തൊടിക്കളം ശിവക്ഷേത്രം കണ്ണൂര്‍ ജില്ലയിലെ കണ്ണവം പഞ്ചായത്തിലാണ്

തൊടിക്കളം ശിവക്ഷേത്രം

തൊടിക്കളം ശിവക്ഷേത്രം 

റൂട്ട്:- കൂത്ത്‌പറമ്പ്- മാനന്തവാടി -കണ്ണവം റൂട്ടിൽ     കണ്ണവം പാലത്തിൽ   നിന്നും ഇടുംബ്ര റോഡിൽ   ഒന്നര കിമി അകലെ ക്ഷേത്ര കുളത്തിന്നരികിലൂടെഉയർന്ന പതിനെട്ടു പടികൾ    കയറണം  

ഐതിഹ്യം  രുദ്രന്നു വേണ്ടി പുരളിമല വാണ ഹരിശ്ച്ന്ദ്ര  പെരുമാൾ  ചുടല കാത്ത ചുടലക്കളമാന്നു തൊടിക്കളമായത് .ക്ഷേത്രത്തിനുനാല് നാഴിക വടക്ക് ശിവപുരം മുതൽ പേരാവൂര്‍ വരെ നീണ്ടു കിടക്കുന്ന വിശാലമായ പുരളിമലയുടെ  മധ്യത്തിലായി ഹരിശ്ച്ന്ദ്രകൊട്ടയുണ്ട്‌ .ഹരിശ്ച്ന്ദ്രവംശ ത്തിൽ പെട്ട ഒരു രാജാവ് കാശിയിൽ ചെന്ന് കാ ശിവിശ്വനാഥനെഭജിച്ചു.സന്തുഷ്ടനായ പരമ ശിവൻ  സ്വന്തമായി പൂജിക്കാൻ ഒരുശിവലിംഗംദാനംചെയ്തു.ഇത്പ്രതിഷ്ടിക്കാൻ വേ ണ്ടിഅലഞ്ഞപ്പോൾ 

ഒരു ചുടലക്കളത്തിൽ  നിന്നും ശിവൻ താണ്ഡവമാടുന്നതായി കണ്ടു അവിടെ ശിവലിംഗം പ്രതിഷ്ടിച്ചു പൂജ തുടങ്ങി 

     മറ്റൊരു   ഐതിഹ്യം 

അഞ്ഞൂറ് വർഷങ്ങൾക്ക്  മുൻപ്  തന്റെ പുത്രൻ സർപ്പ  ദംശനത്താൽ മ രിക്കുമെന്ന് ജ്യോതിഷി പറഞ്ഞപ്പോൾ     ധനികനായ ഒരു തമിൾ  ബ്രാമണ ൻ    തീർത്ഥാടനത്തിനിറങ്ങി പല ശിവ ക്ഷേത്രങ്ങളും  സന്ദർ  ശിച്ചു അവസാനം ഇവിടെ എത്തി ഭജനമിരുന്നു. മരണംഉറപ്പായിരുന്ന ദിവസം ഒരു ഉഗ്രൻ  വിഷ സർപ്പം ഫണം വിടർ ത്തി  ആടിയാടി വന്നപ്പോൾ    ഭയചകിതനായ മകൻ       ശ്രീ കോവിലിൽ    കയറി വിഗ്രഹത്തെ കെട്ടിപ്പിടിച്ചു കരയാൻ  തുടങ്ങി .അപ്പോൾ ശ്രീ കോവിലിൽ നിന്നും വലിയ ഒരു സർപ്പം  സാവകാശം ഇഴഞ്ഞു വന്നു മറ്റേതിനെ കൊത്തിക്കൊന്നു .മെല്ലെ   മാലൂർ  ഭാഗത്തേക്ക് ഇഴഞ്ഞു പോയി. തന്റെ നന്ദി അറിയിക്കാനായി ബ്രാമണൻ  മാലൂര്‍ ഭാഗത്തെ കുറെ സ്ഥലം വാങ്ങി നടയിൽ  സമർപ്പിച്ചു . വിഷസർപ്പം  വന്ന കുന്നിനു  ചതുർ  ത്തിക്കുന്നു എന്ന പേരും  കിട്ടി 

ചരിത്രത്തിൽ  നിന്ന് കണ്ണവം ഒരു കാലത്ത് വീര പഴശ്ശിയുടെ ആസ്ഥാന മായിരുന്നെങ്കിലും കമ്പനി പട്ടാളത്തിന്റെ ഒരു ആക്രമണത്തിൽ ക്ഷേത്ര മതിലിന്നു കേട്‌പറ്റിയപ്പോൾ  ക്ഷേത്രം രക്ഷിക്കാൻ  അദ്ദേഹം പിൻ വാങ്ങി  .

ആസ്ഥാനം കണ്ണവത്തിൽ  നിന്നും മണത്തണയിലേക്ക്  മാറ്റി .തബുരാന്നു ക്ഷേത്രത്തോട് ഉണ്ടായിരുന്ന മമതയും ബന്ധവും ആയിരുന്നു കാരണം പഴശ്ശി രാജാവിന്റെ കാലശേഷം ഒരു മൂസ്സതിന്റെ വകയായിരുന്നു ക്ഷേത്ര ഭരണം 1966ൽ   H.R&C.E  വകുപ്പ് ഏറ്റെടുത്തു  ഇപ്പോൾ  പുരാവസ്തു  വകുപ്പിന്റെ ഒരു സ്മാരകമായി ഇന്ത്യ ഗവർമ്മേണ്ട്  പ്രഖ്യാപിച്ചു

ക്ഷേത്ര ഘടന ശ്രീ കോവിൽ ,നമസ്കാര മണ്ഡപം ,ഉപദേവതകൾ ,ചുറ്റമ്പലം, വലിയ ബലിക്കല്ല് ,അഗ്രശാല ,കുളം,കിണറുകൾ  

ചുമർ  ചിത്രങ്ങൾക്ക്  പ്രശസ്തമാന്നു   ഈ ക്ഷേത്രം രാമായണത്തിലെയും ഭാഗവതത്തിലെയുംരംഗങ്ങളാന്നുചുമരുകളിൽ 

എഴുന്നൂറ്ചതുരശ്രഅടിയിലായി   

നാല്പതു പാനലുകളിൽ  നൂറ്റിയൻപത് ചിത്രങ്ങൾശ്രീകോവിലിന്റെ ചുമരുകളിൽ  ചിത്രങ്ങൾ  ക്കിടയിൽ  ചെങ്കല്ലിൽ  പണിതഅലങ്കാര തൂന്നുകൾ  ,ശില്പങ്ങൾ  എന്നിവയുംകാണേണ്ടതാണ്  ഏറ്റവും മുകളിൽ ച ങ്ങലകണ്ണി പോലെ തീർത്ത  രതി ശില്പങ്ങൾ ,യക്ഷ ഗന്ധർ  രൂപങ്ങളും ആരെയും ആകർഷിക്കും .കിഴക്കേ ചുമരിൽ  നന്ദി കേശ്വരൻ  കാണുന്ന ശിവ താണ്ഡവം,ഏകാദശ രുദ്രന്മാർ  ,അഘോരമൂർത്തി,ദ്വാദശ ആദിത്യന്മാർ  പടിഞ്ഞാറ് ബ്രമാവ്‌ ,വിഷ്ണു ,രാജാവ് തെക്ക് ഭാഗം ദക്ഷിണാമൂർത്തി,അഘോര ശിവൻ ,രുഗ്മണി സ്വയരം, ശ്രീകൃഷ്ണൻ , ബലരാമൻ ,കുചേലനും ശ്രീ കൃഷ്ണനും,ഗണപതി,ഗണപതി പ്രാതൽ ശാ സ്താവ്,ശങ്കരാചാര്യാർ ,ഹരിശ്ചന്ദ്രപ്പെരുമാൾ  പടിഞ്ഞാറ് രാമായണവുമായി ബന്ധപ്പെട്ടതും  വടക്ക് ദേവതകളും 
ശിവ വിഗ്രഹത്തിൽ  ഒരു മറുക് ഉണ്ട് ബ്രാമണബാലനെ രക്ഷിക്കാൻ  വന്ന സർപ്പ സൂചന 
ഗണപതി, അയ്യപ്പൻ എന്നിവയ്ക്ക് പുറമേ ബ്രമരകഷസ്സും ഉണ്ട് 
നട തുറന്നിരിക്കുന്ന സമയം രാവിലെ അഞ്ചു മുപ്പത് മുതൽ  പന്ത്രണ്ടു വരെ വൈകുന്നേരംഅഞ്ചു മുതൽ  എട്ട്‌  വരെ  
പ്രധാന വഴിപാടുകൾ ശംഖാഭിക്ഷേകം,രുദ്രഭിക്ഷേകം,ശർക്കര പായസം ,പഞ്ചാമൃതം
പ്രധാന ഉത്സവം ശിവ രാത്രിക്ക് വിളക്ക്,ഇളനീര്‍ അഭിഷേകം,
 വൃശ്ചികത്തിലെ അഷ്ടമിക്ക് ഇളനീര്‍ മാലൂർ  പടി വരെ ഘോഷ യാത്ര യായി എഴുന്നള്ളിക്കും    

ശ്രീ ഗാന്ധാരി അമ്മന്‍കോവില്‍ തിരുവനന്തപുരം

ശ്രീ ഗാന്ധാരി അമ്മന്‍കോവില്‍തിരുവനന്തപുരം നഗരമദ്ധ്യത്തില്‍ സെക്രട്ടറിയേറ്റില്‍ നിന്നും ഒരു വിളിപ്പാടകലെയാണ് പ്രസിദ്ധമായ ശ്രീ ഗാന്ധാരി അമ്മന്‍കോവില്‍. ശ്രികാല ഭൈരവമൂര്‍ത്തി പ്രതിഷ്ഠയുള്ള ഈ അപൂര്‍വ്വ ക്ഷേത്രത്തിന് ശ്രീപത്മനാഭസ്വാമി ക്ഷേത്രത്തോളം പഴക്കം. പത്മനാഭസ്വാമി ക്ഷേത്രത്തില്‍ പൂക്കള്‍ വളര്‍ത്തിയിരുന്ന പുന്തോട്ടമായിരുന്നു ഇന്നത്തെ ശാന്തിനഗര്‍.

ശാന്തിനഗറിന്റെ വടക്കുഭാഗത്താണ് ക്ഷേത്രം. പത്മനാഭസ്വാമി ക്ഷേത്രത്തിന്റെ പണിക്കായി ഗാന്ധാര ദേശത്തുനിന്നും എത്തിയ കൊത്തുപണിക്കാരില്‍ ഒരു വിഭാഗക്കാര്‍ താമസിച്ചിരുന്നത് ഇന്നത്തെ ഗാന്ധാരി അമ്മന്‍ ക്ഷേത്രത്തിനടുത്തായിരുന്നു. സെക്രട്ടറിയേറ്റില്‍ നിന്നും തമ്പാനൂരിലേയ്ക്കുള്ള റോഡരുകില്‍ ക്ഷേത്രം. ക്ഷേത്രനടയില്‍ പടര്‍ന്നു പന്തലിച്ച പഴക്കമുള്ള വേപ്പുമരം. ശ്രീകോവിലില്‍ ദേവി ഗാന്ധാരി അമ്മ സിംഹവാഹിനിയായി വലതുകാല്‍ മടക്കിവച്ച രീതിയില്‍ വടക്കോട്ട് ദര്‍ശനമായി വിളങ്ങുന്നു. വലതുകൈയില്‍ ത്രിശൂലവും ഇടതുകൈയില്‍ അമൃതകലശവും പ്രണവസ്വരൂപിണിയായ ദേവിക്ക് ശാന്തഭാവം.

സംഗീതപ്രിയയായ ദേവിയാകയാല്‍ ഗാന്ധാരി എന്ന പേര്. ഉപദേവസ്ഥാനത്ത് കന്നിമൂലയില്‍ കിഴക്കോട്ട് ദര്‍ശനമായി ഗണപതിയും, ദേവീക്ഷേത്രത്തിന്റെ കിഴക്കുഭാഗത്ത് തെക്കോട്ട് ദര്‍ശനമായി ശ്രികാലഭൈരവമൂര്‍ത്തിയുമുണ്ട്. ഇതുപോലെ കാലഭൈരവപ്രതിഷ്ഠ മറ്റെവിടെയും കണ്ടെന്നുവരില്ല. ശ്രീകോവിലിന് മുന്‍ഭാഗത്ത് കിഴക്കുദര്‍ശനമായി മാടന്‍തമ്പുരാന്റെയും യക്ഷിയുടെയും പ്രതിഷ്ഠകളും അതിനടുത്തായി നാഗരാജാവിന്റെയും നാഗയക്ഷിയുടെയും അതിനു തൊട്ടുമുന്നില്‍ വടക്കുമാറി നവഗ്രഹ പ്രതിഷ്ഠയും വടക്കുഭാഗത്ത് കിഴക്കോട്ട് ദര്‍ശനമായി ഹനുമാന്‍ ക്ഷേത്രവുമുണ്ട്.

രാവിലെ അഞ്ചരയ്ക്ക് നടതുറക്കും. ഉഷപൂജയും ഉച്ചപൂജയും കഴിഞ്ഞ് നട അടച്ചാല്‍ വൈകിട്ട് അഞ്ചുമണിക്ക് വീണ്ടും തുറക്കും. ദീപാരാധനയും അത്താഴപൂജയും കഴിഞ്ഞ് രാത്രി എട്ടരയ്ക്ക് ക്ഷേത്രം അടക്കും. നിത്യവും ദേവീഭാഗവത പാരായണവും വര്‍ഷത്തിലൊരിക്കല്‍ ശ്രീമദ് ദേവീഭാഗവത നവാഹ യജ്ഞവും സപ്താഹവും നടന്നുവരുന്നു. ഇതിനുപുറമേ ദേവപ്രശ്‌നവിധിപ്രകാരമുള്ള നവഗ്രഹ മഹാഹോമവും കാലുകഴുകിച്ചൂട്ടും, ചണ്ഡികാഹോമവുമുണ്ട്.

എല്ലാ ചൊവ്വാഴ്ചയും മൂന്നുമണിമുതല്‍ നാലരവരെ രാഹുകാല പൂജയുണ്ട്. എല്ലാ മലയാളമാസം ഒന്നാം തീയതിയും വൈകുന്നേരം സമൂഹ ഐശ്വര്യ പൂജകളും ആദ്യത്തെ തിങ്കളാഴ്ച കാലഭൈരവ ക്ഷേത്രനടയില്‍ ശിവസഹസ്രനാമാര്‍ച്ചനയും നടന്നുവരുന്നു. തുലാമാസത്തിലെ അഷ്ടമിക്കാണ് കാലഭൈരവ ജയന്തി ആഘോഷം അന്ന് രുദ്രരൂപവും രുദ്രകലശാഭിഷേകവും നടക്കാറുണ്ട്. ഇവിടെ നിത്യധാരയുണ്ട്.

മംഗല്യഭാഗ്യത്തിനായി ഉമാമഹേശ്വരപൂജയുണ്ട്. കൂടാതെ കന്യകമാരുടെ നേര്‍ച്ചയായി സ്വയംവര പുഷ്പാഞ്ജലിയും നടത്തിവരുന്നു. നേര്‍ച്ചയുടെ സാഫല്യമെന്നോണം വിവാഹദിവസം ഗാന്ധാരിഅമ്മന് താലി സമര്‍പ്പിക്കാറുണ്ട്. ദൃഷ്ടിദോഷത്തിനുവേണ്ടി ഉച്ചാടനകര്‍മ്മവും ഇവിടെ നടത്തിവരുന്നു.കാലഭൈരവ ക്ഷേത്രത്തിനു മുന്നില്‍വച്ച് നാളികേരം തലയ്ക്കുഴിഞ്ഞ് പൂജനടത്തി ക്ഷേത്രത്തിന് പുറത്ത് ഉടച്ച് ദൃഷ്ടിദോഷോച്ചാടനം നടത്തുന്നു.

വൃശ്ചികമാസം നാല്‍പ്പത്തിയൊന്നുദിവസം ചിറപ്പുമഹോത്സവം നടക്കും. ആടി വെള്ളി, ആടി ചൊവ്വ ദിവസങ്ങളില്‍ വിശേഷാല്‍ ചിറപ്പുണ്ടാകും. അവസാനത്തെ ആടിചൊവ്വാ ദിവസം സമൂഹ ലക്ഷാര്‍ച്ചനയും സമൂഹസദ്യയുമുണ്ടാകും. കാലഭൈരവ ക്ഷേത്ര നടയില്‍ ശിവസഹസ്രനാമലക്ഷാര്‍ച്ചനയുമുണ്ടാകും. എല്ലാ ആയില്യത്തിനും നാഗര്‍ക്ക് നൂറുംപാലും സമര്‍പ്പണവും പുള്ളുവന്‍പാട്ടുമുണ്ട്.

ഗാന്ധാരിഅമ്മന്‍കോവിലെ ചിത്രാപൗര്‍ണ്ണമി ഉത്സവം പ്രസിദ്ധമാണ്. ഏഴു ദിവസമാണ് ഉത്സവം. കാപ്പുകെട്ടി ദേവിയെ പച്ചപന്തലില്‍ കുടിയിരുത്തി തോറ്റം പാട്ടോടെയാണ് ഉത്സവാരംഭം. ചിത്രനക്ഷത്രവും വെളുത്തവാവും ഒന്നിച്ചുവരുന്ന ദിവസമാണിത്.ഒന്‍പതു ഗ്രഹത്തെ സങ്കല്‍പ്പിച്ച് ഒന്‍പതു പുരോഹിതന്‍മാരെ വിളിച്ചുവരുത്തി ഓരോ ഗ്രഹത്തിനും അതിന്റേതായ ചമതയും പൂജാദ്രവ്യങ്ങളും ഉപയോഗിച്ച് നടത്തുന്ന ഹോമമാണ് നവഗ്രഹമഹാഹോമം. ഗ്രഹദോഷ പരിഹാരത്തിനുവേണ്ടി നടത്തുന്ന പൂജാദികര്‍മ്മങ്ങളാണിത്. ഉത്സവത്തിന്റെ സമാപനദിവസം നവകാഭിഷേകവും ഉണ്ടാകും.

പരശുവയ്ക്കല്‍ ശ്രീ ഭഗവതി ക്ഷേത്രം തിരുവനന്തപുരം ജില്ലയിലെ ഒരു ഗ്രാമമാണ്

പരശുവയ്ക്കല്‍ ശ്രീ ഭഗവതി ക്ഷേത്രം

തിരുവനന്തപുരം ജില്ലയിലെ ഒരു ഗ്രാമമാണ്
ദക്ഷിണ കേരളത്തിലെ ഏറ്റവും പുരാതനമായ ദേവീ ക്ഷേത്രങ്ങളിലൊാണ് പരശുവയ്ക്കല്‍ മേജര്‍ ശ്രീ ഭഗവതി ക്ഷേത്രം. അത്യപൂര്‍വ്വമായ പ്രതിഷ്ഠ ശ്രീ ചക്ര ഭാവത്തില്‍ ഷഡ്ദളത്തില്‍ കാഴ്ചയില്‍ ശിവലിംഗ രൂപം പരിലസിക്കു. സാത്വികഭാവത്തില്‍ വിരാചിക്കുന്ന പരശുവയ്ക്കല്‍ ദേവി ദേശദേവതയാണ്.

ശക്തിസ്വരൂപിണിയായ ദേവിയെ ആത്മാര്‍ത്ഥമായി പ്രാര്‍ത്ഥിച്ചാല്‍ ഇഷ്ടഫലസിദ്ധി ഉറപ്പാണെ കാര്യം ഭക്തജനങ്ങള്‍ മനസ്സിലാക്കിയ സത്യം. ധ്വജത്തില്‍ പറക്കു കൊടി ദേവീവാഹനമായ സിംഹത്തിന്റേതാണ്. ഈ സിംഹം ക്രോധവശയ്ക്കും, കശ്യപ്രജാപതിയ്ക്കും ജനിച്ച ഹരിയില്‍ നിന്നും ജനിച്ചതാണെു സങ്കല്പം.

മീനമാസത്തിലെ കാര്‍ത്തിക ഉത്സവത്തിനു പുറമെ മേട വിഷുവിനും ഇവിടെ പ്രാധാന്യമുണ്ട്. കര്‍ക്കിടകത്തില്‍ നിറയും പുത്തരിയും തുടര്‍ന്നുള്ള വിവിധതരം ആചാരാനുഷ്ഠാനങ്ങള്‍ ഇവിടെ നടത്തിവരുന്നു.

ശത്രു സംഹാരിയും ഭക്തവസ്തലയുമായ ഭഗവതിയെ ആരാധിക്കാനായി ക്ഷത്രിയ ധ്വംസഹനായ പരശുരാമന്‍ കേരളം മുഴുവനും ഭഗവതിയെ പ്രതിഷ്ഠിച്ചു. പരശുരാമന്‍ കേരള സംരക്ഷണത്തിനായി ഭഗവതി പ്രതിഷ്ഠ പശ്ചിമദിക്കുനോക്കിയാണ് പ്രതിഷ്ഠിച്ചു കാണുന്നത്.

ഒരു ക്ഷേത്രം ഒരു സ്ഥലത്ത് ഉത്ഭവിക്കുന്നതിന്റെ പിന്നില്‍ ചരിത്രപരമായും ഐതിഹ്യപരമായ ഒട്ടേറെ സവിഷേതകളുണ്ട്. അത്തരം സവിശേഷതകള്‍ നിറഞ്ഞ ഒരു ഭഗവതി ക്ഷേത്രമാണ് പരശുവയ്ക്കല്‍ മേജര്‍ ശ്രീ ഭഗവതി ക്ഷേത്രം. പരശുരാമന്‍ ശത്രു സംഹാരത്തിനുശേഷം ആ പരശുവിനെ ഈ പുണ്യപ്രദേശത്ത് വച്ചതിനാല്‍ ഈ പുണ്യപ്രദേശം പരശുവയ്ക്കല്‍ എന്ന നാമത്തിനു വിധേയമായി. ഭഗവതി പ്രതിഷ്ഠകളുള്ള ക്ഷേത്രങ്ങളില്‍ സ്ഥലനാമങ്ങളോട് ഭഗവതി എന്നുകൂടിചേര്‍ത്ത് വിളിക്കപ്പെടുന്നു.

ശ്രീചക്ര ഭാവത്തില്‍ ദേവിയെ ആവാഹിച്ച് ഗര്‍ഭഗൃഹപീഠത്തില്‍ ഷഡ്ദളപത്മത്തില്‍ ശിവലിംഗരൂപത്തിലാണ് ദേവീപ്രതിഷ്ഠ. ദേവിയ്ക്ക് അര്‍പ്പിക്കു പൂജയോടൊപ്പം തന്നെ പ്രതിഷ്ഠയുടെ ഇരുവശങ്ങളിലും സങ്കല്പപൂജയും നടത്തുുണ്ട്. ദേവീപ്രതിഷ്ഠയ്ക്ക് മുന്‍വശം താഴെയായി ദേവിയുടെ പാദത്തോടു ചേര്‍ന്ന് ദേവിയുടെ പഞ്ചലോഹവിഗ്രഹവും കാണാം.

ദേവീ പൂജയോടൊപ്പം ഈ വിഗ്രത്തിനും പൂജകള്‍ അര്‍പ്പിക്കുന്നുണ്ട്. പുരാതനകാലംമുതലുള്ള മൂന്നു നിലകളായി പണിത ചെറിയ ചെറിയ ശില്പങ്ങള്‍കൊണ്ടും അലംകൃതമാക്കിയിട്ടുണ്ട്. പ്രദക്ഷിണം വച്ചു വരുന്നവര്‍ മുകളിലോട്ടു നോക്കിയാല്‍ ഭൗതികവും ആന്തരികയുമായ ഭക്തി ഉളവാക്കുന്ന വിവിധ ആശയങ്ങള്‍ ഉള്‍ക്കൊളളിച്ചവിധമാണ് ഗോപുരശിലകള്‍ നിര്‍മ്മിച്ചിട്ടുള്ളത്. ഇത് ഭൂതഗണങ്ങളാല്‍ താങ്ങി നിര്‍ത്തിയിരിക്കപ്പെട്ടിരിക്കുന്നു.

ഗോപുരത്തിന്റെ ആദ്യത്തെ തട്ടില്‍ വടക്കുവശത്ത് ശിവശക്തി നന്ദി വാഹനത്തില്‍ ഇരിക്കു രൂപവും സമീപത്തായി മുരളീകൃഷ്ണന്റെ രൂപവും കിഴക്കുവശങ്ങളിലായി സ്ത്രീ പുരുഷ നഗ്ന രൂപങ്ങളോടൊപ്പം മധ്യത്തില്‍ ഇന്ദ്രന്‍ ഐരാവതത്തില്‍ ഇരിക്കു രൂപവും അതിനു വലതുവശത്തായി യോഗീവര്യന്റെ രൂപവും തെക്ക് ദക്ഷിണാമൂര്‍ത്തി രൂപവും അതിന്റെ വിവിധ ഭാവങ്ങള്‍ ഉള്‍ക്കൊണ്ട രൂപങ്ങളും, വിവിധ ഭാവങ്ങളോടുകൂടിയ നരസിംഹമൂര്‍ത്തി രൂപങ്ങളും കാണാം.

രണ്ടും മൂന്നും തുണുകളില്‍ മഹാലക്ഷ്മിയുടെ വിവിധ ഭാവരൂപങ്ങളും, ഗോപുരത്തിന്റെ അഗ്രത്തില്‍ ചെങ്കുകൊണ്ടുള്ള താഴികക്കുടവും ഉണ്ട്. പ്രവേശന കവാടത്തില്‍ ദ്വാരക പാലകരായ ഭൈരവി, ത്രിപുര സുന്ദരി എിവരുടെ ദ്വിഹസ്ത ശില്പങ്ങളുമുണ്ട്. ദേവീക്ഷേത്രത്തിനു ചുറ്റിലുമായി ചുറ്റുമതിലും സ്ഥാപിച്ചിട്ടുണ്ട്.

മതില്‍ക്കെട്ടിന്റെ കിഴക്കും പടിഞ്ഞാറും വലിയ ആനവാതിലുകളും, തെക്കുവശത്തായി ചെറു വാതിലുകളും, ചുറ്റമ്പലത്തിന്റെ തറയില്‍ വാസ്തു ബലിക്കല്ലുകളും കാണാം. ഇത്തരം ബലിക്കല്ലുകള്‍ ധ്വജപ്രതിഷ്ഠയുള്ള ക്ഷേത്രങ്ങളിലെ പൂജാവിധിയില്‍ ഏര്‍പ്പെട്ടതാണ്.

ഈ ക്ഷേത്രത്തിന്റെ കന്നിമൂലയില്‍ ഒരു ഭഗവതി കിഴക്കുദര്‍ശനമായുണ്ട്. ഈ ഭഗവതിയെ ചെമ്പകമൂട്ടില്‍ ഭഗവതി എന്നു വിളിക്കുന്നു. ക്ഷേത്രത്തിനു ഇടതുവശത്തായി ഗണപതി പ്രതിഷ്ഠയും വലതുവശത്ത് അഞ്ചു നാഗപ്രതിഷ്ഠകളുമുണ്ട്. ദേവീ ദര്‍ശനത്തിനു വരുന്നവര്‍ക്ക് വിഘ്‌നേശ്വര ദര്‍ശനവും കുടുംബത്തിലെ നാഗര്‍ദോഷവും തീര്‍ത്തു തരുവാന്‍ ചെമ്പകമൂട്ടിലെ ഭഗവതിയോട് തൊഴുതു വണങ്ങി പവിത്രമായ ഭഗവതി അമ്മയ്ക്ക് പ്രവേഷിതമാകുന്നു.

ദേവീ ക്ഷേത്രത്തിനു തെക്കായി’് അഷ്ടകോണുകളോടു കൂടിയ ദര്‍പ്പകുളമുണ്ട്. തെക്കേ നടയിലൂടെ കുളത്തിലിറങ്ങാം. കുളത്തില്‍ പുരാതന രീതിയുടെ മറപ്പുകളുമുണ്ട്. ഇവിടെയാണ് ദേവിയുടെ ആറാട്ടു ചടങ്ങ് നടത്തുത്. ദേവിയുടെ പരിചാരികമാരായ മാര്‍ജിനി,കര്‍പ്പൂരത്തിലക,മലയഗന്ഡിനി,കൗമുദ്രിക,യക്ഷി,മാതലി,നായകി,ജയ എന്ന എട്ടു പേരും അതിവസിക്കുന്ന യുഗത്തിലാണ് ഈ കുളം. ഇത്തരത്തില്‍ പരമതത്വങ്ങളെ ബോധിപ്പിക്കു വിധത്തിലാണ് ക്ഷേത്ര കുളം നിര്‍മ്മിച്ചിരിക്കുന്നത്. പെരുന്തച്ചന്‍ സ്ഥാനം നോക്കി കുഴിച്ച കുളം എന്ന പ്രതേ്യകതയും ഈ കുളത്തിനുണ്ട്. എട്ടു ദളത്തോടുകൂടിയ താമരയില്‍ പ്രത്യക്ഷപ്പെട്ടതും ക്ഷേത്ര മാഹാത്മ്യമാണ്.

ഭഗവതി ക്ഷേത്രത്തിലെ മുഖ്യ വഴിപാടാണ് പൊങ്കാല. സ്ത്രീകള്‍ സ്വയം അര്‍പ്പിക്കു നൈവേദ്യമാണ് പൊങ്കാല. സൂര്യദേവനെ അരി വച്ചു തിളപ്പിച്ച് പ്രഭാതത്തില്‍ നടത്തിവരുന്ന ഇത്തരത്തിലുള്ള പവിത്രമായ പൊങ്കാല അര്‍പ്പിക്കാന്‍ വ്രതശുദ്ധിയോടെ അമ്മയ്ക്ക് മുന്നിലെത്തി സര്‍വ്വദു;ഖങ്ങളും അമ്മയുടെ കാല്‍ക്കല്‍ വച്ച് പതിനായിരങ്ങളാണ് ഇവിടെ പൊങ്കാല അര്‍പ്പിച്ച് മനസ്സും ശരീരവും ദേവിയിലര്‍പ്പിച്ച് ഇവിടെ നിന്നും മടങ്ങുത്.കേരളത്തിന്റെ തെക്കേയറ്റത്ത് ഒരു പ്രധാന പുണ്യഭൂമിയാണ് പരശുരാമന്‍ പരശുവച്ച് പൂജിച്ച ഈ പുണ്യ പ്രദേശം. ഇത്തരത്തിലുള്ള ഈ പുണ്യ പ്രദേശത്തെ പരശുവയ്ക്കല്‍ ഭഗവതി.

തൃക്കപാലേശ്വരം ക്ഷേത്രം

1.പത്തനംതിട്ട ജില്ലയിലെ നിരണം പഞ്ചായത്തില്‍ തിരുവല്ലയില്‍നിന്ന് മാവേലിക്കരയിലേക്കുള്ള മാര്‍ഗമധ്യേ സ്ഥിതിചെയ്യുന്ന ക്ഷേത്രം. ഇവിടത്തെ പ്രധാന മൂര്‍ത്തി ശിവനാണ്. കിഴക്കോട്ട് ദര്‍ശനമായിട്ടാണ് പ്രതിഷ്ഠ. ശ്രീകൃഷ്ണന്‍, ഗണപതി, ശാസ്താവ്, വൃഷഭന്‍, സപ്തമാതൃക്കള്‍ എന്നിവര്‍ ഉപദേവതകള്‍. കേരളത്തിലെ ഏറ്റവും മനോഹരമായ സപ്തമാതൃവിഗ്രഹങ്ങള്‍ ഇവിടെയുള്ളവയാണെന്ന് പ്രബലമായ ഒരഭിപ്രായമുണ്ട്. ഇവിടത്തെ വൃഷഭവിഗ്രഹം ആകര്‍ഷകമായ കലാശില്പമാണ്. ഈ വിഗ്രഹം കൂടിനകത്താണ് സ്ഥിതിചെയ്യുന്നത്. ശത്രുസംഹാരത്തിനും പശുക്കള്‍ക്ക് അസുഖം വന്നാലും ഇവിടെ എണ്ണ നേരാറുണ്ട്.

കപാലേശ്വര സങ്കല്പത്തിലാണ് ഇവിടത്തെ പ്രതിഷ്ഠ. നിരണം കപാലേശ്വരം എന്ന പേരിലാണ് ഇത് പ്രസിദ്ധമായിരുന്നത്. ക്ഷേത്രത്തിന് തൊട്ടു പടിഞ്ഞാറുവശത്താണ് കണ്ണശ്ശന്‍ പറമ്പ്. മലയാളത്തിലെ ആദ്യകാല കവികളില്‍ പ്രമുഖരായ മാധവപ്പണിക്കര്‍, ശങ്കരപ്പണിക്കര്‍, രാമപ്പണിക്കര്‍ എന്നിവരുടെ ജന്മസ്ഥലം ഇതാണെന്ന് ഒരു വിശ്വാസം നിലവിലുണ്ട്. അവര്‍ മൂന്നു പേരുമാണ് നിരണം കവികള്‍ എന്ന പേരില്‍ പ്രസിദ്ധി ആര്‍ജിച്ചിട്ടുള്ളത്.

ഈ ക്ഷേത്രവും പരിസരവും മഹോദയപട്ടണം എന്നപേരില്‍ അറിയപ്പെട്ടിരുന്നു. ചേര രാജാക്കന്മാരുടെ തലസ്ഥാനമായിരുന്ന കൊടുങ്ങല്ലൂരുമായി ഈ ക്ഷേത്രത്തിന് ഏതോ തരത്തില്‍ ബന്ധമുണ്ടായിരുന്നു.

ഇത് പത്തില്ലക്കാരുടെ ക്ഷേത്രമായിരുന്നു. ഇപ്പോള്‍ ക്ഷേത്രസംരക്ഷണ സമിതിയാണ് ഇതിന്റെ മേല്‍നോട്ടം വഹിക്കുന്നത്. വിദേശത്തു നിന്ന് വന്ന ക്രിസ്ത്യന്‍ മിഷണറിമാര്‍ ഇവിടത്തെ ഇല്ലക്കാരെയും മറ്റും മതപരിവര്‍ത്തനം ചെയ്യിച്ചതിനാല്‍ ക്ഷേത്രത്തിലെ ഉടമകളായ നമ്പൂതിരി ഇല്ലക്കാര്‍ നാടുവിട്ടുപോയെന്നും അതിനെത്തുടര്‍ന്നാണ് ഇടക്കാലത്ത് ക്ഷേത്രത്തിലെ അടിച്ചുതളിക്കാരിയുടെ പുത്രനായ കൈമള്‍ പ്രമാണങ്ങളും മറ്റും അടങ്ങിയ പെട്ടി കരസ്ഥമാക്കി ഭരണം ഏറ്റെടുത്തതെന്നും ഒരു ഐതിഹ്യമുണ്ട്. തൃക്കപാലേശ്വരം ക്ഷേത്രത്തില്‍ രണ്ട് നേരം പൂജ നടത്തിവരുന്നു. ശിവരാത്രി മഹോത്സവം ഇവിടെ ആഘോഷിക്കപ്പെടുന്നു. കേരളത്തിലെ 108 ശിവാലയങ്ങളില്‍ ഒന്നാണ് ഈ ക്ഷേത്രം.

2. കോഴിക്കോട് ജില്ലയിലെ തൃത്തേരി പഞ്ചായത്തിലുള്ള ഒരുക്ഷേത്രം. നാദാപുരത്തുനിന്ന് ഒരു കിലോമീറ്റര്‍ വടക്കുഭാഗത്ത് പിടാരന്മാരുടെ 'തൃക്കപാലേശ്വരം' ഇല്ലത്തിനോട് ചേര്‍ന്ന് സ്ഥിതി ചെയ്യുന്നു. ഇവിടത്തെ പ്രധാനപ്പെട്ട പ്രതിഷ്ഠ ശിവനാണ്. ഇവിടത്തെ ശിവലിംഗപ്രതിഷ്ഠ 'മരതകപ്പച്ച' എന്ന പേരിലാണ് പഴയകാലത്ത് അറിയപ്പെട്ടിരുന്നത്. പടിഞ്ഞാട്ട് ദര്‍ശനമായിട്ടാണ് ശിവലിംഗം പ്രതിഷ്ഠിച്ചിട്ടുള്ളത്. ഇവിടെ ഒരു നേരത്തെ നേദ്യം മാത്രമേ പതിവുള്ളു. പണ്ട് ശിവരാത്രി ആഘോഷം നടത്തിവന്നിരുന്നു. പിടാരന്മാര്‍ ആണ് ക്ഷേത്രത്തില്‍ കര്‍മങ്ങള്‍ നടത്തുന്നത്. പിടാരന്മാരുടെ ഇല്ലം ക്ഷേത്രത്തിനടുത്ത് കാണപ്പെടുന്നത് ഇക്കാരണത്താലാണ്. പിടാരന്മാര്‍ കാശ്മീരില്‍ നിന്നു വന്ന ബ്രാഹ്മണരാണെന്ന് വിശ്വസിക്കപ്പെടുന്നു. ഈ ക്ഷേത്രത്തിലെ ചിട്ടകള്‍ ആഗമ ശാസ്ത്രമനുസരിച്ചാണ്.

ക്ഷേത്രത്തിനു മുമ്പില്‍ ഒരു ചിറയുണ്ട്. നാദാപുരത്തങ്ങാടി ഈ ക്ഷേത്രത്തിന് ഒരു കിലോമീറ്റര്‍ തെക്കുമാറി സ്ഥിതിചെയ്യുന്നു.

3. കൊട്ടാരക്കരയ്ക്കടുത്ത് മണ്ണടി ഉപഗ്രൂപ്പില്‍പ്പെട്ട ഒരു ക്ഷേത്രം. പ്രതിഷ്ഠ തൃക്കപാലേശ്വരന്‍ ശിവന്‍. തിരുവിതാംകൂര്‍ ദേവസ്വം ബോര്‍ഡിന്റെ ഭരണത്തിന്‍ കീഴിലുള്ള ക്ഷേത്രമാണിത്.

തുറവൂര്‍ മഹാക്ഷേത്രം എറണാകുളത്തുനിന്നും 26 കിലോമീറ്ററാണ് ക്ഷേത്രത്തിലേക്ക്

തുറവൂര്‍ മഹാക്ഷേത്രം

===============================

രണ്ടു പ്രതിഷ്ഠകളും ഒരു നാലമ്പലവും ഉള്ള ക്ഷേത്രം...

അപൂര്‍വ്വതകളും വ്യത്യസ്തതകളും ഒരുപാടുള്ള ഒരു ക്ഷേത്രം...

മഹാവിഷ്ണുവിന്റെ രണ്ടു പ്രതിഷ്ഠകള്‍ തുല്യപ്രാധാന്യത്തോടുകൂടി ഒരേ നാലമ്പലത്തിനുള്ളില്‍ കുടികൊള്ളുന്ന പുണ്യക്ഷേത്രം...ഇങ്ങനെ പറയാന്‍ ഏറെയുണ്ട് ആലപ്പുഴ ചേര്‍ത്തലയിലെ തുറവൂര്‍ എന്ന ഗ്രാമത്തില്‍ സ്ഥിതി ചെയ്യുന്ന തുറവൂര്‍ മഹാക്ഷേത്രത്തിന്. നരസംഹമൂര്‍ത്തെയും സുദര്‍ശന മൂര്‍ത്തിയെയും പ്രതിഷ്ഠിച്ചിരിക്കുന്ന അപൂര്‍വ്വ ക്ഷേത്രം.

മഹാവിഷ്ണുവിന്റെ പ്രശസ്തമായ രണ്ട് അവതാരങ്ങങ്ങള്‍ ഒരു ക്ഷേത്ത്രതില്‍ കുടികൊള്ളുന്നു എന്നതാണ് തുറവൂര്‍ മഹാക്ഷേത്രത്തെ മറ്റു ക്ഷേത്രങ്ങളില്‍ നിന്നും വ്യത്യസ്തമാക്കുന്നത്.നരസിംഹമൂര്‍ത്തിയെ വടക്കനപ്പന്‍ എന്ന പേരില്‍ വടക്കു വശത്തും സുദര്‍ശന മൂര്‍ത്തിയെ തെക്കനപ്പന്‍ എന്ന പേരില്‍ തെക്കുവശത്തുമാണ് ഇവിടെ പ്രതിഷ്ഠിച്ചിരിക്കുന്നത്. ഈ രണ്ട് അവതാരങ്ങളും ഒരേ നാലമ്പലത്തിനകത്താണ് സ്ഥിതി ചെയ്യുന്നത് എന്നതാണ് മറ്റൊരു പ്രത്യേകത.

മഹാവിഷ്ണുവിന്റെ പ്രധാനപ്പെട്ട രണ്ട് അവതാരങ്ങള്‍ ഒരേ ക്ഷേത്രത്തിനുള്ളില്‍ ഒരേ നാലമ്പലത്തിനകത്ത് സ്ഥിതി ചെയ്യുന്നു എന്നതാണ് ആളുകളെ ഇവിടേക്ക് കൂടുതല്‍ ആകര്‍ഷിക്കുന്ന കാര്യം. നാലമ്പലം ഇവിടെ രണ്ടായി ഭാഗിച്ചിരിക്കുകയാണ് ചെയ്തിരിക്കുന്നത്. തെക്കുവശത്ത് സുദര്‍ശന മൂര്‍ത്തിയും വടക്കുവശത്ത് നരസിംഹമൂര്‍ത്തിയുടെയും കോവിലുകളാണ് കാണാന്‍ സാധിക്കുക.

ഇന്ത്യയില്‍ തന്നെ ഏറെ അപൂര്‍വ്വമാണ് സുദര്‍ശന മൂര്‍ത്തിയുടെ പ്രതിഷ്ഠ. കേരളത്തില്‍ തുറവൂര്‍ ക്ഷേത്രത്തെക്കൂടാതെ തിരുവല്ല ക്ഷേത്രത്തില്‍ മാത്രമാണ് സുദര്‍ന മൂര്‍ത്തി പ്രതിഷ്ഠയുള്ളത്. കൃഷ്ണശിലയില്‍ ചതുരബാഹു വിഷ്ണുവിഗ്രഹത്തിലാണ് സുദര്‍ശനമൂര്‍ത്തിയുടെ ചൈതന്യം ആവാഹിച്ചിരിക്കുന്നത്. മാത്രമല്ല സാധാരണയായി സുദര്‍ശനമൂര്‍ത്തിയെ ചിത്രീകരിക്കുമ്പോല്‍ 16 കൈകള്‍ ഉണ്ടെങ്കിലും ഇവിടെ നാലുകൈകള്‍ മാത്രമേ കാണാന്‍ സാധിക്കൂ.

ഏഴാം നൂറ്റാണ്ടില്‍ പ്രതിഷ്ഠിച്ചതാണ് ഇവിടുത്തെ നരസിംഹമൂര്‍ത്തിയുടെ പ്രതിഷ്ഠ എന്നാണ് കരുതപ്പെടുന്നത്. മഹാവിഷ്ണുവിന്റെ നാലാമത്തെ അവതാരമാണ് നരസിംഹമൂര്‍ത്തി. ഉഗ്രനരസിംഹമൂര്‍ത്തിയെയാണ് ഇവിടെ ആരാധിക്കുന്നത്. കാശിയില്‍ ശങ്കരാചാര്യരുടെ ശിഷ്യനായിരുന്ന പദ്മപാദര്‍ പൂജിച്ചിരുന്ന വിഗ്രഹമായിരുന്നുവത്രെ ഇത്. പിന്നീട് ഇതി ഇവിടെ എത്തിക്കുകയായിരുന്നു.

ക്ഷേത്രത്തിന്റെ ചരിത്രം പരിശോധിച്ചാല്‍ അവിടെയും പ്രത്യേകത കാണാന്‍ സാധിക്കും. വാരണാസിയില്‍ നിന്നും ഇവിടെ എത്തിയ നരസിംഹ മൂര്‍ത്തിയെയാണ് ഇവിടെ പ്രതിഷ്ഠിച്ചിരിക്കുന്നത് എന്നാണ് വിശ്വാസം.വാരണാസിയിലെ നരസിംഹഘട്ടില്‍ നിന്നും പുഴവഴി നരസിംഹത്തെ ഇവിടെ കൊണ്ടുവന്നുവെന്നും പിന്നീട് ഇവിടെ എത്തിയ നരസിംഹമൂര്‍ത്തി ഇപ്പോള്‍ പ്രതിഷ്ഠിക്കപ്പെട്ടിരിക്കുന്ന സ്ഥലത്ത് കയറി ഇരുന്നു എന്നുമാണ് വിശ്വാസം.

അപൂര്‍വ്വങ്ങളായ ശില്പങ്ങളാലും ചുവര്‍ചിത്രങ്ങളാലും പ്രസിദ്ധമാണ് തുറവൂര്‍ ക്ഷേത്രം. ഇവിടുത്തെ രണ്ടു ശ്രീകോവിലുകളിലും അപൂര്‍വ്വമായ ഒട്ടേറെ ചിത്രങ്ങളും കൊത്തുപണികളും കാണുവാന്‍ സാധിക്കും. ഗണപതിയെ പാലൂട്ടുന്ന പാര്‍വ്വതി. നന്ദിയുടം പുറത്തേറിയ ശിവന്‍ എന്നിങ്ങനെ ഒട്ടേറെ ദാരുശില്പങ്ങള്‍ ഇവിടെ കാണുവാന്‍ സാധിക്കും. കൂടാതെ വ്യത്യസ്തങ്ങളും അപൂര്‍വ്വങ്ങളുമായ ഒട്ടേറെ ചുവര്‍ചിത്രങ്ങളും ഇവിടെ കാണുവാന്‍ സാധിക്കും.

കേരളത്തിലെ ഏറ്റവും വലിയ കൊടിമരം, ആനക്കൊട്ടില്‍ എന്നിവ ഇവിടെയാണ് സ്ഥിതി ചെയ്യുന്നത്. ക്ഷേത്രമതിലിന്റകത്ത് കിഴക്ക് ഭാഗത്തായാണ് ആനക്കൊട്ടിലുള്ളത്. ഇതിനു പുറത്ത് രണ്ടു സ്വര്‍ണ്ണ കൊടിമരങ്ങള്‍ കൂടി കാണുവാന്‍ സാധിക്കും. കേരളത്തിലെ വലിയ കൊടിമരങ്ങളില്‍ ഇവയും ഉള്‍പ്പെടുന്നു.

തുറവൂര്‍ ക്ഷേത്രം പിന്തുടരുന്ന അപൂര്‍വ്വം ചില ആചാരങ്ങളിലൊന്നാണ് പുറപ്പെടാശാന്തി. കേരളത്തില്‍ വളരെക്കുറച്ച് ക്ഷേത്രങ്ങളില്‍ മാത്രം കാണപ്പെടുന്ന ആചാരമാണിത്. ഒരു മേടവിഷു മുതല്‍ അടുത്ത മേടവിഷു വരെ കഠിനവ്രതത്തിലാണ് ഇവിടെ മേല്‍ശാന്തി പുറപ്പെടാശാന്തിയായി നില്‍ക്കുന്നത്.

ദീപാവലി, വിഷു, തിരുവോണം, ഏകാദശി, അ,്ടമി രോഹിണി, മകരവിളക്ക് തുടങ്ങിയവയാണ് ഇവിടുത്തെ പ്രധാന ആഘോഷങ്ങള്‍. തുലാമാസത്തില്‍ നടക്കുന്ന പത്തു ദിവസത്തെ ചിത്തിര ആറാട്ടാണ് ഇവിടുത്തെ ഏറ്റവും വലിയ ഉത്സവമായി കൊണ്ടാടുന്നത്.

വിഷ്ണുക്ഷേത്രങ്ങളില്‍ വളരെ അപൂര്‍വ്വമായി മാത്രമേ വെടിവഴിപാട് നടത്താറുള്ളൂ. അത്തരത്തിലുള്ള ഒരു ക്ഷേത്രമാണ് തുറവൂര്‍ മഹാക്ഷേത്രം.വഴിപാട് നടത്തുന്നയാളുടെ പേരും നക്ഷത്രവും വെടികളുടെ എണ്ണവും വിളിച്ചുപറഞ്ഞാണ് വഴിപാട് നടത്തുന്നത്. കോണ്‍വെടി, ചുറ്റുവെടി എന്നിവ പ്രധാനമാണ്.

എറണാകുളത്തിനും ആലപ്പുഴയ്ക്കും മധ്യേ ആയിട്ടാണ് തുറവൂര്‍ മഹാക്ഷേത്രം സ്ഥിതി ചെയ്യുന്നത്. ആലപ്പുഴയില്‍ നിന്നും 32.4 കിലോമീറ്ററാണ് ഇവിടേക്ക് എത്താന്‍ വേണ്ട ദൂരം. എറണാകുളത്തുനിന്നും 26 കിലോമീറ്ററാണ് ക്ഷേത്രത്തിലേക്ക് ഉള്ളത്.ആലപ്പുഴ-എറണാകുളം റൂട്ടില്‍ തുറവൂര്‍ ജംങ്ഷനിലാണ് ക്ഷേത്രം സ്ഥിതി ചെയ്യുന്നത്.

തുല്യ പ്രാധാന്യമുള്ള രണ്ട് പ്രതിഷ്ഠകള്‍ ഉണ്ടെന്നുള്ളത് ഇതിന്റെ ഒരു പ്രത്യേകതയാണ്. നരസിംഹമൂര്‍ത്തിയുടെ പ്രതിഷ്ഠയും സുദര്‍ശന പ്രതിഷ്ഠയുമാണവ. രണ്ട് ശ്രീകോവിലുകളുമുണ്ട്. തെക്കേ ശ്രീകോവിലില്‍ സുദര്‍ശനമൂര്‍ത്തിയേയും വടക്കേ ശ്രീകോവിലില്‍ നരസിംഹമൂര്‍ത്തിയേയും പ്രതിഷ്ഠിച്ചിരിക്കുന്നു. സുദര്‍ശനമൂര്‍ത്തി ഏകദേശം ആറടി പൊക്കമുള്ള ചതുര്‍ബാഹു വിഗ്രഹമാണ്. നരസിംഹം അഞ്ജനശിലയില്‍ നിര്‍മിതമായിരിക്കുന്നു. ശ്രീകോവിലുകളുടെ ദര്‍ശനം കിഴക്കോട്ടാണ്. ക്ഷേത്രത്തിനു മുമ്പില്‍ ഒരു കുളമുണ്ട്. ഇവിടെ ദിവസേന അഞ്ച് പൂജ നടത്തിവരുന്നു. ശാസ്താവ്, യക്ഷി, നാഗം, ഗണപതി, ദുര്‍ഗ എന്നിവരാണ് ഇവിടത്തെ ഉപദേവതകള്‍. പ്രത്യേകിച്ച് ഒരു രൂപവും കൊത്തിയിട്ടില്ലാത്ത ശിലയാണ് ദുര്‍ഗാപ്രതിഷ്ഠ. ഭഗവതീ സങ്കല്പത്തിലുള്ള പ്രതിഷ്ഠയായിരുന്നു ഇതെന്ന് ഒരു പഴയ സങ്കല്പമുണ്ട്. വാരണാസിയിലെ നരസിംഹഘട്ടില്‍ നിന്ന് പുഴവഴി നരസിംഹത്തെ ഇവിടെ കൊണ്ടുവന്ന് ഭൂതനിലത്ത് ഇറക്കിയെന്നും അവിടെനിന്ന് ഈ ക്ഷേത്രസ്ഥാനത്ത് വന്നെത്തിയ നരസിംഹമൂര്‍ത്തി ഇവിടെ ദുര്‍ഗയായി സങ്കല്പിക്കപ്പെടുന്ന സ്ഥാനത്ത് കയറിയിരുന്നു എന്നും ഒരു പുരാവൃത്തം പറയുന്നു. മറ്റൊരു ഐതിഹ്യം അനുസരിച്ച് ചേരമാന്‍ പെരുമാള്‍ ക്ഷേത്രം നിര്‍മിച്ച് പെരുമന ഇല്ലത്തിന് കൈമാറി. പിന്നീട് ഇത് കൈനിക്കര, നെടുമ്പുറം, തേവലപ്പൊഴി, പള്ളിക്കീഴില്‍, നാറാണത്ത് എന്നീ ഇല്ലക്കാരുടെ കൈവശം ആയിരുന്നു. ഇപ്പോള്‍ ഇത് തിരുവിതാംകൂര്‍ ദേവസ്വം ബോര്‍ഡിന്റെ ഭരണത്തിന്‍ കീഴിലാണ്.

മുന്‍കാലത്ത് തുളുബ്രാഹ്മണര്‍ക്കായിരുന്നു ഇവിടത്തെ കാരാ ണ്മശാന്തി. തുലാമാസത്തിലെ കറുത്ത അഷ്ടമിനാളില്‍ ഇവിടെ ഉത്സവത്തിന് കൊടിയേറുന്നു. വാവിനാണ് ആറാട്ട്.

വീടുകളിലെ ദുര്‍ഭൂതങ്ങളെ അകറ്റാന്‍ ഇവിടെ 'കോമടി' എന്നൊരു വഴിപാടു നടത്തിവരുന്നു. ക്ഷേത്രത്തിന്റെ നാല് മൂലകളിലും വെടിവയ്ക്കുന്ന ചടങ്ങാണ് ഈ വഴിപാട്.

നരസിംഹ - സുദര്‍ശന പ്രതിഷ്ഠകള്‍ ഇവിടെ നടത്തിയത് വൈഷ്ണവവിശ്വാസ പ്രചാരണത്തിന്റെ കാലത്താണ്. ഈ പ്രതിഷ്ഠകള്‍ ശങ്കരാചാര്യ പരമ്പരയില്‍ കേരളത്തിലുള്ള ഒരു ശാഖയുടെ ആരാധനാമൂര്‍ത്തികളും കൂടിയാണ്. വൈഷ്ണവ ഭട്ടന്മാരായ പണ്ഡിതന്മാര്‍ കേരളത്തില്‍ എത്തിയിരുന്നു എന്ന് ഐതിഹ്യമുണ്ട്. ആ കാലഘട്ടങ്ങളിലെ പ്രതിഷ്ഠകളാകാം നരസിംഹവും സുദര്‍ശനവും. വില്വമംഗലത്തിന്റെ കാലഘട്ടത്തില്‍പ്പെട്ടവയാണെന്നും പറയപ്പെടുന്നു

തിരുവിളൈയാടല്‍ പുരാണം

തമിഴിലെ അതിവിശിഷ്ടമായ പുരാണകൃതികളില്‍ ഒന്ന്. തിരുവിളൈയാടല്‍ പുരാണം എന്ന പേരില്‍ നിരവധി കൃതികള്‍ രചിക്കപ്പെട്ടിട്ടുണ്ട്. ഇവയില്‍ ശിവന്റെ 64 ലീലാവിലാസങ്ങളേയും പുകഴ്ത്തിപ്പാടിയിരിക്കുന്നു. പെരുംപറ്റപുലിയൂര്‍ നമ്പി രചിച്ച തിരുവാലവുടൈയാര്‍ തിരുവിളൈയാടല്‍ പുരാണമാണ് ഇവയില്‍ ആദ്യത്തേത് (13-ാം ശ.). ഇത് വേമ്പത്തൂരര്‍ തിരുവിളൈയാടല്‍ എന്നും പഴയ തിരുവിളൈയാടല്‍ എന്നും അറിയപ്പെടുന്നു. എന്നാല്‍ 17-ാം ശ.-ത്തില്‍ പരംജ്യോതി മുനിവര്‍ എഴുതിയ തിരുവിളൈയാടല്‍ പുരാണമാണ് ഏറ്റവും കൂടുതല്‍ പ്രചാരം നേടിയിട്ടുള്ളത്. സ്കന്ദപുരാണത്തിലെ ഹാലാസ്യ മാഹാത്മ്യം അടിസ്ഥാനമാക്കി രചിക്കപ്പെട്ട ഈ കാവ്യത്തില്‍ ശിവന്റെ മധുരയിലെ വിഹാരമാണ് വര്‍ണ്യവിഷയം. ആദ്യത്തേതിനെ അപേക്ഷിച്ച് രണ്ടിരട്ടി വലുപ്പമുള്ളതാണ് ഈ കൃതി. മൂന്ന് കാണ്ഡങ്ങളിലെ 16 പടലങ്ങളിലായി 3863 പാട്ടുകള്‍ ഇതില്‍ അടങ്ങിയിരിക്കുന്നു.

പെരിയപുരാണത്തെ മാതൃകയാക്കി രചിക്കപ്പെട്ടിട്ടുള്ള തിരുവിളൈയാടല്‍ പുരാണത്തില്‍ രസികത്വം തുളുമ്പുന്ന പല ഭാഗങ്ങളും കാണാം. ശക്തവും നിരര്‍ഗളവുമായ ഭാഷയില്‍ രചിക്കപ്പെട്ട ഈ കൃതിക്ക് സ്വന്തമായ ഒരു പ്രഭാവവും മാധുര്യവുമുണ്ട്. ഹൃദയത്തെ തൊട്ടുണര്‍ത്താന്‍പോന്നതാണ് ഇതിലെ സംഗീതം. പദസൗകുമാര്യവും അര്‍ഥസൗകുമാര്യവും കാവ്യത്തെ വളരെയേറെ ഹൃദ്യമാക്കിയിരിക്കുന്നു. ഇടൈക്കാടന്റെ പിണക്കം തീര്‍ത്ത പടലം (10,11), തിരുമണപടലം (181), വിറകു വിറ്റ പടലം (29) എന്നിവ കാവ്യ ഗുണത്തില്‍ മികച്ചുനില്ക്കുന്ന ചില ഭാഗങ്ങളാണ്. അത്യന്തം ഭാവസുന്ദരമായ ഈ കാവ്യത്തിലെ ഭക്തി ലഹരി ശിവഭക്തരെ പ്രചോദിപ്പിക്കുവാന്‍ ഉതകുന്നവയാണ്.

തിരുവാമനപുരം ക്ഷേത്രം തിരുവനന്തപുരം ജില്ല

തിരുവാമനപുരം ക്ഷേത്രം

തിരുവനന്തപുരം ജില്ലയിലെ ഒരു ക്ഷേത്രം. വാമനപുരത്ത് നിന്ന് കാരേറ്റ് വഴി ആനാക്കുടിയിലേക്കുള്ള മാര്‍ഗത്തില്‍ ഒരു കിലോ മീറ്റര്‍ അകലെ ആറ്റിന്റെ കരയിലായി സ്ഥിതിചെയ്യുന്നു. പ്രധാന പ്രതിഷ്ഠ വാമനമൂര്‍ത്തി. ഗണപതി, നാഗം, ഭൂതത്താന്‍ എന്നീ ഉപദേവതകള്‍ ഉണ്ട്. രണ്ട് നിലയില്‍ ചതുരാകൃതിയിലുള്ള ശ്രീകോവിലിന്റെ ദര്‍ശനം കിഴക്കോട്ടാണ്. പ്രധാന നിവേദ്യം 'പടറ്റിക്കായ്'. ഉത്സവം എട്ട് ദിവസത്തേക്കാണ്. കുംഭമാസത്തിലെ തിരുവോണത്തിന് ആറാട്ട് നടക്കുന്നു.

ഇവിടത്തെ കാരാണ്മ ചെങ്ങന്നൂര്‍ മുല്ലമംഗലത്തു മഠത്തിലെ മൂസ്സതുമാര്‍ക്കായിരുന്നു. ദിവസേന അഞ്ച്പൂജ നടത്തിവരുന്നു. മൂന്ന് ശീവേലിയും പതിവുണ്ട്.

ഒരു കാലത്ത് ഈ ക്ഷേത്രം അകവൂര്‍മന വകയായിരുന്നു. ഇപ്പോള്‍ തിരുവിതാംകൂര്‍ ദേവസ്വം ബോര്‍ഡിന്റെ കീഴിലാണ്. ഈ ക്ഷേത്രം ദേവസ്വം ബോര്‍ഡിന്റെ പെരുന്തറ ഗ്രൂപ്പില്‍ ഉള്‍പ്പെടുന്നു. ആ ഗ്രൂപ്പിലെ മറ്റു ക്ഷേത്രങ്ങള്‍ പെരുന്തറദേവി, പുളിമാത്ത് ശിവന്‍, വെള്ളാനിക്കര ശിവന്‍, ആറ്റിപ്പുഴ ശാസ്താവ് എന്നിവയാണ്.

ചുവർചിത്രകലാ മ്യൂസിയം തൃശൂർ ടൗൺ ഹാളിൽ ആരംഭിച്ച ഈ ചിത്രശേഖരം

ചുവർചിത്രകലാ മ്യൂസിയം
---------------------------------------
വിവിധ കാലഘട്ടങ്ങളിലെ ഇന്ത്യൻ ചിത്രകലയെ ശേഖരിക്കേണ്ടതിന്റെ പ്രാധാന്യം മനസ്സിലാക്കിയ അന്നത്തെ കൊച്ചിരാജാവ്‌ തൃശൂരിൽ ഒരു ചിത്രകാല മ്യൂസിയം ആരംഭിക്കാൻ തീരുമാനിച്ചു. തീപ്പെട്ട കൊച്ചിമഹാരാജാവിന്റെ നാമധേയത്തിൽ തൃശൂർ ടൗൺ ഹാളിൽ ആരംഭിച്ച ഈ ചിത്രശേഖരം 1938 ഡിസംബറിൽ അന്നത്തെ കൊച്ചി ദിവാനായിരുന്ന ഷണ്മുഖം ചെട്ടി പൊതുജനങ്ങൾക്കായി തുറന്നുകൊടുത്തു. കേരളത്തിലെ ക്ഷേത്രങ്ങളിലേയും കൊട്ടാരങ്ങളിലേയും മികച്ച ചുവർചിത്രങ്ങളുടെ പകർപ്പുകൾ 'ശ്രീമൂലം ചിത്രശാല' എന്നറിയപ്പെട്ടിരുന്ന ഈ മ്യൂസിയത്തിന്റെ ശേഖരത്തിലുണ്ടായിരുന്നു. അക്കാലത്തെ പ്രമുഖ ചിത്രകാരന്മാരായിരുന്ന ടി. ആർ. മാധവവാര്യർ, വി. എസ്‌. ഉണ്ണിനായർ, എൻ. ഒ. ആന്റണി എന്നിവരായിരുന്നു പകർപ്പുകൾ തയ്യാറാക്കിയത്‌. മഡ്രാസ്‌ സ്‌കൂൾ ഓഫ്‌ ആർട്‌സിലെ വി. ആർ. ചിത്രയുടെ മേൽനോട്ടത്തിലും ബോംബേയിലുള്ള ജയന്തിലാൽ ടി. പരേഖിന്റെ മാർഗ്ഗനിർദ്ദേശത്തിലുമായിരുന്നു ചിത്രങ്ങൾ പകർത്തിയത്‌. മട്ടാഞ്ചേരി കൊട്ടാരം, ചെമ്മന്തിട്ട ക്ഷേത്രം, വടക്കുംനാഥ ക്ഷേത്രം, കാഞ്ഞൂർ പള്ളി, പുതുക്കാട്‌ പള്ളി എന്നിവിടങ്ങളിലെ ചുമർചിത്രങ്ങൾക്ക്‌ പുറമേ അജന്തയിലേയും ബാഘിലേയും ചിത്രങ്ങളും ഇവർ പകർത്തി.
ശ്രീമൂലം ചിത്രശാലയിൽ പ്രദർശ്ശനത്തിനുണ്ടായിരുന്ന 34 ചിത്രങ്ങളാണ്‌ ഇന്ന് ഈ മ്യൂസിയത്തിൽ പ്രദർശ്ശിപ്പിച്ചിട്ടുള്ളത്‌.

ഇന്ത്യയിലെ ചുവർചിത്രങ്ങൾ
-------------------------------------------
മനുഷ്യന്റെ സർഗ്ഗാത്മകതയുടെ ആദിമ സാക്ഷ്യങ്ങളായ പാറച്ചിത്രങ്ങളാണ്‌ ചുവർചിത്രങ്ങളുടെ പൂർവ്വ മാതൃകകൾ. ചിത്രകലയ്ക്ക്‌ പ്രത്യേക പ്രതലമൊരുക്കുന്ന രീതി പ്രത്യക്ഷപ്പെടുന്നത്‌ വാസ്തുവിദ്യയുടെ വികാസത്തോടെയാണ്‌. ആദ്യകാലത്ത്‌ കളിമൺ പ്രതലങ്ങളായിരുന്നു ചിത്ര രചനയ്ക്ക്‌ ഉപയോഗിച്ചിരുന്നത്‌. പിന്നീട്‌ അത്‌ കുമ്മായത്തിനു വഴിമാറി.
ഇന്ത്യയിലെ ഏറ്റവും പഴക്കമേറിയ ചുവർചിത്രങ്ങൾ മദ്ധ്യപ്രദേശിലെ ജോഗിമാറാ ഗുഹകളിലേതാണ്‌. എന്നാൽ ചരിത്രപരമായി പ്രാധാന്യവും സൗന്ദര്യപരമായി മികവും പുലർത്തുന്ന ചിത്രങ്ങൾ അജന്തയിലെ ബൗദ്ധഗുഹകളിലാണുള്ളത്‌. ബി സി 1-2 നൂറ്റാണ്ടുമുതൽ എ ഡി 6 ആം നൂറ്റാണ്ടുവരെ വിവിധ കാലഘട്ടങ്ങളിൽ വരച്ചവയാണ്‌ അജന്താചിത്രങ്ങൾ. നേർത്ത കളിമൺ പ്രതലത്തിലാണ്‌ ചിത്രങ്ങൾ വരക്കപ്പെട്ടത്‌. ഔറംഗാബാദിനടുത്തുള്ള എല്ലോറാ ഗുഹകളിലും ചുമർചിത്രങ്ങളുടെ അവശേഷിപ്പുണ്ട്‌. ഹംപിയിലെ വിരൂപാക്ഷ ക്ഷേത്രത്തിന്റെ മച്ച്‌ വിജയനഗര കാലഘട്ടത്തിലെ ചിത്രങ്ങളാൽ അലങ്കരിക്കപ്പെട്ടിരിക്കുന്നു. തഞ്ചാവൂരിലെ ബൃഹദീശ്വര ക്ഷേത്രത്തിൽ രണ്ട്‌ അടരുകളായി ചുവർചിത്രങ്ങൾ കാണാം, 17ആം നൂറ്റാണ്ടിലെ നായക്‌ കാലഘട്ടത്തിലെ ചിത്രങ്ങളും ആദ്യകാല ചോള ചിത്രങ്ങളും. ബദാമിയിലെ ചിത്രങ്ങളാണ്‌ ഇന്ന് നിലനിൽക്കുന്ന ഹൈന്ദവ ക്ഷേത്രചിത്രങ്ങളിൽ ഏറ്റവും പഴയത്‌. കാഞ്ചീപുരത്തെ കൈലാസനാഥ ക്ഷേത്രത്തിന്റെ പ്രദക്ഷിണപഥത്തിലെ ചുവരുകളിൽ ഒരുകാലത്ത്‌ തീവ്രവർണ്ണങ്ങളാൽ ആലേഖനം ചെയ്യപ്പെട്ട ചിത്രങ്ങൾ ഉണ്ടായിരുന്നു. ഇപ്പോഴും തിരിച്ചറിയാൻ കഴിയുന്നതാണ്‌ അതിന്റെ അവശേഷിപ്പുകൾ. വിജയനഗര കാലഘട്ടത്തിലെ പ്രധാന തീർത്ഥാടന, വാണിജ്യകേന്ദ്രമായിരുന്ന ലപാക്ഷിയിൽ നായക്‌ സഹോദരങ്ങളായ വീരണ്ണ, വിരൂപണ്ണ എന്നിവർ 16 ആം നൂറ്റാണ്ടിൽ നിർമ്മിച്ച ക്ഷേത്രത്തിന്റെ മണ്‌ഡപത്തിലെ മച്ചിൽ ഇന്ത്യൻ മദ്ധ്യകാല ചുവർചിത്രങ്ങളുടെ മാതൃകകൾ ദർശ്ശിക്കാൻ കഴിയും.
ഇന്ത്യൻ ചിത്രകലയുടെ സാങ്കേതിക പാരമ്പര്യത്തെക്കുറിച്ച്‌ പല പൗരാണിക ഗ്രന്ഥങ്ങളിലും പരാമർശമുണ്ട്‌. ഇതിൽ ഏറ്റവും പഴക്കമേറിയത്‌ 4 ആം നൂറ്റാണ്ടിനും 7 ആം നൂറ്റാണ്ടിനും ഇടയിൽ രചിക്കപ്പെട്ടതെന്ന് കരുതുന്ന വിഷ്ണുധർമ്മോത്തര പുരാണമാണ്‌. ഈ ഗ്രന്ഥത്തിൽ 'ചിത്രസൂത്രം' എന്ന ഒരു അധ്യായം തന്നെ ചിത്രകലക്കായി സമർപ്പിക്കപ്പെട്ടിരിക്കുന്നു. അഭിലാഷിതാർത്ഥ ചിന്താമണി, സമരാംഗണ സൂത്രധാര, ശിൽപരത്നം തുടങ്ങിയ ഗ്രന്ഥങ്ങളിലും ഇന്ത്യൻ ചിത്രകലയുടെ രീതിശാസ്ത്രത്തെക്കുറിച്ചും സിദ്ധാന്തങ്ങളെക്കുറിച്ചുമുള്ള വിലപ്പെട്ട വിവരങ്ങളുണ്ട്‌.

കേരളത്തിലെ ചുവർചിത്രങ്ങൾ
-----------------------------------------------
9 ആം നൂറ്റാണ്ടുമുതൽ 19 ആം നൂറ്റാണ്ടിന്റെ മധ്യദശകങ്ങൾ വരെയുള്ളതാണ്‌ കേരളത്തിലെ പുരാതന ചുവർചിത്രങ്ങൾ. കേരളീയ മാതൃകയിലുള്ള ഏറ്റവും പഴക്കമേറിയ ചുവർചിത്രങ്ങൾ ഉള്ളത്‌ ഇന്നത്തെ കന്യാകുമാരി ജില്ലയിലെ തിരുനന്ദിക്കര ഗുഹാക്ഷേത്രത്തിലാണ്‌. 9 ആം നൂറ്റാണ്ടിൽ രചിക്കപ്പെട്ട ഈ ചിത്രങ്ങളുടെ നേർത്ത അടയാളങ്ങൾ മാത്രമേ ഇന്ന് അവശേഷിക്കുന്നുള്ളൂ.
കേരളീയ ചുവർചിത്രകലയുടെ ആരംഭം 9 ആം നൂറ്റാണ്ടിലാണെങ്കിലും ധാരാളമായി വരക്കപ്പെടാൻ തുടങ്ങിയത്‌ 15 - 16 നൂറ്റാണ്ടുകളിലാണ്‌. ക്ഷേത്രങ്ങളുടെ ചുവരുകളിലും മച്ചുകളിലും കുമ്മായച്ചാന്തിൽ ചെയ്ത അലങ്കാരപ്പണികളിലുമാണ്‌ ചുവർ ചിത്രങ്ങൾ രചിക്കപ്പെട്ടിരുന്നത്‌. കുമ്മായവും മണലും പ്രത്യേക അനുപാതത്തിൽ കൂട്ടിയ ശേഷം കടുക്കയുടെ നീര്‌ ചേർത്ത്‌ തയ്യാറാക്കിയ മിശ്രിതം കൊണ്ട്‌ ചിത്രപ്രതലമൊരുക്കി അതിൻമേൽ പ്രകൃതിദത്ത ചായങ്ങളുപയോഗിച്ചായിരുന്നു രചന. പുരാണങ്ങളിൽ നിന്നും ഇതിഹാസങ്ങളിൽ നിന്നും സ്വീകരിച്ച പ്രമേയങ്ങൾ ധ്യാനശ്ലോകങ്ങളെ അടിസ്ഥാനമാക്കി ആലേഖനം ചെയ്യപ്പെട്ടു. ക്ഷേത്രങ്ങളെ കൂടാതെ പുരാതനമായ പള്ളികളിലും കൊട്ടാരങ്ങളിലും ചുവർചിത്രങ്ങൾ കാണാം.
ഫോർട്ട്‌ കൊച്ചിയിലെ മട്ടാഞ്ചേരി കൊട്ടാരം, തക്കലയിലെ പത്മനാഭപുരം കൊട്ടാരം, കായംകുളത്തെ കൃഷ്ണപുരം കൊട്ടാരം, വടക്കുംനാഥൻ ക്ഷേത്രം, പാണ്ഡവത്തെ ശാസ്താക്ഷേത്രം, പുണ്ഡരീകപുരം ക്ഷേത്രം, ഏറ്റുമാനൂർ ക്ഷേത്രം, പെരുന്ന ശ്രീ സുബ്രഹ്മണ്യക്ഷേത്രം, വൈക്കത്തിനടുത്തുള്ള കുടവച്ചൂർ ഗോവിന്ദപുരം ക്ഷേത്രം, തിരുനായത്തോട്‌ ശങ്കരനാരായണ ക്ഷേത്രം, ചെമ്മന്തിട്ട ശിവക്ഷേത്രം, പെരുവനം ക്ഷേത്രം, തൃപ്രയാർ ശ്രീരാമക്ഷേത്രം, പാഞ്ഞാൾ അയ്യപ്പൻകാവ്‌ ക്ഷേത്രം, കിള്ളിക്കുറിശ്ശിമംഗലം ശിവക്ഷേത്രം, തിരുമാന്ധാംകുന്ന് ക്ഷേത്രം, മൊഴാറ ക്ഷേത്രം, തൊടീക്കളം ക്ഷേത്രം, കോട്ടക്കൽ ശിവക്ഷേത്രം, കളിയാംവള്ളി ദേവീക്ഷേത്രം, ലോകനാർകാവ്‌ ക്ഷേത്രം, നെയ്യാറ്റിൻകര ശ്രീകൃഷ്ണക്ഷേത്രം, ഗുരുവായൂർ ക്ഷേത്രം തുടങ്ങിയവ അമൂല്യമായ ചുവർചിത്രകലാ സമ്പത്തുള്ള കേരളത്തിലെ സങ്കേതങ്ങളാണ്‌.
അടിക്കുറിപ്പ്‌ : എന്റെ കുട്ടിക്കാലത്ത്‌ വീടിനടുത്തുള്ള ചേർപ്പ്‌ ഭഗവതീ ക്ഷേത്രത്തിന്റെ ശ്രീകോവിലിനു ചുറ്റും ചുവർചിത്രങ്ങൾ ഉണ്ടായിരുന്നു. കാലപ്പഴക്കം കൊണ്ട്‌ പലതും തേഞ്ഞുമാഞ്ഞുപോയ നിലയിലായിരുന്നു. ചിത്രങ്ങൾ വരക്കപ്പെട്ടിരുന്ന കുമ്മായ പാളികൾ പലഭാഗങ്ങളിലും അടർന്നു വീണിരുന്നു. മാഞ്ഞുതുടങ്ങിയ ആ പൗരാണികതയെ ക്ഷേത്രനവീകരണം പൂർണ്ണമായി തേച്ചുമാച്ചു കളഞ്ഞു. ഇന്നിപ്പോൾ ചിത്രങ്ങളൊന്നുമില്ല. ചുവരുകൾ വെള്ളപൂശി നവീകരിച്ചിരിക്കുന്നു.

വിവരങ്ങൾ: സംസ്ഥാന പുരാവസ്തുവകുപ്പ്‌ മ്യൂസിയം, കൊല്ലങ്കോട്‌ കൊട്ടാരം - തൃശൂർ

+31

ശിവാലയ ഓട്ടം തമിഴ്നാട്ടിലെ കന്യാകുമാരി ജില്ലയിൽ വിളവൻ‌കോട്, കൽക്കുളം

ശിവാലയ ഓട്ടം
***************

ശിവരാത്രിയോടനുബന്ധിച്ച് നടത്തപ്പെടുന്ന ഒരു ആചാരമാണ്‌ ശിവാലയ ഓട്ടം അഥവാ ചാലയം ഓട്ടം. ശിവരാത്രി നാളിൽ ദ്വാദശ രുദ്രന്മാരെ വണങ്ങുക എന്നതാണ്‌ ഈ ആചാരത്തിന്റെ സവിശേഷത. തമിഴ്നാട്ടിലെ കന്യാകുമാരി ജില്ലയിൽ വിളവൻ‌കോട്, കൽക്കുളം താലൂക്കുകളിലായുള്ള 12 ശിവക്ഷേത്രങ്ങളിൽ ഒരു രാത്രിയും ഒരു പകലും കൊണ്ട് നടത്തുന്ന ദർശനമാണിത്.

ഐതിഹ്യം

മഹാഭാരത കഥയുമായി ബന്ധപ്പെട്ടാണ്‌ ശിവാലയഓട്ടത്തിനുപിന്നിലുള്ള ഐതിഹ്യം നിലനിൽക്കുന്നത്. ധർമ്മപുത്രൻ നടത്തിയ യാഗത്തിൽ പങ്കെടുക്കുവാൻ ശ്രീകൃഷ്ണന്റെ നിർദ്ദേശപ്രകാരം വ്യാഘ്രപാദമുനിയെ കൂട്ടിക്കൊണ്ടുവരുവാൻ ഭീമസേനൻ പോയി. കടുത്ത ശിവഭക്തനായ വ്യാഘ്രപാദൻ തന്റെ തപസ്സിളക്കിയ ഭീമനെ ആട്ടിപ്പായിച്ചു. ശ്രീകൃഷ്ണൻ നൽകിയ 12 രുദ്രാക്ഷങ്ങളുമായി ഭീമൻ വീണ്ടും തിരുമലയിൽ തപസ്സനുഷ്ഠിക്കുകയായിരുന്ന വ്യാഘ്രപാദനു സമീപമെത്തി. മുനി കോപിതനായി ഭീമനുനേരെ തിരിയുകയും ഭീമൻ പിന്തിരിഞ്ഞ് ഗോവിന്ദാ... ഗോപാലാ....... എന്നു വിളിച്ച് ഓടൻ തുടങ്ങുകയും ചെയ്തു. മുനി ഭീമന്റെ സമീപമെത്തുമ്പോൾ ഭീമൻ അവിടെ ഒരു രുദ്രാക്ഷം നിക്ഷേപിക്കും. അപ്പോൾ അവിടെ ഒരു ശിവലിംഗം ഉയർന്നുവരികയും ചെയ്യും. മുനി അവിടെ പൂജ നടത്തുമ്പോൾ ഭീമൻ മുനിയെ വീണ്ടും യാഗത്തിനു പോകാൻ പ്രേരിപ്പിക്കാൻ ശ്രമിക്കും. മുനി വീണ്ടും ഭീമന്റെ പുറകേ പോകുമ്പോൾ ഭീമൻ വീണ്ടും വീണ്ടും രുദ്രാക്ഷങ്ങൾ നിക്ഷേപിക്കുകയും ചെയ്യും. അങ്ങനെ 11 രുദ്രാക്ഷങ്ങളും നിക്ഷേപിക്കുകയും ശിവലിംഗങ്ങൾ ഉയർന്നു വരികയും ചെയ്തു. ഒടുവിൽ 12-മത്തെ രുദ്രാക്ഷം നിക്ഷേപിച്ച സ്ഥലത്ത് ശ്രീകൃഷ്ണൻ പ്രത്യക്ഷപ്പെട്ട് വ്യാഘ്രപാദന്‌ ശിവനായും ഭീമന് വിഷ്ണുവായും ദർശനം നൽകുകയും ചെയ്തു. അങ്ങനെ ഇരുവർക്കും ശിവനും വിഷ്ണുവും ഒന്നെന്ന് വ്യകതമായി. അദ്ദേഹം പിന്നീട് ധർമ്മപുത്രന്റെ യാഗത്തിൽ പങ്കുകൊണ്ടു. ഭീമൻ രുദ്രാക്ഷം നിക്ഷേപിച്ചതിന്റെ ഫലമായി സ്ഥപിതമായ 12 ശിവക്ഷേത്രങ്ങളിലാണ്‌ ശിവാലയ ഓട്ടം നടക്കുന്നത്.

ചരിത്രം

കന്യാകുമാരി ജില്ലയിൽ നൂറ്റാണ്ടുകൾക്ക് മുൻപ് നിലനിന്ന ജൈനമതത്തിന്റെ അനുഷ്ഠാനരീതികളുടെ പിന്തുടർച്ചയാണ്‌ ശിവാലയ ഓട്ടമെന്ന് ചരിത്രകാരന്മാർ അഭിപ്രായപ്പെടുന്നു.

ക്ഷേത്രങ്ങൾ

തിരുമല, തിക്കുറുശ്ശി, തൃപ്പരപ്പ്, തിരുനന്ദിക്കര, പൊന്മന, പന്നിപ്പാകം, കൽക്കുളം, മേലാങ്കോട്, തിരുവിടയ്ക്കോട്, തിരുവിതാംകോട്, തൃപ്പന്നികോട്, തിരുനട്ടാലം എന്നിവയാണ്‌ 12 ശിവാലയ ക്ഷേത്രങ്ങൾ. 100 കിലോമീറ്റർ ചുറ്റളവിൽ സ്ഥിതിചെയ്യുന്ന ഈ ക്ഷേത്രങ്ങളിൽ കാൽനടയായി ദർശനം നടത്തുന്നതാണ്‌ വഴിപാട്. ഒരാഴ്ച വ്രതം നോറ്റശേഷമാണ്‌ വഴിപാട് സമർപ്പിക്കുന്നത്.

പ്രത്യേകതകൾ

ശിവരാത്രി ദിവസത്തിന്റെ തലേ ദിവസം വൈകുന്നേരം തിരുമല ക്ഷേത്രത്തിൽ നിന്നും ആരംഭിക്കുന്ന ഓട്ടം ശിവരാത്രി ദിവസം വൈകുന്നേരത്തോടു കൂടി തിരുനട്ടാലം ക്ഷേത്രത്തിൽ അവസാനിക്കുന്നു. കാവി വസ്ത്രം, തുളസിമാല എന്നിവ അണിഞ്ഞ് കൈകളിൽ വിശറിയും ഭസ്മ സഞ്ചിയും കൊണ്ടാണ്‌ ഭക്തർ ഈ ദർശനം നടത്തുന്നത്. ശിവക്ഷേത്രങ്ങളിലേക്കാണ്‌ യാത്രയെങ്കിലും ഗോവിന്ദാ.... ഗോപാലാ.... എന്നീ വൈഷ്ണവമന്ത്രങ്ങളാണ്‌ ഇവർ ഉരുവിടുന്നത്. അതിനാൽ ഇവർ ഗോവിന്ദന്മാർ എന്ന പേരിലും അറിയപ്പെടുന്നു.

ശിവാലയ ഓട്ടം
==============================
മകരം, കുംഭം എന്നീ മാസങ്ങളുടെ മധ്യത്തിൽ ഹൈന്ദവരുടെ ആഘോഷമായ ശിവരാത്രിയോടനുബന്ധിച്ച് നടത്തപ്പെടുന്ന ഒരു ആചാരമാണ് ശിവാലയ ഓട്ടം അഥവാ ചാലയം ഓട്ടം. ശിവരാത്രി നാളിൽ ദ്വാദശ രുദ്രന്മാരെ വണങ്ങുക എന്നതാണ് ഈ ആചാരത്തിന്റെ സവിശേഷത. തമിഴ്നാട്ടിലെ കന്യാകുമാരി ജില്ലയിൽ വിളവൻകോട്, കൽക്കുളം താലൂക്കുകളിലായുള്ള ശിവക്ഷേത്രങ്ങളിൽ ഒരു രാത്രിയും ഒരു പകലും കൊണ്ട് നടത്തുന്ന ദർശനമാണിത്. മഹാഭാരതത്തിലെ കഥയുമായി ബന്ധപ്പെട്ടാണ് ശിവാലയഓട്ടത്തിനുപിന്നിലുള്ള ഐതിഹ്യം നിലനിൽക്കുന്നത്. ധർമ്മപുത്രൻ നടത്തിയ യാഗത്തിൽ പങ്കെടുക്കുവാൻ ശ്രീകൃഷ്ണന്റെ നിർദ്ദേശപ്രകാരം വ്യാഘ്രപാദമുനിയെ കൂട്ടിക്കൊണ്ടുവരുവാൻ ഭീമസേനൻ പോയി. കടുത്ത ശിവഭക്തനായ വ്യാഘ്രപാദൻ തന്റെ തപസ്സിളക്കിയ ഭീമനെ ആട്ടിപ്പായിച്ചു. ശ്രീകൃഷ്ണൻ നൽകിയ 12 രുദ്രാക്ഷങ്ങളുമായി ഭീമൻ വീണ്ടും തിരുമലയിൽ തപസ്സനുഷ്ഠിക്കുകയായിരുന്ന വ്യാഘ്രപാദനു സമീപമെത്തി. മുനി കോപിതനായി ഭീമനുനേരെ തിരിയുകയും ഭീമൻ പിന്തിരിഞ്ഞ് ഗോവിന്ദാ… ഗോപാലാ…… .എന്നു വിളിച്ച് ഓടൻ തുടങ്ങുകയും ചെയ്തു. മുനി ഭീമന്റെ സമീപമെത്തുമ്പോൾ ഭീമൻ അവിടെ ഒരു രുദ്രാക്ഷം നിക്ഷേപിക്കും. അപ്പോൾ അവിടെ ഒരു ശിവലിംഗം ഉയർന്നുവരികയും ചെയ്യും. മുനി അവിടെ പൂജ നടത്തുമ്പോൾ ഭീമൻ മുനിയെ വീണ്ടും യാഗത്തിനു പോകാൻ പ്രേരിപ്പിക്കാൻ ശ്രമിക്കും. മുനി വീണ്ടും ഭീമന്റെ പുറകേ പോകുമ്പോൾ ഭീമൻ വീണ്ടും വീണ്ടും രുദ്രാക്ഷങ്ങൾ നിക്ഷേപിക്കുകയും ചെയ്യും. അങ്ങനെ 11 രുദ്രാക്ഷങ്ങളും നിക്ഷേപിക്കുകയും ശിവലിംഗങ്ങൾ ഉയർന്നു വരികയും ചെയ്തു. ഒടുവിൽ 12-ആമത്തെ രുദ്രാക്ഷം നിക്ഷേപിച്ച സ്ഥലത്ത് ശ്രീകൃഷ്ണൻ പ്രത്യക്ഷപ്പെട്ട് വ്യാഘ്രപാദന് ശിവനായും ഭീമന് വിഷ്ണുവായും ദർശനം നൽകുകയും ചെയ്തു. അങ്ങനെ ഇരുവർക്കും ശിവനും വിഷ്ണുവും ഒന്നെന്ന് വ്യകതമായി. അദ്ദേഹം പിന്നീട് ധർമ്മപുത്രന്റെ യാഗത്തിൽ പങ്കുകൊണ്ടു. ഭീമൻ രുദ്രാക്ഷം നിക്ഷേപിച്ചതിന്റെ ഫലമായി സ്ഥപിതമായ 12 ശിവക്ഷേത്രങ്ങളിലാണ് ശിവാലയ ഓട്ടം നടക്കുന്നത്.തിരുമല, തിക്കുറുശ്ശി, തൃപ്പരപ്പ്, തിരുനന്ദിക്കര, പൊന്മന, പന്നിപ്പാകം, കൽക്കുളം, മേലാങ്കോട്, തിരുവിടയ്ക്കോട്, തിരുവിതാംകോട്, തൃപ്പന്നികോട്, തിരുനട്ടാലം എന്നിവയാണ് 12 ശിവാലയ ക്ഷേത്രങ്ങൾ.100 കിലോമീറ്റർ ചുറ്റളവിൽ സ്ഥിതിചെയ്യുന്ന ഈ ക്ഷേത്രങ്ങളിൽ കാൽനടയായി ദർശനം നടത്തുന്നതാണ് വഴിപാട്.*
ഒരാഴ്ച വ്രതം നോറ്റശേഷമാണ് വഴിപാട് സമർപ്പിക്കുന്നത്.ശിവരാത്രി ദിവസത്തിന്റെ തലേ ദിവസം വൈകുന്നേരം തിരുമല ക്ഷേത്രത്തിൽ നിന്നും ആരംഭിക്കുന്ന ഓട്ടം ശിവരാത്രി ദിവസം വൈകുന്നേരത്തോടു കൂടി തിരുനട്ടാലം ക്ഷേത്രത്തിൽ അവസാനിക്കുന്നു.*കാവി വസ്ത്രം, തുളസിമാല എന്നിവ അണിഞ്ഞ് കൈകളിൽ വിശറിയും ഭസ്മ സഞ്ചിയും കൊണ്ടാണ് ഭക്തർ ഈ ദർശനം നടത്തുന്നത്. ശിവക്ഷേത്രങ്ങളിലേക്കാണ് യാത്രയെങ്കിലും ഗോവിന്ദാ…. ഗോപാലാ…. എന്നീ വൈഷ്ണവമന്ത്രങ്ങളാണ് ഇവർ ഉരുവിടുന്നത്. അതിനാൽ ഇവർ ഗോവിന്ദന്മാർ എന്ന പേരിലും അറിയപ്പെടുന്നു.*

*ശിവാലയ ഓട്ടത്തിൽ പങ്കെടുക്കുന്നവർ വ്രതശുദ്ധിയോടെ വേണം പന്ത്രണ്ടു ക്ഷേത്രങ്ങളിലും ദർശനം നടത്തുവാൻ. കുംഭമാസത്തിലെ ഏകാദശിക്ക് ഒരാഴ്ച മുൻപെങ്കിലും മാലയിടണം, കരിക്കും പഴങ്ങളുമാണ് ഇവർ ഭക്ഷണമായി സ്വീകരിക്കേണ്ടത്.*
*ശിവാലയ ഓട്ടത്തിൽ പങ്കെടുക്കുന്നവരുടെ കൈയിൽ ഒരു വിശറി ഉണ്ട്, ഓരോ ക്ഷേത്രത്തിൽ ചെല്ലുമ്പോഴും അവിടുത്തെ ദേവനെ വീശാൻ ആണ് ഇത്. വിശറിയുടെ രണ്ടറ്റത്തും തുണി സഞ്ചികൾ ഉണ്ടാകും ഒന്ന് ക്ഷേത്രങ്ങളിൽ നിന്നും ലഭിക്കുന്ന ഭസ്മം സൂക്ഷിക്കാനും ഒന്ന് പണം സൂക്ഷിക്കാനും. പന്ത്രണ്ടു ക്ഷേത്രങ്ങളിലും കുളിച്ചിട്ടു വേണം ദർശനം നടത്താൻ,* *യാത്രക്കിടയിൽ പാനകം, ചുക്ക് വെള്ളം, ആഹാരം എന്നിവയും കൊടുക്കുന്നുണ്ട്. പ്രത്യേക പൂജകളും* *അഭിഷേകങ്ങളും അന്നവിടെ നടക്കുന്നുണ്ട്.

തിരുമല, തിക്കുറുശ്ശി, തൃപ്പരപ്പ്, തിരുനന്ദിക്കര, പൊന്മന, പന്നിപ്പാകം, കൽക്കുളം, മേലാങ്കോട്, തിരുവിടയ്ക്കോട്, തിരുവിതാംകോട്, തൃപ്പന്നികോട്, തിരുനട്ടാലം എന്നിവയാണ്‌ 12 ശിവാലയ ക്ഷേത്രങ്ങൾ

ശിവാലയ ഓട്ടത്തിലെ 12 ശിവക്ഷേത്രങ്ങളും ഒരോ ക്ഷേത്രത്തിലേയും ശിവ ഭഗവാന്റെ മൂർത്തി ഭാവവും ക്രമത്തിൽ താഴെ പറയുന്നു.

01. തിരുമല 👉 ശൂലപാണി

02. തിക്കുറിശ്ശി 👉 മഹാദേവൻ

03. തൃപ്പരപ്പ് 👉 ജഡാധരൻ

04. തിരുനന്ദിക്കര 👉
നന്ദികേശ്വരൻ

05. പൊന്മന 👉 തിമ്പിലേശൻ

06. പന്നിപ്പാകം 👉 കിരാതമൂർത്തി

07. കൽക്കുളം 👉 നീലകണ്ഠൻ

08. മേലാംങ്കോട് 👉 കാലകാലൻ

09. തിരുവിടൈക്കോട് 👉 ജഡയപ്പൻ

10. തിരുവിതാംകോട് 👉 പതിരിപാണി

11. തൃപ്പന്നിയോട് 👉 ഭക്തവത്സലൻ

12. തിരുനട്ടാലം 👉 ശങ്കരനാരായണൻ

തിരുനന്ദിക്കരഗുഹാ ക്ഷേത്രം കന്യാകുമാരി ജില്ല

തിരുനന്ദിക്കര ഗുഹാ ക്ഷേത്രം

കന്യാകുമാരി ജില്ലയിൽ കുലശേഖരം- പേച്ചിപ്പാറ റൂട്ടിലാണ് തിരുനനദിക്കര ഗുഹാ ക്ഷേത്രം..പേരു സൂചിപ്പിക്കുന്നതുപോലെ തന്നെ നന്ദികേശ്വരനാണ് പ്രധാന പ്രതിഷ്ഠ.നന്ദിയാറിന്റെ കരയിൽ 1003 A.D യിൽ രാജരാജ ചോളനാണ് ഈ ഗുഹാ ക്ഷേ(തം പാറ തുരന്ന് ഉണ്ടാക്കിയത്.ഏകദേശം 2000 ഓളം വർഷം പഴക്കമുണ്ട്.Archeological Survey of India യുടെ സംരക്ഷിത ക്ഷേത്രമാണീ ഗുഹാ ക്ഷേത്രം

തിരുനന്ദിക്കര

------------------------------------

ശിവാലയ ഓട്ടത്തിലെ നാലാമത്തെ ക്ഷേത്രമാണ് തിരുനന്തിക്കര ശിവക്ഷേത്രം. നന്തി ആറിന്റെ കരയിലാണ് ക്ഷേത്രം സ്ഥിതി ചെയ്യുന്നത്. കേരളീയ ക്ഷേത്ര ശില്പകലാ രീതിയിലാണ് തിരുനന്തിക്കര ക്ഷേത്രം പണികഴിപ്പിച്ചിരിക്കുന്നത്. ശ്രീ കോവിൽ വിമാനവും മറ്റും ഇതിനുദാഹരമാണ്. തിരുനന്തിക്കരയിൽ നന്ദികേശ്വര രൂപത്തിലാണ് ശ്രീ പരമേശ്വരന് ഇരുന്നരുളുന്നത്. ശിവക്ഷേത്രത്തിനു അഭിമുഖമായി ഒരു വിഷ്ണുക്ഷേത്രവും വടക്കു ഭാഗത്തായി ഒരു ഗുഹാ ക്ഷേത്രവും സ്ഥിതി ചെയ്യുന്നു.എത്തിച്ചേരാനുള്ള വഴി തൃപ്പരപ്പിൽ നിന്നു കുലശേഖരം വഴി 8 കിലോമീറ്റർ സഞ്ചരിച്ചാൽ തിരുനന്തിക്കരയിലെത്താം.

കേരളീയ മാതൃകയില്‍ പണികഴിപ്പിച്ചിട്ടുള്ളതാണിത്. ഇതിനോടുചേര്‍ന്ന് ജൈന ഗുഹാക്ഷേത്രവുമുണ്ട്. തിരുനന്ദിക്കര ക്ഷേത്രത്തില്‍ ഉത്സവവും ശിവരാത്രി നാളുകളിലാണ്.

നാട്ടിലെ ഒരു ധനികൻ തിരു നന്ദിക്കര ശിവ ക്ഷേത്രത്തിൽ പോകാൻ തീരുമാനിച്ചു അയാളുടെ ഭൃത്യനായ നന്ദനാര് പറഞ്ഞു എന്റെ ജീവിതത്തിലെ ഏറ്റവും വലിയ ആഗ്രഹമാണ് തിരുനന്ദിക്കര അപ്പനെ കാണണമെന്നുള്ളത് അതിന് അങ്ങെന്നെ അനുവദിക്കണം ഞാൻകൂടെ വരട്ടേ എന്ന് ഭൃത്യനായ നന്ദനാർ ചോദിച്ചു ഉടനെ യജമാനൻ പറഞ്ഞു നിനക്ക് ഇവിടെ ധാരാളം പണികൾ ചെയ്ത് തീർക്കാനുണ്ട് ഇല്ല അങ്ങുന്നേ എല്ലാപണിയും തീർന്നു.ആ ധനികൻ മനസിലോർത്തു ഇവനെ ഇതിന് അനുവദിക്കാൻ പാടില്ല.. എന്നാൽ നീ നെല്ല് പാകി ഞാറു നട്ട് കൊയ്ത് പുഴുങ്ങി കുത്തി വെച്ചിട്ട് പൊയ്ക്കോളു നന്ദനാര് തലകുനിച്ച് വിഷമത്തോടെ അപ്പുറത്തേക്ക് നടന്നു നാളെയാണ് പുറപ്പെടുന്നത് പിറ്റേന്ന് അതിരാവിലെ യജമാനൻ യാത്രയായി വളരെ ദൂരം യാത്ര ചെയ്ത് ആ ധനികൻ തിരു നന്ദിക്കരയിലെത്തി ക്ഷത്രനടയിലതാ തന്റെ വേലക്കാരനായ നന്ദനാര് ഇതെങ്ങനെ നന്ദനാരോട് അയാള് ചോദിച്ചു നീ എങ്ങനെ ഇവിടെയെത്തി അതും ഇത്ര വേഗത്തിൽ കുതിര വണ്ടിയിൽ വന്ന എന്നെക്കാളും മുമ്പേ നന്ദനാരൊന്നും മിണ്ടാതെ പരമശിവനെ തൊഴുതു നിന്നു.നന്ദനാരെത്തിയതിങ്ങനെ രാവിലെ യജമാനെന്റെ പത്തായ പുരേന്ന് നെല്ലെടുത്ത് പരമശിവനെ മനസിലോർത്ത് പാടത്തേക്ക് നടന്നു അവിടെ അതാ സാക്ഷാൽ പരമശിവന്റെ ഭൂത ഗണങ്ങളായ സകലമാനപേരും നന്ദനാരെ കാത്ത് നിൽക്കുന്നു അവരിൽ പ്രധാനിയായ നന്ദികേശന്റെ നേതൃത്വത്തിൽ പാടം ഉഴലും വിത്ത് പാകലും കൊയ്തതും പുഴുങ്ങലും കുത്തലുമൊക്കെ നിമിഷ നേരം കൊണ്ട് നടത്തി അരി ആ ധനികന്റെ പത്തായത്തിലുമാക്കി നന്ദനാരെ നന്ദികേശൻ വഴികാട്ടി.

ഈ നെല്ല് അടുത്ത കാലം വരെ പലരുടേയും കയ്യിലുണ്ടായിരുന്നതായി പറഞ്ഞ് കേട്ടിട്ടുണ്ട് അന്നൂരി നെല്ല് അതാണിതിന്റെ പേരെന്നും പറഞ്ഞ് കേട്ടിട്ടുണ്ട്. സഹ ജീവികളോടൊള്ള കരുണയാണ് ഈശ്വരനോടുള്ള കടമ. പരമേശ്വരൻ നമുക്ക്‌ നല്ലത് തന്ന് അനുഗ്രഹിക്കട്ടേ.ഓം നമഃശിവായ

നിരണം തൃക്കപാലീശ്വരം മഹാദേവക്ഷേത്രം പത്തനംതിട്ട ജില്ല

നിരണം തൃക്കപാലീശ്വരം മഹാദേവക്ഷേത്രം  പത്തനംതിട്ട ജില്ല

പത്തനംതിട്ട ജില്ലയിലെ നിരണത്ത് സ്ഥിതിചെയ്യുന്ന പുരാതന ശിവക്ഷേത്രമാണ് നിരണം തൃക്കപാലീശ്വരം മഹാദേവക്ഷേത്രം. 108 ശിവക്ഷേത്രങ്ങളില്‍ പറയുന്ന മൂന്നു തൃക്കപാലീശ്വരങ്ങളില്‍ ഒന്നാണിത്. മറ്റുള്ള രണ്ടു തൃക്കപാലീശ്വരങ്ങള്‍ പെരളശ്ശേരിയിലും, നാദാപുരത്തും ആണ്. നിരണം തൃക്കപാലീശ്വരം മഹാദേവക്ഷേത്രത്തിലെ പ്രതിഷ്ഠ നടത്തിയത് പരശുരാമനാണന്നു വിശ്വസിക്കുന്നു. ഇവിടെ ശിവപ്രതിഷ്ഠാ സങ്കല്പം ദക്ഷിണാമൂര്‍ത്തിയാണ്. തന്മൂലം തൃക്കപാലീശ്വരം ക്ഷേത്രദര്‍ശനം വിദ്യാസമ്പത്തിനു വിശേഷമാണന്ന് വിശ്വസിക്കുന്നു.
ദക്ഷിണാമൂര്‍ത്തിയായ ശ്രീകപാലിശ്വരനെയാണ് ഇവിടെ പ്രതിഷ്ഠിച്ചിരിക്കുന്നത്. പണ്ടു പുരാതന കാലംതൊട്ടുതന്നെ പല അത്ഭുത കഥകള്‍ക്കും പേരുകേട്ട ക്ഷേത്രമാണ് തൃക്കപാലീശ്വരം ക്ഷേത്രം. പണ്ട് ക്ഷേത്ര പ്രതാപകാലത്ത് ഒരു ജഡാകൂവളം ഉണ്ടായിരുന്നു. ഒരു സര്‍പ്പ സാന്നിദ്ധ്യം പതിവാറ്റി കുവളത്തില്‍ ഉണ്ടായിരുന്നു. എന്നാല്‍ ക്ഷേത്രജീര്‍ണ്ണാവസ്ഥ ആരംഭിച്ചപ്പോള്‍ മുതല്‍ അത് ഇല്ലാതായതയും പറയുന്നു. ഈ അടുത്തിടെ മുതല്‍ ഈ സര്‍പ്പ സാന്നിധ്യം ഉണ്ടാവുകയും അത് ഇപ്പോഴും തുടരുകയും ചെയ്യുന്നു. ക്ഷേത്ര സമീപത്തുള്ള ചെറിയ ഒരു കൂവളത്തിലാണ് ഇപ്പോള്‍ സര്‍പ്പ സാന്നിധ്യം ഉള്ളത്.
മറ്റുക്ഷേത്രങ്ങളിലൊന്നും കാണാത്ത ദേവീരൂപങ്ങളിലുള്ള സപ്തമാതാക്കളുടെ പ്രതിഷ്ഠ വളരെ പ്രത്യേകതയുള്ളതാണ്. മറ്റു പ്രധാനക്ഷേത്രങ്ങളില്‍ ദക്ഷിണഭാഗത്തായി ബലിക്കല്ലുരൂപത്തിലാണ് സപ്തമാതൃക്കളെ പ്രതിഷ്തിച്ചിരിക്കുന്നത്. ഇവിടെ അവര്‍ക്കായി പ്രത്യേക പ്രതിഷ്ഠകള്‍ ഉണ്ട്. ആദി പരാശക്തിയുടെ വിഭിന്നരൂപങ്ങളാണ് സപ്തമാതാക്കാള്‍. ദേവീമാഹാത്മ്യത്തില്‍ സപ്തമാതാക്കളെപറ്റി പറയുന്നുണ്ട്. ബ്രഹ്മാണി, വൈഷ്ണവി, മഹേശ്വരി, കൌമാരി, വരാഹി, ഇന്ദ്രാണി, ചാമുണ്ഡി എന്നീ ദേവിമാരാണ് സപ്തമാതാക്കള്‍.
കണ്ണശ്ശ കവികള്‍ എന്നു പ്രസിദ്ധരായ നിരണം കവികള്‍ക്കു ജ്ഞാനോദയം കൊടുത്ത് അനുഗ്രഹിച്ചത് ഇവിടുത്തെ തൃക്കപാലീശ്വര ദക്ഷിണാമൂര്‍ത്തിയാണന്നു അവര്‍ വിശ്വസിച്ചിരുന്നു. ഈ തിരുനടയില്‍ ഇരുന്നാണ് അവര്‍ കണ്ണശ്ശരാമായണം മലയാളത്തിന് സമര്‍പ്പിച്ചത്. മലയാളസാഹിത്യത്തിന്റെ ആദ്യകാലചരിത്രത്തില്‍ നിരണം കവികളുടെ സംഭാവന എടുത്തുപറയത്തക്കതാണു്. മണിപ്രവാളത്തിലൂടെ ശൃംഗാരത്തിലേക്കും അശ്ലീലത്തിലേക്കും വഴുതിക്കൊണ്ടിരുന്ന മലയാളസാഹിത്യത്തെ ഭക്തിരസപ്രധാനവും കാവ്യഗുണസമ്പന്നവുമാക്കാന്‍സഹായിച്ചതു് കണ്ണശ്ശന്മാരാണു്. വാല്മീകിരാമായണം ആദ്യമായി മലയാളത്തിനും കേരളക്കരക്കും പരിചിതമായതു് കണ്ണശ്ശരാമായണത്തിലൂടെയാണ്.എഴുത്തച്ഛന്‍ ഒരു ശിവരാത്രി നാളില്‍ ഇവിടെ ക്ഷേത്രദര്‍ശനം നടത്തിയതായും അദ്ദേഹം കണ്ണശ്ശകവികളുടെ അനുഗ്രഹം വാങ്ങിയാണ് മലയാളത്തിലുള്ള രണ്ടാമത്തെ രാമയണത്തിനു ഹരിശ്രീ കുറിച്ചത് എന്നും വിശ്വസിക്കുന്നു. നവരാത്രിനാളുകളിലും വിജയദശമിയിലും ധാരാളം ഭക്തര്‍ ഇവിടെ ദക്ഷിണാമൂര്‍ത്തിയുടെ അനുഗ്രഹത്തിനായി എത്തിചേരാറുണ്ട്. നിരണത്തുശാല (നിരണം ശാല) എന്നപേരിലുള്ള പുരാതന പാഠശാല ഇവിടെ പണ്ടു് ഉണ്ടായിരുന്നു. കാലത്തിന്റെ കുത്തൊഴുക്കില്‍ പിന്നീട് എപ്പോഴോ അത് നാമാവശേഷമായി. 1981 ആഗസ്റ്റ് 30ന് അന്നത്തെ മുഖ്യമന്ത്രി ഇ.കെ. നായനാര്‍ ഉദ്ഘാടനം ചെയ്ത കണ്ണശ്ശസ്മാരകം ആണ് ഇപ്പോള്‍ കണ്ണശ്ശപ്പണിക്കന്മാരുടെ പേരില്‍ പ്രവര്‍ത്തനനിരതമായ ഒരു സ്ഥാപനം.
വളരെ പുരാതനക്ഷേത്രമാണിത്. പമ്പാനദിയുടേയും മണിമലയാറിന്റേയും മദ്ധ്യത്തിലുള്ള പ്രദേശമാണ് നിരണം. അവിടെയാണ് വളരെ പുരാതനമായ തൃക്കപാലീശ്വരം ക്ഷേത്രം സ്ഥിതിചെയ്യുന്നത്. വിദ്യാദേവനായ ദക്ഷിണാമൂര്‍ത്തിയുടെ ഭാവത്തിലാണ് തൃക്കപാലീശ്വരന്‍ ഇവിടെ കുടികൊള്ളുന്നത്. കണ്ണശ്ശ കൃതികളുടെ കാലത്ത് പ്രസിദ്ധിയാര്‍ജ്ജിച്ചിരുന്നു ഇവിടം. പീന്നീട് വളരെകാലങ്ങള്‍ കാലത്തിന്റെ വിസ്മൃതിയില്‍ ആണ്ടുപോയിരുന്നു. ഈ അടുത്തകാലത്ത് പ്രസിദ്ധ ജ്യോതിഷ പണ്ഡിതനായ കാണിപ്പയ്യൂര്‍ നമ്പൂതിരിയുടെ നിര്‍ദ്ദേശപ്രകാരം ധാരളം പുനര്‍ നിര്‍മ്മാണങ്ങള്‍ ക്ഷേത്രത്തില്‍ നടത്തുകയുണ്ടായിട്ടുണ്ട്. അതിനോടനുബന്ധിച്ച് ഉപദേവപ്രതിഷ്ഠകളും മറ്റു നിര്‍മ്മാണപ്രവര്‍ത്തികളും നടത്തിയിരുന്നു.
പുരാതനമായ ഈ ക്ഷേത്രം നിരവധി പ്രത്യേകതകളാല്‍ സമ്പന്നമാണ്. ഇവിടുത്തെ ശിവലിംഗം, നന്ദികേശ്വര പ്രതിഷ്ഠ, സപ്തമാതൃപ്രതിഷ്ഠകള്‍, സര്‍പ്പ സാന്നിധ്യം എന്നിവ അവയില്‍ ചിലതുമാത്രമാണ്.
അനവധി പ്രത്യേകതകളില്‍ ഒന്നാണ് ഇവിടുത്തെ ശിവലിംഗം. ഹിമാലയത്തില്‍ മാത്രം കണ്ടുവരുന്ന ഒരു പ്രത്യേകതരം ശിലയില്‍ തീര്‍ത്തതാണ് ഇവിടുത്തെ ശിവലിംഗം. പ്രധാന മൂര്‍ത്തിയായ കപാലിശ്വരന്‍ ദക്ഷിണാമൂര്‍ത്തിയായി ശിവലിംഗരൂപത്തില്‍ ഇവിടെ കുടികൊള്ളുന്നു. കിഴക്കോട്ടാണ് ദര്‍ശനം.
അത്യധികം സുന്ദരമായ ജീവന്‍ തുടിക്കുന്ന ഋഷഭവാഹനം മറ്റൊരു പ്രത്യേകതയാണ്. താന്ത്രിക വിധി പ്രകാരം പ്രത്യേകം പൂജകളും നേദ്യങ്ങളും മറ്റു വഴിപാടുകളും ഇവിടെ പതിവുണ്ട്.
മറ്റു സ്ഥലങ്ങളിലേതുപോലെ ബലിക്കല്ലിലെ പ്രതീക രൂപത്തിലല്ല ഇവിടെ സപ്തമാതൃ പ്രതിഷ്ഠകള്‍. പ്രത്യേകം പ്രത്യേകം വിഗ്രഹ രൂപങ്ങള്‍ ഇവര്‍ക്കു പണിതീര്‍ത്തിണ്ട്. ഇവിടെ സപ്തമാതൃക്കള്‍ക്ക് പ്രത്യേകം പൂജകള്‍ ഉണ്ട്.
ക്ഷേത്രത്തിലെ കൂവളത്തില്‍ പതിവായി ഒരു നാഗം ഉണ്ടാവാറുണ്ട്. വളരെ വര്‍ഷങ്ങള്‍ക്കുമുന്‍പു മുതല്‍ക്കേ ഈ സര്‍പ്പസാന്നിധ്യം ഇവിടെയുണ്ടായിരുന്നതായി ചരിത്രകാരന്മാര്‍ പറയുന്നു. പണ്ടു ഇവിടെ ഉണ്ടായിരുന്ന കൂവളം നശിക്കുകയും ഈ അടുത്തിട ഒരു പുതിയ കൂവളം ക്ഷേത്ര പരിസരത്തു വളര്‍ന്നു വരികയും അതില്‍ പതിവായി ഒരു സര്‍പ്പം ചുറ്റികിടക്കുന്നുമുണ്ട്. ഈ സര്‍പ്പ സാന്നിധ്യം ധാരാളം ഭക്തരെ ക്ഷേത്രത്തിലേക്ക് എത്തിക്കുന്നു.
സാധാരണ ക്ഷേത്രങ്ങളില്‍ ഉത്സവ സംബന്ധിയായി കൊടിയേറ്റു നടത്തുമ്പോള്‍ ഇവിടെ ഓലക്കുടയാണ് കൊടിമരത്തിലേറ്റുക.
തിരുവല്ല നിരണം ഗ്രാമത്തിലാണ് ക്ഷേത്രം സ്ഥിതിചെയ്യുന്നത്. തിരുവല്ല റെയില്‍വേ സ്‌റ്റേഷനില്‍ നിന്നും, ബസ്സ്റ്റാന്‍ഡില്‍ നിന്നും മാവേലിക്കര റൂട്ടില്‍ യാത്രചെയ്യുമ്പോള്‍ ആലംതുരുത്തി പാലം ജംഗഷനില്‍ ഇറങ്ങിയാല്‍ ക്ഷെത്ര ഗോപുരം കാണാം.
കേരളാക്ഷേത്ര സമിതിയുടെ കീഴിലാണ് തൃക്കപാലീശ്വരം ക്ഷേത്രം.