അടിയേരിമഠം ദേവീക്ഷേത്രം,കണ്ണൂർ ജില്ലയിലെ ആറളത്താണ് 

Jump to navigationJump to search

പരശുരാമനാൽ സ്ഥാപിതമായ നാലു മാന്ത്രിക-താന്ത്രിക സമ്പ്രദായങ്ങളിൽ പ്രധാന സ്ഥാനത്തുള്ള ക്ഷേത്രമാണ് അടിയേരിമഠം ദേവീക്ഷേത്രം. കണ്ണൂർ ജില്ലയിലെ ആറളത്താണ് ഈ ക്ഷേത്രം സ്ഥിതിചെയ്യുന്നത്. പ്രധാന ദേവതാസ്ഥാനത്ത് ഉച്ചിട്ട ഭഗവതി ആണ്. ഉച്ചിട്ട ഭഗവതിയുടെ ഉത്ഭവസ്ഥാനം അടിയേരിയാണ്.'അടിയേരിമഠത്തിൽ ഉച്ചിട്ടയമ്മ' എന്നാണ് ഈ ദേവിയെ വിളിച്ചുവരുന്നത്.ദേവതാ സമൂഹം കുടികൊള്ളുന്ന അടിയേരിയിലെ ധര്മ്മദൈവം ദുര്ഗ്ഗയും ഭൈരവാദിപഞ്ചമൂര്ത്തികള് പ്രധാന ഉപാസനാ മൂര്ത്തികളുമാണ്.

• ഭഗവതി , ഭൈരവൻ എന്നീ ദേവതകളെ പ്രധാന ശ്രീകോവിലിലും രക്തചാമുണ്ടി , തേവര് ചാത്തൻ, കരുവാള് ഭഗവതി, കുട്ടിച്ചാത്തൻ ,ഘണ്ടാകര്ണ്ണൻ എന്നീ ദേവതകളെ രണ്ടാമത്തെ ശ്രീകോവിലിലും പൊട്ടന് , കുറത്തി ,ഗുളികന് എന്നീ ദേവതകളെ പുറത്തു യഥാവിധി സ്ഥാനം നല്കിയും മൂവാളംകുഴി ചാമുണ്ടിക്ക് ഉപക്ഷേത്രം നി ര്മ്മിച്ചും ഇവിടെ പ്രതിഷ്ഠിച്ച് ആരാധിച്ചുവരുന്നു.

തെയ്യങ്ങളുടെ തറവാടാണ് അടിയേരിമഠം. കളിയാട്ടമാണ് ഇവിടെ പ്രധാനം. ഉച്ചിട്ട ഭഗവതി , ഭൈരവന് , കുട്ടിച്ചാത്തൻ ,കരുവാള് ഭഗവതി , ഗുളികൻ , രക്തചാമുണ്ടി , തേവര് ചാത്തൻ , മൂവാളം കുഴി ചാമുണ്ടി , ഘണ്ടാകര്ണ്ണൻ എന്നീ തെയ്യങ്ങൾ 5 വര്ഷത്തില് ഒരിക്കല് ഇവിടെ കെട്ടിയാടിക്കുന്നു.

എല്ലാ മലയാള മാസവും ഒന്നാം തീയതിയും വിശേഷ ദിവസങ്ങളിലും ഇവിടെ ത്രികാല പൂജയും ഉച്ചയ്ക്ക് അന്നദാനവും നടത്തുന്നു . മീനം 6 മുതല് ആണ് മഹോത്സവം. മംഗല്യഭാഗ്യത്തിനായി സ്വയംവര പൂജ,താലി സമര്പ്പിക്കല് , സന്താന സൗഭാഗ്യത്തിനായി സന്താനഗോപാല പൂജ, തൊട്ടിലും കുട്ടിയും വെച്ചു തൊഴല് , കുട്ടികളുടെ ഐശ്വര്യത്തിനായി തുലാഭാരം തുടങ്ങിയവ ഇവിടെ പ്രധാനമാണ് .

" ശ്രീ അടിയേരിമഠം ദേവീക്ഷേത്ര സമിതി , ആറളം " എന്ന പേരില് രജിസ്റ്റര് ചെയ്തിട്ടുള്ള സമിതിയാണ് ക്ഷേത്രത്തിന്റെ ഭരണപരമായ എല്ലാ പ്രവര്ത്തനങ്ങളും നടത്തുന്നത്. ക്ഷേത്ര സമിതിയുടെ നേതൃത്വത്തില് സഞ്ജീവനി സേവാ പദ്ധതി , ഗോദാനപദ്ധതി , വിദ്യാഭ്യാസ സഹായ പദ്ധതി, ചികിത്സാ സഹായ പദ്ധതി തുടങ്ങിയ സേവന പദ്ധതികളും ഇവിടെ പ്രവർത്തിക്കുന്നു

പുതുശ്ശേരി ശ്രീ കുറുബ ഭഗവതി ക്ഷേത്രം കമ്പം കൊണ്ട് വരല്‍..

പുതുശ്ശേരി ശ്രീ കുറുബ ഭഗവതി ക്ഷേത്രം  കമ്പം കൊണ്ട് വരല്‍..

മലബാര്‍ ദേവസ്വം ബോര്‍ഡില്‍ പെടുന്ന പുതുശ്ശേരി ശ്രീ കുറുബ ഭഗവതി ക്ഷേത്രം പാലക്കാട് നഗരത്തില്‍ നിന്നും ആറു കിലോമീറ്റെര്‍ ദൂരത്ത്‌ കോയമ്പത്തൂരിലേക്ക് പോകുന്ന ദേശീയ പാതയില്‍ ആണ്..
പുരാതന കാലത്ത് ചെട്ടിയാര്‍സമുദായവും വാണിയര്‍ സമുദായവും കച്ചവടത്തിനായ്യി കോയമ്പത്തൂരിലെ കാന്ഗയം തുടങ്ങിയസ്ഥലങ്ങളില്‍ നിന്നുംവന്നു പുതുശേരിയില്‍ താമസം ആക്കി .[ഇങ്ങനെകച്ചവടത്തിനായ്യി വന്നുചേര്‍ന്ന മൂത്താന്‍ തുടങ്ങിയസമുധായങ്ങള്‍ പാലക്കാട് മാത്രമാണുള്ളത്]..
18 സമുദായങ്ങൾ ഉത്സവ ചടങ്ങുകളും ആയി ബന്ധപ്പെട്ടു കിടക്കുന്നു.
...
കൊടുങ്ങല്ലൂര്‍ ദേവിയുടെചൈതന്യം തന്നെയാണ്
ഇവിടെയ്യും പ്രതിഷ്ഠ .
.കൊടുങ്ങല്ലൂരില്‍ ചെന്നഒരുഭക്തന് ഭരണിക്ക് ദര്‍ശനംകിട്ടിയില്ല ..ഭക്തന്റെ പ്രാര്‍ത്ഥനയില്‍ ദേവി ഭക്തനോപ്പം പുതുശേരിയില്‍ എത്തി .
ചിലപതികാരത്തില്‍ കണ്ണകിതന്നെകാളി എന്നാപേരില്‍അറിയപെടുന്നതായി കാണുന്നു..
അങ്ങിനെ ശ്രീ കുറുബ കണ്ടങ്കാളി ആയ്യിമാറി..
ക്ഷേത്രത്തിലെ വാര്‍ഷിക ഉത്സവം കുംഭ മാസ്സത്ത്തില്‍ആണ്..പതിനാലു ദിവസം നീണ്ടുനില്‍ക്കും ..ചോള രാജാവിന്റെകാലത്ത്ഏതൊരു ഉത്സവവവും 28 ദിവസം നീണ്ടുനില്‍ക്കുമായ്യിരുന്നു ..കാലക്രമത്തില്‍ അത്പതിനാലു ദിവസ്സമായി കുറഞ്ഞു ..കേരളത്തിലുംഇങ്ങനെസംഭവിച്ചു.പുതുശേരി ഉത്സവ ചടങ്ങുകളും 14 ദിവസ്സമായി ..ഉത്സവത്തിനു പ്രധാന വഴിപാടു കതിന വെടി ആണ് ..ഉത്സവം അറിയപെടുന്നതും പുതുശ്ശേരി വെടി എന്നാണ് ..ഉത്സവകാലത്ത് സോഫ്റ്റ്‌ മരങ്ങള്ലാല്‍ ഉണ്ടാക്കപെടുന്ന കൈകാലുകളുടെ മാതൃകകള്‍ ദേവിക്ക് സമര്‍പ്പിക്കുന്നു ..ഇവപൊട്ടിതല എന്നറിയപെടുന്നു..ചെട്ടിയാര്‍ സമുദായത്തിനു പ്രത്യേക പ്രിവിലേജു ആണ്ഉത്സവ ചടങ്ങുകളില്‍; ഉള്ളത്..ഉത്സവത്തിലെ അവസാന ചടങ്ങ് കമ്പം [ pillar]കത്തിക്കല്‍ ആണ് 
..വാളയാര്‍ ഉള്കാടുകളില്‍ ചെന്നാണ് കംബത്തിനുള്ള മുള കൊണ്ട് വരുന്നത് ..
കമ്പം വരവ്തന്നെ ഒരുപ്രധാന ചടങ്ങ് ആണ്..
തെക്കേ മലബാറിലെ ഏറ്റവും കൂടുതല്‍ ഭക്തജന പങ്കാളിത്തം ഉള്ളഉത്സവംആണ്പുതുശ്ശേരി ഉത്സവം..പാലക്കാട്ടെ ആദ്യഉത്സവം കൂടിയാണ് ..കോങ്ങാട് പൂരം ഒടുവിലെത്തതും ..
പുരാതന കാലത്ത് പുതുശേരിയില്‍ ഒട്ടനവധി തറവാടുകള്‍ ഉണ്ടായിരുന്നു..അതില്‍പ്രധാനമായ ഉള്ളാട്ട് വീട്ടില്‍ തറവാട്ടിലെ നാണു ്നായര്‍ എന്നാ ദേവീഭക്തനില്‍നിന്നും പുതുശ്ശേരി ചരിതം ആരംഭിക്കുന്നു ..
ഓലകുടയുംമായി കാല്‍നടആയി നാണു നായർ കൊടുങ്ങല്ലൂരിലേക്ക് പുറപെട്ടു..ഏഴാം ദിവസം കൊടുങ്ങല്ലൂരില്‍ എത്തിയപ്പോഴേക്കും നടഅടച്ചിരുന്നു.കനത്ത ഇരുട്ടില്‍ ക്ഷേത്രം എവിടെയെന്നു മനസിലാക്കാന്‍ നാനുനായര്‍ക്കുകഴിഞ്ഞില്ല..അപ്പോള്‍ദൂരെ ഒരുവീട്ടില്‍ ദീപം തെളിഞ്ഞു കത്തുന്നത് കണ്ടു..ആവീട്ടില്‍ചെന്ന് വിശന്നുവളഞ്ഞഎനിക്കുഭക്ഷണംതരാന്‍ അപേക്ഷിച്ചപ്പോള്‍ ഗൃഹനാഥന്‍ കാവിന്റെനടകാണിച്ചു ആവീട്ടില്‍ചെന്ന് കാളി വാരസ്യാരെ കണ്ടാല്‍മതിയെന്ന് പറഞ്ഞു..അനന്തരം കാളിവാരസ്യാരുടെ വീടെന്നുകരുതി ക്ഷേത്ര നടയില്‍ ചെന്ന് കാളിവാരസ്യാരെഎന്ന് വിളിച്ചു..ആസമയം ചങ്ങല വട്ടയും ദീപവും ആയി ദേവീചൈതന്യം തുളുമ്പുന്ന ഒരുസ്ത്രീ പുറത്തേക്ക് വന്നു .നാണ്‌നായരെ സ്വീകരിച്ചുഇരുത്തി ഭക്ഷണംകൊടുത്തു...എങ്ങിനെ ഇവിടെ എത്തിയെന്നാരാഞ്ഞപ്പോള്‍ ആകാണുന്ന വീട്ടിലെ ഒരാളാണു പറഞ്ഞുതന്നതെന്ന് പറഞ്ഞപ്പോള്‍ദേവി അങ്ങോട്ട്‌ നോക്കുകയും ആഗൃഹം കത്തിചാമ്പലാകുകയും ചെയ്തു ക്ഷേത്രം ആണെന്നറിയാതെ അവിടെ .കിടന്നുറങ്ങി ഭക്തന്‍..
ഉറക്കമെഴുന്നേറ്റ നാണു നായര്‍ വിറക്കാന്‍തുടങ്ങി കിണ്ടിയുംകുടയുംഎടുത്തു നാട്ടിലേക്ക് തിരിച്ചു ..
നാണു നായർ എന്ന ഭക്തന്റെ പ്രാർത്ഥനയിൽ സംതൃപ്തയായി ദേവി ഭക്തന്റെ കൂടെ ദേഹത്തിലും കിണ്ടിയിലും കുട യിലും ആയി ഒപ്പം എഴുന്നള്ളി. ഏഴാം ദിവസം പുതുശ്ശേരിയിൽ തിരിച്ചെത്തിയ ഭക്തൻ കുടയും കിണ്ടിയും പൂജാ മുറിയിൽ വെച്ചു.പ്രാർത്ഥിച്ചപ്പോൾ ദേവി ഭക്തന്റെ ദേഹത്ത്അണഞ്ഞു.വിറച്ചു തുള്ളി തുടങ്ങി. ബന്ധുക്കൾ അയൽക്കാരെ വിളിച്ചുകൂട്ടി ..അവർ തുള്ളാൻ കാരണം കുട എന്നു കരുതി കുട നശിപ്പിച്ചു വലിച്ചെറിഞ്ഞു..നാണു നായരുടെ പെരുമാറ്റത്തിൽ നിന്നും അദ്ദേഹത്തിന് ഭ്രാന്തു ആണെന്ന് നാട്ടുകാർ വിധി എഴുതി.അദ്ദേഹത്തെ ഉപദ്രപിച്ചു..കുലുങ്ങാതിരുന്ന ഭക്തൻ മന്ത്രവാദി എന്നും നാട്ടുകാർ മുദ്ര കുത്തി..പ്രമാനിമാരുടെയും മറ്റും തെറ്റുകൾ ദുർ നടപടികൾ എന്നിവ അദ്ദേഹം ചോദ്യം ചെയ്തു..തുടർന്നു പ്രമാണിമാർ അദ്ദേഹത്തെ വയൽ കുളത്തിൽ കെട്ടിയിട്ടു മുക്കി.. പക്ഷെ നാണു നായർ മരിച്ചില്ല..തുടർന്നു ഏതു വിധേനയും നാണു നായരെ ഇല്ലാതാക്കാൻ പ്രമാണിമാർ തീരുമാനിച്ചു.ദേവീ യുടെ ശക്തി ഉള്ളവൻ എങ്കിൽ അതു തെളിയിക്കാൻ ആവശ്യപ്പെട്ടു.പ്രമാണിമാരുടെ കല്പന പ്രകാരം പറയര്‍ അഗ്നി പരീക്ഷണം നാട്ടില്‍ അറിയിച്ചു.ചെറുമക്കള്‍ വിറകും ഏണിയും മുളയുംയെര്പാടാക്കി .ആശാരിമാര്‍ മുള പണിയെടുത്തു തയാര്‍ ആക്കി.കുഴി ഉണ്ടാക്കുവാന്‍ കൊല്ലന്‍മ്മാര്‍ പണി ആയുധങ്ങള്‍ നിര്‍മ്മിച്ച്‌ നല്‍കി.നായ്ക്കര്‍ കുഴി വെട്ടി .വടുകാര്‍ മണല്‍ ഇട്ടു സഹായിച്ചു.ചക്കാന്‍ എണ്ണ കൊണ്ട് വന്നു.ചെട്ടി സമുദായക്കാര്‍ നെയ്‌ കൊണ്ട് വന്നു.എഴുത്തശന്മ്മാര്‍ നാണു നായരെ വയല് കുളത്തില്‍ നിന്നും പിടിച്ചു കൊണ്ട് വന്നു .കിഴക്കേ വീട് പണിക്കര്‍ അഗ്നിക്ക് തിരി കൊളുത്തി .നാണു നായരോട് അഗ്നിയിലേക്ക് ചാടാന്‍ ആവശ്യപെട്ടു .തീ ആളി കത്തുവാന്‍ ചെട്ടിയാര്മാര്‍ എട്ടു കുടം നെയ്‌ ഒഴിച്ചു.ദേവീ ശക്തി ഉള്ളവനെങ്കില്‍ രക്ഷപെട്ടു പുറത്തു വരട്ടെ എന്ന് പരിഹസിച്ചു.അപ്പ്ല്‍ ഉള്ളാട്ട് വീട്ടുകാര്‍ തീ അനക്കുവാന്‍ ഇളനീര്‍ ചെത്തി ഒഴിക്കാന്‍ ശ്രമിച്ചു..പക്ഷെ പ്രമാണിമാര്‍ പിന്തിരിപ്പിച്ചു .നാണു നായര്‍ അഗ്നിയില്‍ ദഹിച്ചു.അഗ്നി കുണ്ടത്തില്‍ നിന്നും ദേവി പ്രത്യക്ഷപെട്ടു.
പ്രമാണിമാരെയും കൂട്ട് നിന്ന നാട്ടുകാരെ മിക്കവരെയും കാളി ദേവി ഇല്ലാതാക്കി.നാട്ടില്‍ വസൂരി പടര്‍ന്നു പിടിച്ചു.തുടര്‍ന്നു നാട്ടുകാരുടെ പ്രാത്ഥനയില്‍ ദേവീ സംതൃപ്തയായി പ്രായശ്ചിത്തം നടത്തുവാനായി കല്പിച്ചു.പ്രതിഷ്ഠ നടത്തി പ്രായശ്ചിത്ത വേലയും നടത്തുവാനും നിത്യ പൂജ ചെയ്യുവാനും നാട്ടുകാര്‍ തീരുമാനിച്ചു.അതോടെ ദേവീ ദേശത്തിന്റെ രക്ഷക ആയി മാറി.

ആവണംകോട് സരസ്വതി ക്ഷേത്രം,എറണാകുളം ജില്ലയിലെ നെടുമ്പാശ്ശേരി

ആവണംകോട് സരസ്വതി ക്ഷേത്രം

കേരളത്തിലെ എറണാകുളം ജില്ലയിലെ നെടുമ്പാശ്ശേരി ഗ്രാമപഞ്ചായത്തിലുള്ള‍ ആവണംകോട് പ്രദേശത്ത് സ്ഥിതിചെയ്യുന്ന സരസ്വതി ക്ഷേത്രമാണ് ആവണംകോട് സരസ്വതി ക്ഷേത്രം^[1]. സരസ്വതിയാണ് ഇവിടത്തെ പ്രധാന പ്രതിഷ്ഠ. മിഥുനമാസത്തിലെ പൂയം നാളാണ് പ്രതിഷ്ഠാദിനം. മണ്ഡപത്തിന്റെ ചുവട്ടിലായി സരസ്വതീദേവിയുടെ വാഹനമായ സിംഹത്തിന്റെ പ്രതിഷ്ഠയും പ്രദക്ഷിണവഴിയിൽ ഗണപതിയുടെ പ്രതിഷ്ഠയും ഉണ്ട്. പരശുരാമൻ പ്രതിഷ്ഠ നടത്തി എന്നു വിശ്വസിക്കുന്ന നൂറ്റിയെട്ട് ദുർഗ്ഗാലയങ്ങളിൽ ഒന്നാണ് ഈ ക്ഷേത്രം. കേരളത്തിലെ ഒരു പ്രധാന വിദ്യാരംഭ ക്ഷേത്രമാണിത്^[2].

ചിത്രശാല

• 
 
• 
 
• 
 
• 
• 
 
• 
 
• 
 
• 
• 
  

തൃക്കാവ് ശ്രീ ദുർഗ്ഗാ ഭഗവതി ക്ഷേത്രം,മലപ്പുറം ജില്ല

മലപ്പുറം ജില്ലയിലെ പൊന്നാനിയിൽ സ്ഥിതിചെയ്യുന്ന ഒരു ഹൈന്ദവ ക്ഷേത്രമാണ്‌ തൃക്കാവ് ശ്രീ ദുർഗ്ഗാ ഭഗവതി ക്ഷേത്രം. നൂറ്റാണ്ടുകൾ പഴക്കമുള്ള ഈ ക്ഷേത്രത്തിലെ പ്രധാന പ്രതിഷ്ഠ ദുർഗ്ഗാദേവിയാണ്‌. ക്ഷേത്രത്തെ കുറിച്ച് ആധികാരിക വിവരങ്ങളൊന്നും ലഭ്യമല്ലങ്കിലും കേരളത്തിൽ പരശുരാമനാൽ പ്രതിഷ്ഠിക്കപ്പെട്ട 108 മഹാക്ഷേത്രങ്ങളിൽ ഒന്നായി തൃക്കാവ് ക്ഷേത്രം പരിഗണിക്കപ്പെടുന്നു. തൃക്കാവ് എന്ന പേര്‌ തൃക്കണിക്കാട് എന്നതിൽ നിന്ന് ഉത്ഭവിച്ചതാണെന്ന് വിശ്വസിക്കപ്പെടുന്നു.

ചരിത്രം

കോഴിക്കോട് സാമൂതിരി രാജാവാണ് ക്ഷേത്രത്തിന്റെ ഉടമ. ലോഗന്റെമലബാർ മാന്വൽ പ്രകാരം മൈസൂർ ഭരണാധികാരികളായിരുന്ന ഹൈദർ അലി, ടിപ്പുസുൽത്താൻ എന്നിവരുടെ ആക്രമണം (ക്രി:1766-1792) മൂലം ക്ഷേത്രത്തിനു സാരമായ കേടുപറ്റി. ക്ഷേത്രം, ടിപ്പുവിന്റെ ആയുധപ്പുരയാക്കി മാറ്റുകയും ചെയ്തു. 1861 ൽ സാമൂതിരി രാജാവ് ക്ഷേത്രത്തിനു വിപുലമായ പുനരുദ്ധാരണം നടത്തുകയുണ്ടായി.

പ്രതിഷ്ഠ

ഇവിടുത്തെ പ്രധാന പ്രതിഷ്ഠ ശംഖചക്രങ്ങൾ ധരിച്ചും, വരദ കടീബദ്ധ മുദ്രകളോടും കൂടിയ ചതുർബാഹുവായ ദുർഗ്ഗയുടേതാണ്. ലക്ഷ്മിയായും സരസ്വതിയായും വേറെയും സങ്കൽപ്പങ്ങളുണ്ട്. കിഴക്കോട്ട് ദർശനം. ഗണപതി, അയ്യപ്പൻ, ശ്രീകൃഷ്ണൻ, ഹനുമാൻ, നാഗദൈവങ്ങൾ, ബ്രഹ്മരക്ഷസ്സ്എന്നിവരെ ഉപദേവതകളായി പ്രതിഷ്ഠിച്ചിരിയ്ക്കുന്നു.

എറണാകുളം ജില്ലയിൽ മൂവാറ്റുപുഴനിന്നുംകോതമംഗലത്തിനു പോകുന്നവഴിയിൽ എളങ്ങവത്ത് കാവ്.

എളങ്ങവത്ത് കാവ്

കേരളത്തിലെ ഭദ്രകാളികാവുകളിൽ സവിശേഷപ്രാധാന്യം ഉള്ളതാണ് എളങ്ങവത്ത് കാവ്. എറണാകുളം ജില്ലയിൽ മൂവാറ്റുപുഴനിന്നുംകോതമംഗലത്തിനു പോകുന്നവഴിയിൽ വാരപ്പെട്ടിപകുതിയിൽഎളങ്ങവം ദേശത്തിന്റെ സംരക്ഷകയായി ദേവി കുടികൊള്ളുന്നു. രൗദ്രഭാവത്തിലെങ്കിലും മാതൃഭാവംകൂടി കലർന്ന് ഭക്തരുടെ പ്രശ്നഹാരിയായി അമ്മ വാഴുന്നുhttp://www.elangavathukavu.com/

ചരിത്രം

ഒരുകാലത്ത് വളരെ പ്രതാപത്തിൽ കഴിഞ്ഞിരുന്ന ഈക്ഷേത്രം ഭൂപരിഷ്കരണത്തോടെ ഊരാളകുടുംബം വളരെ അകലെ ആയതുകൊണ്ട് ഭൂസ്വത്തെല്ലാം അന്യാധീനപ്പെട്ട് ക്ഷയോന്മുഖമായിരുന്നു. ദേശത്തുതന്നെ അതിന്റെ അനുരണനങ്ങളായി ദുർമരണങ്ങളും ദുരിതങ്ങളും കണ്ട് നാട്ടുകാർ ഈ ക്ഷേത്രത്തിന്റെ പുനരുജ്ജീവനം ഏറ്റെടുക്കുകയും ദേവിയുടെ കാരുണ്യത്താൽ ഊരാളനെയും തന്ത്രിയേയും തിരിച്ചറിഞ്ഞ് ഇന്ന് ഒരുട്രസ്റ്റായി നഷ്ടപ്പെട്ട പ്രതാപം വീണ്ടെടുക്കുന്നു.

മലപ്പുറം ജില്ലയിൽ നിലമ്പൂർ താലൂക്കിൽ പോരൂർ വില്ലേജിൽ വെള്ളക്കാട്ടുമനയാണ് ഈ ക്ഷേത്രത്തിന്റെ ഉടമസ്ഥൻ. ഈ ക്ഷേത്രത്തിന്റെ പ്രതാപത്തിന്റെ രേഖകളെല്ലാം അവിടെ സൂക്ഷിച്ചിട്ടുണ്ട്. ഭൂപരിഷ്കരണത്തോടെ ഇത്രയും ദൂരത്തെ ക്ഷേത്രത്തിന്റെ പാലനം സാധിക്കാത്ത കാരണം അവർ ഉപേക്ഷിച്ചമട്ടായിരുന്നു. പ്രാദേശികകമ്മറ്റി സജീവമായതോടെ വേണ്ട സഹായങ്ങൾ അവരും ചെയ്യുന്നു.

വിശേഷദിനങ്ങൾ

വലിയഗുരുതി

കുംഭഭരണി- സാധാരണ ഭദ്രകാളിക്ഷേത്രങ്ങളെപ്പോലെ കുഭഭരണി ആണ് ഇവിടുത്തെ പ്രധാന വിശേഷം.
ഭരണിപൊങ്കാല- എല്ലാ ഭരണിനാളിലും ഇവിടെ പൊങ്കാല ഇടുന്നു.
മുടിയേറ്റ്,മണ്ഡലമഹോത്സവം, വലിയഗുരുതി, സപ്താഹയജ്ഞം, കളമെഴുത്തുപാട്ട് എന്നിവയും ഇവിടുത്തെ വിശേഷങ്ങളാണ്..

എത്തിചേരാൻ

മൂവാറ്റുപുഴയിൽ നിന്നും കോതമംഗലത്തേക്കുള്ള റൂട്ടിൽ വാരപ്പെട്ടി കവലയിൽ നിന്നും 2 കിലോമീറ്റർ വലത്തായി പുഴവക്കാത്താണ് എളങ്ങവത്ത് കാവ്.

വെട്ടുവൻ കോവിൽ., തമിഴ്നാട്ടിലെ തൂത്തുക്കുടി

വെട്ടുവൻ കോവിൽ.
=========================
ശംഭോ മഹാദേവാ ഓം നമ:ശിവായ നമ* 
\തമിഴ്നാട്ടിലെ തൂത്തുക്കുടി ,
കഴുകുമലയിലെ ഒറ്റക്കല്ലിൽ നിർമിക്കപ്പെട്ട വെട്ടുവൻ കോവിൽ എന്ന അപൂർണമായ ഒറ്റക്കൽ നിർമിതി അമൂല്യമായ ഒരു ഗുഹാനിർമിതിയാണ് . ശില്പിയുടെ മന്ദിരം എന്നാണ് വെട്ടുവൻ കോവിൽ എന്ന തമിഴ് വാക്കിനർത്ഥം . പാ റയുടെ ഒരു ഭാഗം ഗുഹയുടെ രൂപത്തിൽ തുരന്നാണ് ഈ ഒറ്റക്കൽ മന്ദിരം നിർമ്മിച്ചിരിക്കുന്നത് . തമിഴ് സംസ്കൃതിയേ യും ഹിന്ദു ദേവതകളെയും പ്രതിനിധാനം ചെയ്യുന്നവയാണ് ഇവിടുത്തെ ഓരോ ശില്പങ്ങളും . മുകളിൽ നിന്ന് കൊത്തി തുടങ്ങിയിരിക്കുന്ന ഈ ഒറ്റക്കൽ നിർമിതി പണി പൂർത്തിയാകും മുന്നേ ഉപേക്ഷിച്ച രീതിയിലാണ് . ഉമാമഹേശ്വരൻ, ദക്ഷിണാ മൂർത്തി , ഗണപതി, വിഷ്ണു, ബ്രഹ്മാവ്‌ എന്നീ ദേവകളുടെ പൂർണവും അപൂർണ വുമായ നൂറ്റി ഇരുപതോളം ശില്പങ്ങൾ ഏഴര മീറ്റർ ഉയരമുള്ള ഈ ഒറ്റക്കൽ മന്ദിരത്തിൽ പലയിടത്തായി കാണാം . ഇതിനു ക്ഷേത്ര കവാടാവും ഹാളും ഉണ്ട്.*

*ഇപ്പോൾ ഗണപതി ആണ് ഇവിടുത്തെ പ്രധാന പ്രതിഷ്ഠ . മുകളിൽ നിന്ന് നോക്കുമ്പോൾ ഈ ഒറ്റക്കൽ മന്ദിരം അതി മനോഹരമായ ദൃശ്യാനുഭവം നൽകുന്നു . പകുതി വിരിഞ്ഞൊരു കൽത്താമര ആണ് വെട്ടുവൻ കോവിലിലെ ഈ ഏക ശിലാ നിർമിതി . ഇതിന്റെ നിർമാണം പകുതി വഴിയിൽ നിന്നതിനെ കുറിച്ച് പല കഥകളും ഉണ്ട്. അച്ഛനും മകനും മുകളിലും താഴെയുമായി ശില്പ നിർമിതി നടത്തുകയും മകൻറെ കഴിവിൽ അസൂയാലുവായ അച്ഛൻ ഉളി കഴുത്തിലേക്കു ഇട്ടു മകനെ കൊന്നു എന്നാണു കഥ (നമ്മുടെ പെരുന്തച്ചൻ കഥ പോലെ). മുകളിൽ നിന്ന് താഴേക്ക്‌ കൊത്തി വന്നപ്പോൾ പാറയുടെ കാഠിന്യം കുറഞ്ഞതായി തോന്നിയതിനാൽ പണി ഉപേക്ഷിചിരിക്കാം എന്നാണു കൂടുതൽ വിശ്വസനീയമായ മറ്റൊരു അനുമാനം. ഇനിയൊന്ന്, ജൈന ആധിപത്യം നിലനിന്നിരുന്ന കഴുകുമലയിൽ അവരറിയാതെ ശിൽപികൾ ഹിന്ദു ദേവതകളുടെ ശില്പങ്ങൾ കൊത്തിയെന്നും അത് കണ്ടുപിടിക്കപ്പെട്ട പ്പോൾ അവർ വധിക്കപ്പെട്ടു കാണും എന്നുമാണ്. കഥകൾ എന്തായാലും കല്ലിൽ വിരിഞ്ഞൊരു കവിതയാണ് എല്ലോറ ശില്പങ്ങളോട് സാമ്യം പറയപ്പെടുന്ന ഈ ഒറ്റക്കൽ ശില്പ ചാരുത.*
കടപ്പാട്

മണ്ണടി ദേവി ക്ഷേത്രം,പത്തനംതിട്ട ജില്ല

മണ്ണടി ദേവി ക്ഷേത്രം,പത്തനംതിട്ട ജില്ല

പത്തനംതിട്ട ജില്ലയിൽ ഏനാത്തിനടുത്തായി സ്ഥിതി ചെയ്യുന്ന അതിപുരാതനമായ മണ്ണടി പഴയ കാവ് ക്ഷേത്രം കേരളത്തിലെ പ്രധാന ഭദ്രകാളീ ക്ഷേത്രങ്ങളിൽ ഒന്നാണ്. കൊട്ടാരത്തിൽ ശങ്കുണ്ണി ഐതിഹ്യമാലയിൽ പ്രദിപാദിച്ചിട്ടുള്ള ഈ ക്ഷേത്രം സ്വയംഭൂവായ പ്രതിഷ്ടയ്ക്ക് പ്രസിദ്ധമാണ്. വെളിച്ചപ്പാടിനു പകരമായി ഈ ക്ഷേത്രത്തിലുണ്ടായിരുന്ന കാമ്പിത്താന്മാരുടെ ഐതിഹ്യങ്ങളും പ്രസിദ്ധമാണ്.

സ്വയംഭൂവായ പ്രതിഷ്ടയാണ് ഈ ക്ഷേത്രത്തിൻറെ ഏറ്റവും വലിയ പ്രത്യേകതകളിലൊന്ന്.കൂടാതെ മേൽക്കൂരയില്ലാത്ത ഗർഭഗൃഹവും പഞ്ചലോഹനിർമ്മിതമായ ശ്രീകോവിലും ഈ ക്ഷേത്രത്തെ വേറിട്ട്‌ നിർത്തുന്നു. അനന്യസാധാരണമായി ഇവിടുത്തെ കാവിൻറെ അവശിഷ്ടങ്ങൾ ഇപ്പോഴും നിലനിൽക്കുന്നു. പ്രദക്ഷിണവഴി ചുറ്റുന്ന രീതിയാലാണ് കാവ്.പ്രധാന അമ്പലം കൂടാതെ പടിഞ്ഞറെക്കാവ് എന്ന ക്ഷേത്രവും അനുബന്ധമായി സ്ഥിതി ചെയ്യുന്നു. സ്വയംഭൂ പ്രതിഷ്ടയിൽ മലരും പാലും പഴവും അല്ലാതെ മറ്റൊന്നും നിവേദിക്കാറില്ല. മറ്റു നിവേദ്യങ്ങലും സാധാരണ പൂജകളും പടിഞ്ഞാറെക്കാവിലാണ് നടത്തുന്നത്. എല്ലാ ഭദ്രകാളീക്ഷേത്രങ്ങലിലുംഎന്നപോലെ യക്ഷിയമ്മയുടെ പ്രതിഷ്ഠയും ഇവിടെ കാണാം. വർഷത്തിലൊരിക്കൽ കുംഭമാസം നടത്തുന്ന ഉച്ചബലിയാണ് ഇവിത്തെ പ്രധാന ആഘോഷം. അന്ന് ദേവിയുടെ സ്വർണ്ണത്തലമുടികൊണ്ട് മുടിപ്പേച്ച് നടത്താറുണ്ട്‌.

കാമ്പിത്താൻ

മണ്ണടിക്കാവിലെ വെളിച്ചപ്പാടിനെ വിളിക്കുന്ന പേരാണ് കാമ്പിത്താൻ. അസാധാരണമായ ദിവ്യശക്തി കാമ്പിത്താനുണ്ടെന്നു കരുതിപ്പോരുന്നു എന്നാൽ ഇതുവരെ രണ്ടു കാമ്പിത്താന്മാരെ ഈ ക്ഷേത്രത്തിൽ ഉണ്ടായിട്ടുള്ളൂ. കാമ്പിത്താൻവഴി ദേവി ഭക്തരോട് സംവദിക്കുന്നു എന്ന് വിശ്വസിച്ചുപോരുന്നു.

പടിഞ്ഞാറെക്കവിൽ ഇന്നും കാമ്പിത്താൻറെ വാളും ചിലമ്പും സൂക്ഷിച്ചുവെച്ചിരിക്കുന്നു. ആദ്യത്തെ കാമ്പിത്താൻ ഇവ കല്ലടയാറ്റിൽനിന്ന് വീണ്ടെടുത്തതാണ. ചരിത്രപുരുഷനായ വേലുത്തമ്പിദളവ ഈ ക്ഷേത്രത്തിന് മുന്നിൽ നിന്നാണ് ആത്മഹത്യ ചെയ്തതു എന്ന് മറ്റൊരു വിശ്വാസം.

മാനസിക പ്രശ്നങ്ങളും വിഷദംശനവുമായി ഇവിടെ എത്തിയിരുന്ന അനേകം രോഗികളെ സുഖപ്പെടുത്തിയ അദ്ഭുതകഥകളുമുണ്ട് ഈ ക്ഷേത്രത്തിനു പറയാൻ.

പുരാവൃത്തം

മണ്ണടി എന്ന പേരുതന്നെ ക്ഷേത്രവുമായി ബന്ധപ്പെട്ടതാണ്. നിലവിൽ ക്ഷേത്രം നിൽക്കുന്ന കാവിൽ പുല്ല് അറക്കുവനായി പോയ സ്ത്രീകളിൽ ഒരുവൾ തൻറെ അരിവാളിന് മൂർച്ച കൂട്ടുവാനായി അവിടെ കണ്ട ഒരു ശിലയിൽ ഉരച്ചപ്പോൾ ആ ശിലയിൽനിന്നും രക്തം പ്രവഹിച്ചു. ഇത് കണ്ട് അലറിവിളിച്ചത്‌ കേട്ട് സമീപവാസികൾ ഓടിയെത്തി. അതിൽ ഒരാൾ മണ്ണ് വാരി അടിക്കാൻ പറയുകയും അങ്ങനെ ചെയ്തപ്പോൾ രക്തപ്രവാഹം നിലക്കുകയും ചെയ്തു. അങ്ങനെ മണ്ണ് വാരി അടിച്ച സ്ഥലത്തിന് മണ്ണടി എന്ന് പേരുണ്ടായി.

സംഭവം അറിഞ്ഞെത്തിയ പേരകത്തു പോറ്റി ഇത് സ്വയംഭൂവായ ദേവിബിംബമാണെന്നു ഇതിന് നിവേദ്യം കൊടുക്കണമെന്നും നിവേദ്യത്തിന് ആവശ്യമായ മലരും പഴവും കൊണ്ടുവരാൻ നിർദ്ദേശിക്കുകയും ചെയ്തു. ഈ സമയം ഒരു വെളിച്ചപ്പാട് ഉറഞ്ഞുതുള്ളി എത്തുകയും ഇത് സ്വയംഭൂവായ ഭദ്രകാളി ബിംബമാണെന്നു പറയുകയും ചെയ്തു. ഇയാൾ തുള്ളി ഉറഞ്ഞു പറയുന്ന കാര്യങ്ങൾ ഫലിക്കുകയും അത്ഭുതപരീക്ഷണങ്ങൾ കാണിക്കുകയും ചെയ്തപ്പോൾ ആൾക്കാർക്ക് ഇയാളിലുള്ള ഭയ, ഭക്തി, വിശ്വാസവും വർധിച്ചു. ദിവ്യനായ ഈ വെളിച്ചപ്പാടിനെ ഭഗവതിയുടെ പ്രതിപുരുഷനായ കാമ്പിത്താനായി വാഴിച്ചു. ദിവ്യനായ ഇദ്ധേഹത്തിൻറെ അരുളപ്പാട് കേൾക്കുവാൻ ധാരാളം ആളുകൾ മണ്ണടിയിൽ എത്തിയിരുന്നു. ഇതറിഞ്ഞ് സന്തതികൾ ഇല്ലാതിരുന്ന കായംകുളം രാജാവ് മണ്ണടിക്കാവിൽ എത്തുകയും നിർദേശപ്രകാരം ഭജനം പാർക്കുകയും സങ്കടനികാമ്പിത്താൻറെവൃത്തി ഉണ്ടാകുകയും ചെയ്തു. രാജാവ് പ്രത്യുപകാരമായി ഭഗവതിക്ക് അതിവിശിഷ്ടമായ സ്സ്വർണമുടി കാമ്പിത്താൻറെ സാനിദ്ധത്തിൽ നടക്കുവെക്കുകയും ചെയ്തു. അത്ഭുതസിദ്ധി തെളിയിച്ച മധുര വാണിരുന്ന പാണ്ഡ്യരാജാവ് സ്വർണ വാളും ചിലമ്പും നൽകി. ആദ്യ കാമ്പിത്താൻ തൻറെ ദിവ്യദ്രിഷ്ടിയിൽ ഒളിപ്പിച്ചു വെച്ചിരുന്ന വാളും ചിലമ്പും അദ്ദേഹത്തിൻറെ കാലശേഷം രണ്ടാമതായി എത്തിയ കാമ്പിത്താൻ തൻറെ ദിവ്യ ശക്തിയാൽ പറക്കടവിൽ നിന്നും കണ്ടെടുത്തു. ഭക്തജനങ്ങൾക്ക് അനുഗ്രഹം കൊടുക്കുന്ന വേളയിൽ ഈ വാളും ചിലമ്പും ധരിച്ചിരുന്നു. അക്കാലത്ത് തിരുവനന്തപുരം അത്മനാഭസ്വാമിക്ഷേത്രത്തിലെ തിരുവാഭരണങ്ങൾ മോഷണം പോവുകയും കണ്ടെത്താൻ കഴിയാതെ വന്നപ്പോൾ മഹാരാജാവ് രണ്ടുപേരെ ഭഗവതിയുടെ അരുളപ്പാട് കേൾക്കുവാനായി മണ്ണടിക്കാവിലേക്ക് അയച്ചു. കാമ്പിത്താൻറെ അരുളപ്പാട് പ്രകാരമുള്ള അന്വേഷണത്തിൽ തിരുവാഭരണങ്ങൾ തിരികെ ലഭിക്കുകയും ഇതിന് പ്രത്യുപകാരമായി മഹാരാജാവ് പട്ടാഴി ദേശം കാമ്പിത്താന് കരമൊഴിവായി പതിച്ചു നൽകുകയും ചെയ്തതായി കൊട്ടാരത്തിലെ ശങ്കുണ്ണിയുടെ ഐതിഹ്യമാലയിൽ കൊടുത്തിരിക്കുന്നത്‌ പ്രസ്താവ്യമാണ്

ഈ സമയം ഇളയടത്ത് രാജാവും പീകത്ത് പോറ്റിയും കരക്കാരും ചേർന്ന് ശ്രീകോവിൽ നടപ്പന്തൽ പാട്ടമ്പലം പൂപ്പടക്കൊട്ടിൽ എന്നിവ നിർമിച്ചു. വർഷാവർഷം കുംഭമാസം ക്ഷേത്രോത്സവം ഉച്ചബലി എന്ന പേരിൽ

അവിട്ടത്തൂർ ശിവക്ഷേത്രം ,തൃശൂർ ജില്ല

അവിട്ടത്തൂർ ശിവക്ഷേത്രം ,തൃശൂർ ജില്ല

കേരളത്തിലെ തൃശൂർ ജില്ലയിലെഇരിഞ്ഞാലക്കുടയിൽ നിന്നും നാല് കിലോമീറ്റർ അകലെയുള്ള അവിട്ടത്തൂർഗ്രാമത്തിലാണ് അവിട്ടത്തൂർ ശിവക്ഷേത്രം സ്ഥിതി ചെയ്യുന്നത്‌. ഈ ക്ഷേത്രത്തിന്‌ ഒരു മഹാക്ഷേത്രത്തിൻറെ പ്രൗഡിയുണ്ട്‌. ക്ഷേത്ര നിർമ്മാണശൈലി പ്രാചീനത വിളിച്ചറിയിക്കുന്നു. പരശുരാമൻസ്ഥാപിച്ചു എന്നു വിശ്വസിക്കപ്പെടുന്ന 108 ശിവക്ഷേത്രങ്ങളിൽ ഒന്നാണ് അവിട്ടത്തൂർ ക്ഷേത്രം[

പടിഞ്ഞാറേ ക്ഷേത്രഗോപുരം

ചരിത്രം '

അവിട്ടത്തൂർ ഗ്രാമത്തിലെ 28ഇല്ലക്കാരുടേതായിരുന്നു ഈ ക്ഷേത്രം. ഇന്ന് അതിൽ മിക്ക ഇല്ലങ്ങളും ഇല്ല. പരശുരാമൻപ്രതിഷ്ഠ നടത്തി എന്നു വിശ്വസിക്കപ്പെടുന്ന ഈ ക്ഷേത്രത്തിൽ പിന്നീട്‌ അഗസ്ത്യമുനിസാന്നിദ്ധ്യം ചെയ്ത്‌ ഗ്രാമവാസികൾക്ക് നേതൃത്വം നൽകി ക്ഷേത്രത്തിലെ ആചാരനുഷ്ഠാനങ്ങൾക്ക് രൂപം നൽകിയതാണെന്നും പറയപ്പെടുന്നു. പ്രസിദ്ധമായ അവിട്ടത്തൂർ ശാസനംക്ഷേത്രത്തിൻറെ പ്രാചീനതയിലേക്ക് വിരൽചൂണ്ടുന്നതാണ്.

പ്രതിഷ്ഠകൾ '

നാലമ്പലവും വട്ട ശ്രീകോവിലും

സാമാന്യം വലിയ രണ്ടുനില വട്ടശ്രീകോവിലുള്ള ഈ ക്ഷേത്രത്തിൽ മുഖ്യ പ്രതിഷ്ഠ ശിവനാണ്. പടിഞ്ഞാട്ട് ദർശനമായി രൗദ്രഭാവത്തിലാണ് ശിവൻ ഇവിടെ വാഴുന്നത്. ശ്രീകോവിലിൽ കാണുന്ന വലിയ ശിവലിംഗംകിരാതമൂർത്തി സങ്കല്പത്തിലാണ് ആരാധിക്കുന്നത്‌. എന്നാൽദക്ഷിണാമൂർത്തി, ഉമാമഹേശ്വരൻ എന്നീ ഭാവങ്ങളും ഇവിടെ ശിവപ്രതിഷ്ഠയ്ക്കുണ്ട്. ഉപദേവതകൾ ഗണപതിയും നാഗരാജാവുംനാഗയക്ഷിയും അയ്യപ്പനും നന്ദിയുമാണ്. കൂടാതെ ക്ഷേത്രത്തിനകത്തുള്ളഹോമകുണ്ഡത്തിനടുത്ത്‌അഗസ്ത്യമുനിയുടെ പ്രതിഷ്ഠയുണ്ട്‌.

ക്ഷേത്രം'

ക്ഷേത്രത്തിൻറെ നമസ്കാരമണ്ഡപത്തിനുമുകളിൽ കലാവിരുതോടെ രചിച്ചപാലാഴിമഥനം കഥയും, ശ്രീകോവിലിലെകിരാതം കഥയും വളരെ മനോഹരമാണ്

അയ്യന്തോൾ കാർത്ത്യായനി ക്ഷേത്രം

Jump to navigationJump to searc

തൃശ്ശൂർ നഗരപരിധിക്കകത്ത് അയ്യന്തോൾ ദേശത്ത് സ്ഥിതിചെയ്യുന്ന ഒരു ദേവീക്ഷേത്രമാണ് അയ്യന്തോൾ ശ്രീ കാർത്ത്യായനീദേവിക്ഷേത്രം. വൈഷ്ണവാംശഭൂതനായ പരശുരാമൻ പ്രതിഷ്ഠിച്ചതെന്ന് വിശ്വസിക്കപ്പെടുന്ന 108 ദുർഗ്ഗാക്ഷേത്രങ്ങളിൽ ഒന്നാണിത്^[1]. കാർത്ത്യായനി ദേവിയാണ് പ്രതിഷ്ഠ. കുമാരനല്ലൂരിലേതുപോലെ അഞ്ജനകല്ലുകൊണ്ടാണ് ഇവിടുത്തെ പ്രതിഷ്ഠ. നിൽക്കുന്ന രൂപത്തിലുള്ള വിഗ്രഹത്തിന് നാലുകൈകളുണ്ട്. ശംഖ്, ചക്രം, പദ്മങ്ങൾ എന്നിവയാണ് ദേവിയുടെ കൈയിലുള്ളത്.^[2]കിഴക്കോട്ടാണ് ദർശനം. ഇത് പഞ്ചലോഹം കൊണ്ട് പൊതിഞ്ഞിട്ടുണ്ട്. ദർശനവശമായ കിഴക്ക് ചെറിയ നടപ്പുരയും ഗോപുരവുമുണ്ട്. ഗണപതി മാത്രമാണ് ഉപപ്രതിഷ്ഠ. ചെമ്പൂക്കാവു് കാർത്ത്യായനി ഭഗവതി ഈ ദേവിയുടെ അനുജത്തിയാണെന്നാണ് വിശ്വാസം.^[2]

കൃഷ്ണനാണെന്നു കരുതി കംസൻ കാലിൽ പിടിച്ച് കല്ലിൽ അടിക്കാൻ ഒരുങ്ങിയപ്പോൾ പറന്നുയർന്ന ദേവി ഇറങ്ങിയതിവിടെയാണെന്നു പറയുന്നു. കംസന്റെ തോൾഭാഗത്തെത്തിയപ്പോഴാണ് ദേവി പറന്നുയർന്നതെന്ന് പറയപ്പെടുന്നു. അതിനാൽ അപ്പോൾ കംസൻ 'അയ്യോ എന്റെ തോളേ!' എന്നുപറഞ്ഞു നിലവിളിച്ചുവെന്നും അതാണ് പിന്നീട് ലോപിച്ച് അയ്യന്തോളായതെന്നും പറയപ്പെടുന്നു.

തൃശ്ശൂർ പൂരവും വൃശ്ചികമാസത്തെ തൃക്കാർത്തികയുമാണ് ഇവിടെ വിശേഷമായി ആഘോഷിക്കുന്നത്.

പൂരദിവസം പുലർച്ചെ മൂന്നു മണിക്ക് ദേവിക്ക് ആറാട്ടാണ്. പിന്നീടുള്ള പൂജകളും കഴിഞ്ഞ് ഏഴുമണിയോടെ വടക്കുംനാഥനിലേക്ക് പുറപ്പെടും. വഴിനിറയെ വിവിധ വസ്തുക്കൾ നിറച്ച പറകളും ഏയു വാങ്ങി, മൂന്ന് ആനകളും നാദസരവുമായാണ് പുറപ്പാട്. കോട്ടപ്പുറത്തെത്തുമ്പോൾ ആനകൾ ഏഴാകുന്നു. 11മണിയോടെ നടുവിലാലിൽ നിന്നും പടിഞ്ഞാറേ ഗോപുരം വഴി ക്കടന്ന് വടക്കുംനാഥനെ വണങ്ങി തെക്കേ ഗോപുരം വഴി പുറത്തിറങ്ങി, അയ്യന്തോളേക്ക് തിരിച്ച് 1.30ഓടെ അമ്പലത്തിലെത്തും.

രാത്രി എട്ടിനു് വടക്കുംനാഥനിലേക്ക് വീണ്ടും പുറപ്പെടുന്ന ദേവി പന്ത്രണ്ടുമണിയോടെ വടക്കുംനാഥനെ വണങ്ങിയിറങ്ങി നടുവിൽ മഠത്തിലെ ആറാട്ടും കഴിഞ്ഞ് ക്ഷേത്രത്തിൽ തിരിച്ചെത്തെമ്പോൾ കാലത്ത് ഏഴുമണി കഴിയും.

ആറ്റൂർ കാർത്യായനി ക്ഷേത്രം നൂറ്റെട്ട് ദുർഗ്ഗാലയങ്ങൾ ,തൃശ്ശൂർ ജില്ല

നൂറ്റെട്ട് ദുർഗ്ഗാലയങ്ങൾ

ആറ്റൂർ കാർത്യായനി ക്ഷേത്രം

ആറ്റൂർ കാർത്യായനി ക്ഷേത്രം 

തൃശ്ശൂർ ജില്ലയിൽ ഭാരതപ്പുഴക്ക് സമീപമായി തൃശ്ശൂർ ഷൊർണൂർ പാതയിൽ ആറ്റൂർ മനപ്പടിയിൽ നിന്നും ഒരു കിലോമീറ്റർ കിഴക്കായി ആറ്റൂർ കാർത്യായനി ക്ഷേത്രം സ്ഥിതിചെയ്യുന്നു. തൃശ്ശൂർ തെക്കേമഠത്തിന്റെ ഉടമസ്ഥതയിലായിരുന്ന ഈ ക്ഷേത്രം ഇപ്പോൾ നാട്ടുകാരുടെ സമിതി ആണ് ഭരിക്കുന്നത്

സ്വാമിയാർ സമാധികൾ

 ക്ഷേത്രം തൃശ്ശൂർ തെക്കേമഠം വകയായിരുന്നതുകൊണ്ട് വളരേയധികം പ്രതാപത്തിലായിരുന്നു. തെക്കേമഠത്തിലെ നാല് സ്വാമിയാർ മാരെ ഇവിടെ ആണ് സമാധിയിരുത്തിയിരിക്കുന്നത്. വിഷ്ണുപാദത്തിൽ ലയിക്കുന്നു എന്ന് സങ്കല്പിക്കുന്ന സ്വാമിയാർമാരെ ക്ഷേത്രവളപ്പിൽ സംസ്കരിക്കുന്ന വിചിത്രമായ ആചാരം ഇവിടെ നേരിൽ കാണാം. സ്വാമിയാർമാർ മരിച്ച ദിവസം ശ്രാദ്ധത്തിനുപകരം യോഗീശ്വരപൂജ എന്ന പ്രത്യേക ചടങ്ങാണ് നടക്കുന്നത്. ആറ്റൂർ കൃഷ്ണപിഷാരടി ആറ്റൂർ രവിവർമ്മതുടങ്ങിയ പ്രതിഭാധനരുടെ ഗൃഹങ്ങൾ ക്ഷേത്രത്തിനു സമീപമായി കാണാം.

അഗ്രശാല

ക്ഷേത്രത്തിന്റെ പ്രതാപം വിളിച്ചോതുന്ന ഒരു വലിയ അഗ്രശാല ഇവിടെ ഉണ്ട്.

എത്തിച്ചേരാൻ

ഷൊർണൂരിൽ നിന്നും തൃശ്ശൂർ ബസ്സിൽ കയറി ആറ്റൂർ മനപ്പടി സ്റ്റോപ്പിൽ ഇറങ്ങണം. അവിടെ നിന്ന് ഓട്ടോയൊ കാൽനടയായൊ ക്ഷേത്രത്തിലെത്താം.

ചിത്രശാല

• 

  ആറ്റൂർ ക്ഷേത്രം നാലമ്പലം
 
• 

  ആറ്റൂർ കാർത്യായനി ക്ഷേത്രം മുമ്പിലായുള്ള ആൽമരം
 
• 

  ആറ്റൂർ കാർത്യായനി ക്ഷേത്രം തെക്കേമഠത്തിലെ നാലു സ്വാമിയാർമാരുടേ സമാധികൾ
 
• 

  ആറ്റൂർ കാർത്യായനി ക്ഷേത്രം വെള്ളക്കാട്ട് സ്വാമിയാരുടേ സമാധി
• 

  ആറ്റൂർ കാർത്യായനി ക്ഷേത്രം വടക്കുഭാഗത്തെ നടവഴി
 
• 

  ആറ്റൂർ കാർത്യായനി ക്ഷേത്രം അയ്യപ്പന്റെ നട