്ഠിച്ചു.

കൊല്ലം നഗരത്തിൽ സ്ഥിതിചെയ്യുന്ന ആനന്ദവല്ലീശ്വരം ക്ഷേത്രം

ആനന്ദവല്ലീശ്വരം ക്ഷേത്രം

കൊല്ലം നഗരത്തിൽ സ്ഥിതിചെയ്യുന്ന പുരാതന ശിവക്ഷേത്രമാണ് ആനന്ദവല്ലീശ്വരം ക്ഷേത്രം. 108 ശിവക്ഷേത്രങ്ങളിൽ പറയുന്ന കൊല്ലത്തെ രണ്ടു ശിവക്ഷേത്രങ്ങളിൽ ഒന്നാണിത്. കൊല്ലത്തെ രണ്ടാമത്തെ ശിവക്ഷേത്രം കൊല്ലം രാമേശ്വരം മഹാദേവക്ഷേത്രം ആണ്. കൊല്ലം ആനന്ദവല്ലീശ്വരത്തെ പ്രതിഷ്ഠ നടത്തിയത് പരശുരാമനാണന്നു വിശ്വസിക്കുന്നു.

ഐതിഹ്യം

കൊല്ലത്ത് പ്രതിഷ്ഠിച്ചിരിക്കുന്നത്, ആനന്ദവല്ലീ സമേതനായ പരമശിവനെയാണ്. ഇവിടെ പാർവ്വതിദേവി ആനന്ദവല്ലിയായി ദർശനം നൽകുന്നു. പത്നിസമേതനായ പരമശിവനെ പടിഞ്ഞാറേക്ക് ദർശനം നൽകിയാണ് പ്രതിഷ്ഠിച്ചിരിക്കുന്നത്.

ക്ഷേത്രം

നൂറ്റാണ്ടുകൾ പഴക്കമേറിയ ശിവക്ഷേത്രമാണിത്. ചെട്ടിയാർമാരാണ് ക്ഷേത്രം പണിതീർത്തത് എന്നു വിശ്വാസം ഉണ്ട്. അഷ്ടമുടികായലിന്റെ തീരത്ത് കൊല്ലം നഗരത്തിലാണ് ക്ഷേത്രം സ്ഥിതിചെയ്യുന്നു. രണ്ടു തട്ടായി നിർമ്മിച്ചിരിക്കുന്ന വട്ടശ്രീകോവിലിലാണ് പടിഞ്ഞാറു ദർശനം നൽകി പരമശിവനേയും കിഴക്കു ദർശനം നൽകി ആനന്ദവല്ലിയേയും പ്രതിഷ്ഠിച്ചിരിക്കുന്നത്. പടിഞ്ഞാറും കിഴക്കുമായി ചതുരാകൃതിയിൽ പണിതിർത്ത രണ്ടു നമസ്കാര മണ്ഡപങ്ങൾ ഇവിടെയുണ്ട്. നാലമ്പലവും ആനക്കൊട്ടിലും എല്ലാം കേരളതനിമ വിളിച്ചോതതക്കവണ്ണമാണ് നിർമ്മിച്ചിരിക്കുന്നത്.

ക്ഷേത്രത്തിന്റെ പ്രധാന ഭാഗമായ പടിഞ്ഞാറുവശത്ത് നേരെമുൻപിലായി കുളം നിർമ്മിച്ചിട്ടുണ്ട്. ക്ഷേത്രേശന്റെ രൗദ്രഭാവത്തിനു ശമനം ഉണ്ടാക്കാനാവം ഇവിടെയും ശിവപ്രതിഷ്ഠക്കു മുൻപിലായി ക്ഷേത്രക്കുളം നിർമ്മിച്ചിരിക്കുന്നത്. അതുപോലെതന്നെ പടിഞ്ഞാറും കിഴക്കും വശങ്ങളിൽ ക്ഷേത്രഗോപുരങ്ങൾ പണിതീർത്തിട്ടുണ്ട്. വിശാലമായ ക്ഷേത്രവളപ്പ് ചുറ്റുമതിലിനാൽ സംരക്ഷിച്ചിരിക്കുന്നു. നാലമ്പലവും നമസ്കാരമണ്ഡപങ്ങളും, ബലിക്കൽപ്പുരയും, തിടപ്പള്ളിയും ധ്വജപ്രതിഷ്ഠയും ക്ഷേത്രഗോപുരങ്ങളും എല്ലാം ഒരു മഹാക്ഷേത്രത്തിനനുശ്രിതമായി മനോഹരമായി പണിതീർത്തിരിക്കുന്നു.

പൂജാവിധികളും

പൈങ്കുനി ഉത്സവം

വർഷം തോറും മീനമാസത്തിൽ പത്തുദിവസം കൊടിയേറി ഉത്സവം കൊണ്ടാടുന്നു. മീനത്തിലെ ചോതി നക്ഷത്രം ആറാട്ട് വരത്തക്ക വിധമാണ് കൊടിയേറ്റ് നടത്തുന്നത്.

ശിവരാത്രി
നവരാത്രി
മണ്ഡലപൂജ

ഉപക്ഷേത്രങ്ങൾ

ഗണപതി
സുബ്രഹ്മണ്യൻ
അയ്യപ്പൻ
നാഗദൈവങ്ങൾ
ബ്രഹ്മരക്ഷസ്സ്
നവഗ്രഹങ്ങൾ
ശ്രീകൃഷ്ണൻ

കൊല്ലം നഗരത്തിൽ, ദേശീയപാത 544 ക്ഷേത്രത്തിന്റെ കിഴക്കേ നടയിലൂടെയാണ് കടന്നുപോകുന്നത്

തിരുവിതാംകൂർ ദേവസ്വം ബോറ്ഡിന്റെ കീഴിലെ കൊല്ലം ഗ്രൂപ്പിലുള്ള മേജർ ക്ഷേത്രമാണ് ആനന്ദവല്ലീശ്വരംക്ഷേത്രം.

ശാസ്തമംഗലം മഹാദേവക്ഷേത്രം തിരുവനന്തപുരം ജില്ല

ശാസ്തമംഗലം മഹാദേവക്ഷേത്രം

തിരുവനന്തപുരം ജില്ലയിലെ ശാസ്തമംഗലത്താണ്  ശാസ്തമംഗലം മഹാദേവക്ഷേത്രം സ്ഥിതിചെയ്യുന്നത്. പരശുരാമൻ സ്ഥാപിച്ചു എന്നു വിശ്വസിക്കപ്പെടുന്ന 108 ശിവക്ഷേത്രങ്ങളിൽ ഒന്നാണിത് . വലിപ്പമേറിയ ഇവിടുത്തെ ബലിക്കല്ല് വളരെ പ്രസിദ്ധമാണ്.

ത്രേതായുഗത്തിൽ ശ്രീരാമന്‍റെ ഗുരുവായും, ദ്വാപരയുഗത്തിൽ ഭീഷ്മരുടെയും പിന്നീട് കർണ്ണന്‍റെ ഗുരുവായും ഇതിഹാസങ്ങളിലും പിന്നീട് വന്ന ഇതിഹാസങ്ങളുടെ പുനർവായനയിലും നിലകൊള്ളുന്ന ഭാർഗ്ഗവപുത്രൻ,പരശുരാമനാല്‍ സ്ഥാപിച്ചു എന്ന് ഐതീഹ്യമുള്ള 108 ശിവക്ഷേത്രങ്ങളിൽ ഒന്നാണിത്...                                                                                            

                                                                   

തിരുവനന്തപുരം ജില്ലയിലെ ശാസ്തമംഗലത്താണ് ഈ പുരാതന മഹാദേവക്ഷേത്രം സ്ഥിതിചെയ്യുന്നത് . "ചാത്തമംഗലം " എന്ന് ശിവാലയ സ്തോത്രത്തില്‍ വിവരിക്കുന്ന ശാസ്തമംഗലം മഹാദേവക്ഷേത്രത്തില്‍ ഭഗവാന്‍ " ശാസ്തമംഗലത്തപ്പനായി" കിഴക്ക് ദര്‍ശനത്തില്‍ വാഴുന്നു .

              ശാസ്തമംഗലം മഹാദേവക്ഷേത്രം

പണ്ട് ,തിരുവിതാംകൂര്‍ മഹാരാജാക്കന്മാര്‍ നിത്യവും ദര്‍ശനം നടത്തിക്കൊണ്ടിരുന്ന നാല് ക്ഷേത്രങ്ങളില്‍ ഒന്നാണ് ശാസ്തമംഗലം മഹാദേവക്ഷേത്രം. തിരുവിതാംകൂർ രാജാക്കന്മാർ ഇവിടെ ദർശനത്തിനു വരുമ്പോൾ പൂർണ്ണ അലങ്കാരത്തോടെ വന്നിരുന്നു. ക്ഷേത്ര ദര്‍ശനത്തിനു വരുമ്പോള്‍ മഹാരാജാവിന്‍റെ രഥം നിര്‍ത്തിയിരുന്ന വഴി ഇപ്പോള്‍ "രഥപുര കുന്നു റോഡ്‌" ആയി നിലനില്‍ക്കുന്നുണ്ട്.

കൂപക്കര മഠം വക ആയിരുന്ന ഈ ക്ഷേത്രം. വട്ടശ്രീകോവിലും വിശാലമായ നാലമ്പല സമുച്ചയത്തോടു കൂടിയുള്ള ഇവിടുത്തെ കൊടിമരം സ്വർണ്ണം പൂശീയതാണ്. വളരെ വലിപ്പമേറിയതാണ് ബലിക്കല്ല് , അതുകൊണ്ട് തന്നെ പ്രസിദ്ധവുമാണ്.

കിഴക്കു വശത്ത് കൂടി "കിള്ളിയാര്‍" എന്ന ചെറുനദി ഒഴുകുന്നു. തിരുവനന്തപുരം പട്ടണപ്രദേശമായതിനാല്‍ ചുറ്റും ഉയര്‍ന്നു വന്നിരിക്കുന്ന കെട്ടിടങ്ങള്‍ ക്ഷേത്രസൌന്ദര്യം കുറയ്ക്കുന്നുണ്ട് .                                                    

 ശാസ്തമംഗലം മഹാദേവക്ഷേത്രം   കൊടിമരം , സോപാനം 

ഉപദേവന്മാർ: ഗണപതി,അയ്യപ്പൻ,മുരുകൻ,ഭദ്രകാളി,വീരഭദ്രൻ

ധനുമാസത്തിൽ പത്തു ദിവസം ഇവിടെ ആണ്ടുത്സവം ആഘോഷിക്കുന്നു. ശിവരാത്രിയും മകരസംക്രാന്തിയും വിശേഷമായി ആഘോഷിക്കുന്നു .തിരുവിതാംകൂര്‍ ദേവസ്വമാണ്‌ ഭരണം നടത്തുന്നത് .

തിരുവനന്തപുരം റെയിൽവേ സ്റ്റേഷനിൽ നിന്നും 7-കിലോമീറ്റർ ദൂരത്ത്, തിരുവനന്തപുരം ശാസ്തമംഗലം റോഡിൽ പിപ്പിന്മൂടിനടുത്താണ് ക്ഷേത്രം സ്ഥിതിചെയ്യുന്നത്.                                                                                                            

തൃശൂർ ജില്ലയിൽമുണ്ടയൂര്‍ ശിവക്ഷേത്രം,,, എറണാകുളം ജില്ലയിലെകാർപ്പിള്ളിക്കാവ് ശ്രീ മഹാദേവ ക്ഷേത്രം

കാർപ്പിള്ളിക്കാവ് ശ്രീ മഹാദേവ ക്ഷേത്രം

കേരളത്തിലെ എറണാകുളം ജില്ലയിലെ മഞ്ഞപ്ര ഗ്രാമത്തിലെ ഒരു ശിവക്ഷേത്രമാണ് കാർപ്പിള്ളിക്കാവ് ശ്രീ മഹാദേവ ക്ഷേത്രം. കേരളത്തിലെ പടിഞ്ഞാറോട്ട് ദർശനമുള്ള അപൂർവ്വം ശിവക്ഷേത്രങ്ങളിൽ ഒന്നാണിത്.കാർത്തവീരാർജ്ജുനനാൽ പ്രതിഷ്ഠിതമാ‍ണ് ഇവിടുത്തെ ശിവലിംഗം എന്നു കരുതപ്പെടുന്നു.                                                                                 

                                  കാർപ്പിള്ളിക്കാവ് ശ്രീ മഹാദേവ ക്ഷേത്ര പ്രധാന കവാടം                                             

പ്രശസ്തമായ കാർപ്പിള്ളിക്കാവ് പൂരം ഇവിടെയാണ് നടക്കുന്നത്. മകരമാസത്തിൽ എട്ടുദിവസം നീണ്ടു നിൽക്കുന്ന ഈ പൂരം ജനുവരി അവസാ‍നവും ഫെബ്രുവരി ആദ്യവുമായി ആണ് നടക്കുക.                  

കാർപ്പിള്ളിക്കാവ് ശ്രീ മഹാദേവ ക്ഷേത്രം

ഈ സമയത്ത് ശിവൻ പ്രസാദവാനായിരിക്കും എന്നും ഭക്തജനങ്ങളുടെ ആഗ്രഹ സാഫല്യം വരുത്തുമെന്നും കരുതപ്പെടുന്നു.

മുണ്ടയൂര്‍ ശിവക്ഷേത്രം

ഹൈന്ദവപുരാണം പ്രകാരം സപ്തചിരഞ്ജീവികളിൽ ഒരാളും, വൈഷ്ണവാശഭൂതനായ ശ്രീ പരശുരാമന്‍ പ്രതിഷ്ഠ നടത്തിയത് എന്ന് ഐതിഹ്യമുള്ള 108 പുരാതന ശിവക്ഷേത്രങ്ങളില്‍ ഒന്നാണ് മുണ്ടയൂര്‍ ശിവക്ഷേത്രം.                                                                                                                  

തൃശൂർ ജില്ലയിൽ മുണ്ടൂർ ഗ്രമത്തിൽ സ്ഥിതിചെയ്യുന്ന പുരാതന ശിവക്ഷേത്രമാണിത്. പണ്ട് മുണ്ടയൂർ എന്നറിയപ്പെട്ടിരുന്ന ഈ ഗ്രാമം ഇന്ന് മുണ്ടൂർ എന്നാണ് അറിയപ്പെടുന്നത്. മുണ്ഡന്‍, മുണ്ഡി എന്നീ വാക്കുകള്‍ക്ക് മുണ്ഡമാല(തലയോടാകുന്ന മാല)ധരിച്ചവന്‍, അതായത് ശിവന്‍ എന്നര്‍ത്ഥം. ശിവപത്നി മുണ്ഡിനി.മുണ്ടയൂരിനു ഇങ്ങനെ ആകാം പേര് വന്നത് എന്ന് സ്ഥലനാമചരിത്രത്തില്‍ പരാമര്‍ശമുണ്ട്.                                                                           

ക്ഷേത്രേശന്‍ മുണ്ടിയൂരപ്പനായി കിഴക്ക് ദര്‍ശനത്തില്‍ വാഴന്നു.

മഠത്തില്‍ മുണ്ടയൂര്‍,മേല്‍മുണ്ടയൂര്‍,കീഴ്മുണ്ടയൂര്‍ ,ആറ്റൂര്‍ മുണ്ടയൂര്‍ എന്നീ മനക്കാരുടെ വകയായിരുന്നു മുണ്ടയൂര്‍ ക്ഷേത്രം.                                                         

മുണ്ടയൂര്‍ ക്ഷേത്രം

നൂറ്റാണ്ടുകള്‍ക്കുമുമ്പ് ഒട്ടനവധി പടയോട്ടങ്ങളും ഭീതിയും കെടുതിയും അനുഭവിക്കേണ്ടി വന്ന ഒരു പ്രദേശമാണിത്. കോഴിക്കോട് സാമൂതിരിയുടെ സൈന്യം മുണ്ടയൂരപ്പനെ ധ്യാനിച്ചായിരുന്നു യുദ്ധത്തിനു പുറപ്പെട്ടിരുന്നത്. മുണ്ടയൂരപ്പൻ അവരെ കാത്തുരക്ഷിച്ചിരുന്നു എന്നാണു വിശ്വാസം.

പണ്ട് മുണ്ടത്തിക്കോട് ,മുണ്ടയൂര്‍ എന്നിവിടങ്ങളില്‍ യുദ്ധതന്ത്രത്തിന്‍റെ അവിഭാജ്യഘടകം ആയിരുന്നു കോട്ടകള്‍ ഉണ്ടായിരുന്നു.1809 ല്‍ ഈ മണല്‍ കോട്ട ഇടിച്ചുനിരത്തിയതായി ചരിത്രം പറയുന്നു.                                                

ശിവരാത്രിക്ക് കോടികയറി ഗംഭീരമായി ഉത്സവം ഇവിടെ നടന്നിരുന്നു എന്ന് പഴമക്കാര്‍ പറയുന്നു.എന്നാല്‍ ഇപ്പോള്‍ ഉത്സവം ഇല്ല. ശിവരാത്രി  ആഘോഷിച്ചു വരുന്നു.                                                                                                                 

രണ്ടു നേരം പൂജയുള്ള ഈ ക്ഷേത്രത്തിലെ തന്ത്രം പുലിയന്നൂര്‍ മനയ്ക്കാണ്.

തൃശൂർ - കുന്നംകുളം റോഡിലായിട്ടാണീ ക്ഷേത്രം നിലകൊള്ളുന്നത്.

തിരുവല്ല ശ്രീവല്ലഭമഹാക്ഷേത്രം,പത്തനംതിട്ട ജില്ല

   തിരുവല്ല ശ്രീവല്ലഭമഹാക്ഷേത്രം,പത്തനംതിട്ട ജില്ല

പത്തനംതിട്ട ജില്ലയിലെ തിരുവല്ല പട്ടണത്തിലുള്ള പുരാതനമായ ക്ഷേത്രമാണ് തിരുവല്ല ശ്രീവല്ലഭമഹാക്ഷേത്രം ക്രി മു 59ആം ആണ്ടിൽ നിർമ്മിച്ചു എന്നു വിലയിരുത്തപ്പെടുന്ന ഈ ക്ഷേത്രം കേരളത്തിലെ പഴക്കം കൊണ്ടും, വിസ്തീർണ്ണം കൊണ്ടും വലിയ ആരാധനാലയങ്ങളിൽ ഒന്നാണ്‌.

തിരുവല്ല ശ്രീവല്ലഭമഹാക്ഷേത്രം  കവാടം  

ബ്രാഹ്മണരുടെ കുടിയേറ്റാരംഭത്തിൽ തിരുവല്ലയിലെ ഒരു പ്രധാന ബ്രാഹ്മണഗൃഹമായിരുന്നു ശങ്കരമംഗലത്ത്‌ മഠം. അവിടുത്തെ കുടുംബനാഥയായിരുന്ന ശ്രീദേവി അന്തർജ്ജനം, മഹാവിഷ്ണുവിനെ പ്രീതിപ്പെടുത്തുന്നതിന്‌ ഏകാദശിവ്രതം നോറ്റിരുന്നത്രെ. ഇതേ സമയം, ബ്രാഹ്മണകുടിയേറ്റത്തെ എതിർത്തിരുന്ന ആദിവർഗ്ഗ പരമ്പരയിലെ ഗോത്ര തലവനായിരുന്ന തുകലനുമായി(വിശ്വാസികൾക്ക്‌ തുകലാസുരൻ) ബ്രാഹ്മണർ ചെറുതല്ലാത്ത ഏറ്റുമുട്ടലുകൾ നടത്തിയിരുന്നത്രെ. "തുകലനും ബ്രാഹ്മണരും തമ്മിൽ ഉണ്ടായതായി പറയപ്പെടുന്ന സംഘട്ടനങ്ങൾ രണ്ട്‌ വ്യത്യസ്ത ജനതകളുടെ പ്രത്യയശാസ്ത്രപരമായ അഭ്പ്രായഭിന്നത മാത്രമായിരുന്നിരിക്കണം." തുകലൻ, വിഷ്ണുഭക്തയായിരുന്ന ശ്രീദേവി അന്തർജ്ജനത്തിന്‍റെ  വ്രതം മുടക്കും എന്ന ഘട്ടത്തിൽ വിഷ്ണു ഒരു ബ്രാഹ്മണ ബാലന്‍റെ  രൂപത്തിൽ പ്രത്യക്ഷപ്പെട്ട്‌ തുകലനെ നിഗ്രഹിച്ചു എന്നും, തന്‍റെ  ആയുധമായ സുദർശന ചക്രം അവിടെ പ്രതിഷ്ഠിക്കുകയും ചെയ്തുവത്രെ. ഇത്‌ ക്രി മു 2998-ൽ ആണെന്നു കരുതുന്നു. പിന്നീട്‌ ക്രി മു 59 ൽ വിഷ്ണു പ്രതിഷ്ഠയും നടന്നു.                                                                                                       

         തിരുവല്ല ശ്രീവല്ലഭമഹാക്ഷേത്രം

കിഴക്കോട്ട് ദർശനമായി ശ്രീ വല്ലഭനേയും, പടിഞ്ഞാറേക്ക് ദർശനമായി സുദർശ്ശന മൂർത്തിയേയും പ്രതിഷ്ഠിച്ചിരിക്കുന്നു. കൂടാതെ മഹാലക്ഷ്മി, വരാഹമൂർത്തി, ദക്ഷിണാമൂർത്തി, ഗണപതി, ശാസ്താവ് എന്നീ പ്രതിഷ്ഠകളുമുണ്ട്. മുഖ്യപ്രതിഷ്ഠയായ മഹാവിഷ്ണുവിനെ അഞ്ച് വ്യത്യസ്ത രൂപങ്ങളിൽ സങ്കല്പിച്ച് അഞ്ച് പൂജകൾ നിത്യേന നടത്തി വരുന്നു. ഉഷഃപൂജയിൽ ബാലനായും എതൃത്തുപൂജയിൽ ബ്രഹ്മചാരിയായും പന്തീരടിപൂജയിൽ വനവാസിയായും ഉച്ചപൂജയിൽ ഗൃഹസ്ഥനായും അത്താഴപൂജയിൽ വിരാട്-പുരുഷനായുമാണ് സങ്കല്പിക്കുന്നത്. നിത്യവും അത്താഴപൂജയ്ക്കു ശേഷം ദുർവാസാവ് മഹർഷി ക്ഷേത്രത്തിൽ വരികയും പൂജ നടത്തുകയും ചെയ്യുന്നു എന്ന ഒരു വിശ്വാസം നിലവിലുണ്ട്. വിഷ്ണുവിഗ്രഹത്തിന് ആറടി ഉയരം വരും. നിൽക്കുന്ന രൂപത്തിലാണ് വിഗ്രഹം. സുദർശനമൂർത്തിയുടെ വിഗ്രഹവും ഏതാണ്ടിതേപോലെയാണ്. എന്നാൽ കൈകളുടെ എണ്ണത്തിലും അവയിൽ ധരിച്ചിരിയ്ക്കുന്ന ആയുധങ്ങളിലും വ്യത്യാസമുണ്ട്. വിഷ്ണുവിഗ്രഹം നാലുകൈകളിൽ ശംഖ്, ചക്രം, ഗദ, താമര എന്നിവ ധരിച്ചിരിയ്ക്കുമ്പോൾ സുദർശനവിഗ്രഹം എട്ടുകൈകളിൽ ശംഖ്, ചക്രം, അമ്പ്, വില്ല്, വാൾ, ത്രിശൂലം, ഉലക്ക, കയർ തുടങ്ങിയവ ധരിച്ചിരിയ്ക്കുന്നു.                                                                                     

             മാടത്തിനു മുകളിലെ ഗരുഡൻ

ഈ ക്ഷേത്രം ഇന്നു കാണുന്നതു പോലെ നിർമ്മിക്കപ്പെട്ടത്‌ ക്രി മു 59 ൽ ചേര ചക്രവർത്തിമാരാലാണ്‌‍‍ എന്ന് അനുമാനിക്കാം. 1915-ൽ ക്ഷേത്രത്തിനുള്ളിലുണ്ടായിരുന്ന കൂത്തമ്പലത്തിന്‍റെ അവശിഷ്ടങ്ങൾ നീക്കം ചെയ്യുന്ന അവസരത്തിൽ ലഭിച്ച പാലി ലിപിയിലെഴുതിയ ശാസനത്തിൽ ഇതിനെക്കുറിച്ച് പരാമര്ശം ഉണ്ട്.                                                                                

ക്ഷേത്ര മതിലിനുള്ളിലെ വിസ്‌തൃതി എട്ട്‌ ഏക്കർ മുപ്പത്‌ സെന്റ്‌ ആണ്‌. ക്ഷേത്രമതിലിനു പുറത്തുള്ള ക്ഷേത്രക്കുളത്തിന്‌ രണ്ട്‌ ഏക്കറോളം വിസ്താരമുണ്ട്‌. ചെങ്കല്ലിൽ തീർത്ത ഭീമാകാരമായ ഒരു കോട്ടയാണ്‌ ഈ ക്ഷേത്രത്തിന്‍റെ  ചുറ്റുമതിൽ. ഇതിന്‍റെ ഒരു വശത്തിന്‌ 562 അടി നീളവും, പന്ത്രണ്ട്‌ അടി ഉയരവും ഉണ്ട്. തറ നിരപ്പിൽ നാലടി ഒരിഞ്ച്‌ വണ്ണമുള്ള ഈ മതിലിന്‍റെ  അസ്ഥിവാരം രണ്ടേകാൽ അടി താഴ്ച്ചയിൽ ഏഴ്‌ അടി മൂന്ന് ഇഞ്ച്‌ വണ്ണമുണ്ട്‌. മതിലിന്‍റെ  മദ്ധ്യഭാഗത്തായി നാലു വശത്തും ദാരുവിൽ നിർമ്മിച്ച ഇരുനില ഗോപുരങ്ങളുണ്ട്‌.                                                                                               

                                                                                          

                                 തിരുവല്ല ശ്രീവല്ലഭമഹാക്ഷേത്രം  ദൂരകാഴ്ച

ക്ഷേത്രത്തിനുള്ളിൽ കിഴക്കു വശത്താണ്‌ ക്രി മു 57 ൽ  നിർമ്മിച്ച ഗരുഡമാടത്തറ. ഇത്‌ അറുപത്തിയഞ്ച്‌ അടി നീളവും രണ്ടടി വ്യാസവുമുള്ള ഒറ്റക്കൽ തൂണാണ്‌. (ഇതിന്‍റെ  ഒരറ്റം ഭൂഗർഭ ജലവിതാനത്തിൽ മുട്ടി നിൽക്കുന്നു എന്ന് വിശ്വാസികൾ കരുതുന്നു) ഈ ധ്വജാഗ്രത്തിൽ വിടർത്തിപ്പിടിച്ച പക്ഷങ്ങളും, മനുഷ്യ രൂപവും, മൂന്നടിയോളം ഉയരവുമുള്ള ഗരുഡന്‍റെ  പഞ്ചലോഹവിഗ്രഹവുമുണ്ട് (ഇത് പെരുന്തച്ചൻ നിർമ്മിച്ച‌താണെന്നാണ്‌ ഐതിഹ്യം)                                                                                                                    .                   

                                                                                                             

കരിങ്കല്ലു കൊണ്ട്‌ പടുത്തുയർത്തിയ ഇവിടുത്തെ നാലമ്പലം നൂറ്റൻപത്‌ അടി സമചതുരമാണ്‌. ഇതിന്‌ പതിനൊന്ന് അടി വീതിയുണ്ട്‌. നലമ്പലത്തിന്‍റെ  കിഴക്കുവശം ഇരുനിലകളോടു കൂടിയ ഗോപുരമാണ്‌. ഇത്‌ പഴയ കാലത്ത്‌ ഗ്രന്ഥപ്പുരകളായിരുന്നു. തെക്കു കിഴക്കായുണ്ടായിരുന്ന കൂത്തു പുരയുടെ അവശിഷ്ടങ്ങൾ 1915 ൽ നീക്കം ചെയ്യപ്പെട്ടു. നാലമ്പലത്തിന്‍റെ തെക്കുപടിഞ്ഞാറുള്ള  മുറിയിലൂടെയാണ്‌ ഒരു ടെന്നീസ്‌ കോർട്ടിനോളം വലിപ്പമുള്ള ഇവിടുത്തെ ഭൂഗർഭ ഭണ്ഡാരത്തിലേക്കുള്ള വഴി. ഇത്‌ ആയിരം വർഷത്തോളമായി തുറന്നീട്ടില്ല.( രാമയ്യൻ ദളവ ഇത്‌ തുറന്ന്‌ വിലപിടിപ്പുള്ള എല്ലാ സാധനങ്ങളും തിരുവനന്തപുരത്തേക്കു കൊണ്ടു പോയി എന്നും പറയപ്പെടുന്നു.) നാലമ്പലത്തിന്‍റെ  പടിഞ്ഞാറെ ഭിത്തിൽ ഉൾവശത്തായി ഏതാനും ചുവർചിത്രങ്ങൾ ഉണ്ട്‌.ഇവിടുത്തെ വൃത്താകൃതിയിലുള്ള കരിങ്കൽ ശ്രീകോവിലിന്‌ 160 അടി ചുറ്റളവുണ്ട്‌. മൂന്ന് ഭിത്തികൾക്കുള്ളിലാണ്‌ ഗർഭ ഗൃഹം കിഴക്കോട്ട്‌ വിഷ്ണു പ്രതിഷ്ഠയും പടിഞ്ഞാറേയ്ക്ക്‌ സുദർശന പ്രതിഷ്ഠയുമാണ്‌. ശ്രീകോവിലിന്‍റെ  പഴക്കം തിട്ടപ്പെടുത്തിയിട്ടില്ല.

  തിരുവല്ല ശ്രീവല്ലഭമഹാക്ഷേത്രക്കുളം 

ഉത്സവം 

ഉത്ര ശ്രീബലി

സമീപ പ്രദേശത്തുള്ള ആലംതുരുത്തി,കരുനാട്ടുകാവ്, പടപ്പാട്ട് എന്നീ ക്ഷേത്രങ്ങളിലെ ദേവിമാർ മീനമാസത്തിലെ ഉത്രം നാളിൽ ശ്രീ വല്ലഭ ക്ഷേത്രത്തിലെക്കു എഴുന്നളുന്ന ചടങ്ങാണ് ഉത്രശ്രീബലി.ഈ ക്ഷേത്രങ്ങളിലെ ഉത്സവത്തിന്‍റെ  എട്ടാം ദിവസം ആറാട്ട് എഴുന്നളത്തിനു മധ്യേ ശ്രീ വല്ലഭ ക്ഷേത്രത്തിൽ ഈ ദേവിമാർ എത്തുമ്പോൾ അതുവരെ അടഞ്ഞ് കിടക്കുന്ന ക്ഷേത്രത്തിന്‍റെ  വടക്കേ ഗോപുര നട തുറന്ന് ദേവിമാരെ സ്വീകരിക്കുന്നു. തുടർന്നു ഈ മൂന്നു ദേവിമാരും ഗരുഡവാഹനത്തിൽ എത്തുന്ന ശ്രീവല്ലഭനും, മഹാ സുദർശന മൂർത്തിയും കൂടി ചെർന്നു അഞ്ചീശസംഗമം നടക്കുന്നു.അതിനു ശേഷം ആലംതുരുത്തി ഭഗവതിയെ ശ്രീ വല്ലഭനോടൊപ്പം ശ്രീ കോവിലിലേക്ക് എഴുന്നളിച്ചിരുത്തുന്നു. പിന്നീട് കിഴക്കേ ഗോപുരം വഴി ദേവിമാർ തുകലശ്ശേരി ചക്രക്ഷാളനക്കടവിലേക്ക് ആറാട്ടിനായ് പോകുന്നു.ആറാടി തിരിച്ചെത്തുന്ന പടപ്പാട്, കാവിൽ ഭഗവതിമാർ വടക്കേ ഗോപുരം വഴി തന്നെ തിരിച്ചു പോകുന്നു. അതിനു ശേഷം ആറാട്ട് കഴിഞ്ഞ് തിരിച്ചെഴുന്നളുന്ന ആലംതുരുത്തി ഭഗവതി ഉച്ചശ്രീബലിക്ക് എഴുന്നള്ളിയിരിക്കുന്ന ശ്രീവല്ലഭ, സുദർശ്ശനമൂർത്തികളെ ക്ഷേത്രത്തിന്റെ തെക്കു പടിഞ്ഞാറേ ഭാഗത്തു വച്ച് കണ്ട് മുട്ടുന്നു. ശ്രീ വല്ലഭ വാഹകനായ കീഴ്ശാന്തി തലയിൽ എഴുന്നളിച്ചിരിക്കുന്ന ബിംബത്തിൽ നിന്നും കൈവിട്ട് ഭക്തരിൽ നിന്നും സ്വീകരിക്കുന്ന കാണിക്ക ഭഗവതിക്കു നൽകി യാത്രയയക്കുന്നതോടെ ഉത്രശ്രീബലി മഹോത്സവം അവസാനിക്കുന്നു.

കഥകളിയുടെ ആരംഭ കാലം മുതൽ തന്നെ ഈ ക്ഷേത്രത്തിൽ കഥകളി പ്രദർശിപ്പിക്കുന്ന പതിവുണ്ടായിരുന്നു. പിൽക്കാലത്ത്‌ സവിശേഷപ്രാധാന്യവും, ഇപ്പോൾ പ്രധാന വഴിപാടുമാണ്‌ കഥകളി.

തിരുവല്ല നിന്നും മാവേലിക്കര റോട്ടിൽ 4 കിമി പോയാൽ ശ്രീവല്ലഭക്ഷേത്രം കവല ആയി. അവിടെ നിന്ന് സുമാർ 500 മീറ്റർ പോയാൽ അമ്പലമായി

ഉണ്ണിഭ്രാന്തന്‍ കാവ് ക്ഷേത്രം പാലക്കാട് ജില്ല,,അഴകൊടിക്കാവ് ഭദ്രകാളി ക്ഷേത്രം

ഉണ്ണിഭ്രാന്തന്‍ കാവ് ക്ഷേത്രം 
=============================================

പാലക്കാട് ജില്ലയിലെ പട്ടാമ്പിയിലാണ് ഈക്ഷേത്രം സ്ഥിതി ചെയ്യുന്നത്.ഇവിടുത്തെ പ്രധാന മൂര്‍ത്തി ഉണ്ണിഭ്രാന്തന്‍ആണ്. തുറന്ന ആല്‍ തറയിലാണ് .ആലിന് നല്ലപഴക്കമുണ്ട്.ഈ തറ നിറയെ ഉടഞ്ഞ കളിമണ്‍ വിഗ്രഹങ്ങളായിരുന്നു ഉണ്ണിഭ്രാന്തനെ കൂടാതെ പന്നിമുഖി(വരാഹി),രക്ഷസ്സ്, നാഗം,ശിവന്‍,പാര്‍വതി,എന്നിവരും ഉണ്ട് .പടിഞ്ഞാട്ടു ദര്‍ശന മായിട്ടുള്ള ഈക്ഷേത്രത്തില്‍ വൃശ്ചികം ഇരുപത്തി ഒന്നിനാണ് ഉത്സവം.                        

ഉണ്ണിഭ്രാന്തന്‍ കാവ് ക്ഷേത്രം

കലാകാരന്മാര്‍ ഇവിടെ ആരാധനക്കെത്താറുണ്ട്.കാണാതായ സാധനങ്ങള്‍ കണ്ടെത്താന്‍ ഉണ്ണിഭ്രാന്തനു നല്ലെണ്ണ നേരാറുണ്ട്.ഞായറാഴ്ചയും മലയാളമാസം ഒന്നാം തീയതിയും മാത്രമാണ് ഇവിടെ പൂജ. നാറാണത്ത് ഭ്രാന്തന്‍ ഇവിടെ തപസ്സു ചെയ്തിരുന്നു എന്നും ഉണ്ണിഭ്രാന്തന്‍ സമാധിയായ ഒരു യോഗിയാണെന്നും ഐതിഹ്യം.അണ്ടലാടി മനക്കാരാണ് ഇവിടുത്തെ താന്ത്രികവിധി.                                                                                                                              

അഴകൊടിക്കാവ് ഭദ്രകാളി ക്ഷേത്രം

AZHAKODIKKAVU BHADRAKAALI TEMPLE 

KOZHIKKODU, KERALA 

കോഴിക്കോട് നഗരത്തില്‍ സ്വകാര്യ ബസ്‌ സ്റ്റാന്‍ന്റ്റിന് ഒരു കിലോമീറ്റര്‍ വടക്കുഭാഗത്തായ് സ്ഥിതി ചെയ്യുന്ന ഈ ക്ഷേത്രത്തിലെ പ്രധാന മൂര്‍ത്തി ഭദ്രകാളി യാണ് കിഴക്കോട്ട് ദര്‍ശന മായിട്ടുള്ള ഈ ക്ഷേത്രത്തില്‍ മൂന്ന് പൂജയാണ് ഉള്ളത് . ഇവിടുത്തെ താന്ത്രികവിധി പാടേരി ഇല്ലക്കാര്‍ക്കാ ണ് , മേടത്തിലെ പുണര്‍തം ആറാട്ടായ് എട്ട് ദിവസത്തെ ഉത്സവമാണ് .നവരാത്രി നാളില്‍ ആഘോഷവും ഉണ്ട് .                                                                                           

അഴകൊടിക്കാവ് ഭദ്രകാളി ക്ഷേത്രം

ഉപദേവത : ശാസ്താവ് ,ഉണ്ണിത്രിപുരാന്തകന്‍ , അന്തിമഹാകാളന്‍ , വേണുഗോപാലന്‍ , രണ്ടു ഗണപതി, ദക്ഷിണാമൂര്‍ത്തി, കൂടാതെ കിഴക്ക് ഭാഗത്ത്‌ കിഴക്കേ കാവില്‍ ഭുവനേശ്വരി എന്നിവരും ഉണ്ട് . ക്ഷേത്രത്തില്‍ ഉച്ച പൂജ കഴിഞ്ഞ് കിഴക്കേ കാവില്‍ പോയ്‌ വന്ന് വീണ്ടും പൂജ നടത്തിയാലെ മുഴുവനാകൂ എന്നാണു ഇവിടുത്തെ ചിട്ട . മുന്‍പ് ഇവിടെ കനലാട്ടം നടത്തിയിരുന്നു ഇതിന് നാല്‍പ്പത് കുറ്റി പ്ലാവ് വേണമെന്നായിരുന്നു കണക്ക്. 

അഴകൊടിക്കാവ് ഭദ്രകാളി ക്ഷേത്രം, കൊടിമരം

കൂടാതെ പൂജാരി തരുന്ന തെച്ചിമാല കഴുത്തിലണിഞ്ഞ് ക്ഷേത്രത്തില്‍ സത്യം ചെയ്യലും ഉണ്ടായിരുന്നു. ചെരുതാല കുടുംബത്തിലെഅരിക്കാടിയില്‍ ദേവി ആവേശിച്ചു എന്നും ആ ദേവിയെ ശാസ്താ ക്ഷേത്രത്തില്‍ പ്രതിഷ്ട്ടിച്ചു എന്നുമാണ് ഐതിഹ്യം.ശാസ്താവ് ഇപ്പോള്‍ ഉപദേവനാണെക്കിലും പ്രാധാന്യം കൂടുതലുണ്ട് . അരിക്കാടിക്കാവ് എന്നായിരുന്നു ഈ ക്ഷേത്രം അറിയപ്പെട്ടിരുന്നത് .ആയിരത്തി തൊള്ളായിരത്തി അറുപത്തി അഞ്ചില്‍ അഴകൊടിക്കാവ് എന്ന പേരാക്കി മാറ്റിയതാണ് .

ഉദിന്നൂര്‍ക്ഷേത്രപാലകക്ഷേത്രം

ഉദിന്നൂര്‍ക്ഷേത്രപാലകക്ഷേത്രം

കാസര്‍കോഡ് ജില്ലയിലെ പടന്നയില്‍ നക്കാവ് സ്റ്റോപ്പിനടുത്തായാണ്  ഈക്ഷേത്രം സ്ഥിതി ചെയ്യുന്നത്.ഇവിടെ രണ്ടു പ്രധാനമൂര്‍ത്തി കളാണ് .ക്ഷേത്രപാലനും,കാളരാത്രിയും.കാളരാത്രി മണിതൂണി ലാണ് (മഹാദേവന്റെ തൃക്കണ്ണില്‍ നിന്നും ജനിച്ച ദേവിയാണ് കാളരാത്രി).അല്ലടാ സ്വരൂപത്തിന്‍റെ കുലദേവതയാണ് കാളരാത്രി .                                                                                                   

ഉദിന്നൂര്‍ക്ഷേത്രപാലകക്ഷേത്രം

ഈക്ഷേത്രത്തിലെ ഉപദേവതകള്‍ :പാടാളങ്ങര ഭഗവതി, വടക്കമ്പാതുക്കല്‍ ഭഗവതി,എന്നിവരാണ് .പച്ചരി,ഇളനീര് ,മലര് ,ത്രുമധുരം എന്നിവയാന്‍ ഇവിടുത്തെ നേദ്യം.മകരത്തിലെ കാര്‍ത്തിക മുതല്‍ ഒന്‍പതു ദിവസം വരെ പാട്ട് ഉത്സവം നടത്താറുണ്ട്‌ കാളരാത്രിയെയും, ക്ഷേത്രപാലനെയുംവാളില്‍ ആവാഹിച്ച് എഴുന്നള്ളിക്കും.നായന്മാരാണ് എഴുന്നള്ളിക്കുക.ചന്തേര മടിയന്‍ നായര്‍ പളളാത്ത് നായര്‍ എന്നിവരുടെ ക്ഷേത്രമായിരുന്നു