ഗണപതിയാര്‍ കോവില്‍ കാഞ്ഞിരപ്പള്ളി
====================================
900 വര്‍ഷങ്ങള്‍ക്ക് മുമ്പ് പണിത ക്ഷേത്രമാണിത്. ഇപ്പോള്‍ ഏതാണ്ട് ജീര്‍ണ്ണിച്ച അവസ്ഥയിലാണ് ഈ ക്ഷേത്രം. ക്ഷേത്രച്ചുവരുകളെല്ലാം തമിഴ്‌ശൈലിയിലുള്ള കൊത്തുപണികളാല്‍ അലങ്കരിച്ചിട്ടുണ്ട്, ചുവരില്‍ തമിഴിലുള്ള ലിഖിതങ്ങളും കാണാം. മുമ്പ് ചെട്ടിനാട് ഭാഗത്തുനിന്നും കുടിയേറിയ തമിഴ് വംശജര്‍ നിര്‍മ്മിച്ചതാണ് ഈ ക്ഷേത്രം, ഇപ്പോഴും ഇവരുടെ പിന്‍ഗാമികള്‍ ഈ ക്ഷേത്രപരിസരത്ത് താമസിക്കുന്നുണ്ട്. പുര്‍ട്ടുനൂല്‍ ഷെട്ടീസിനെക്കുറിച്ചാണ് ക്ഷേത്രത്തിലെ ലിഖിതങ്ങളിലുള്ളത്. നെയ്ത്ത് തൊഴിലാക്കിയവരായിരുന്നു കുടിയേറിപ്പാര്‍ത്തവര്‍. കാഞ്ഞിരപ്പള്ളി കച്ചയെന്ന പ്രത്യേക തുണി നെയ്യുന്നത് ഇപ്പോഴും ഈ വിഭാഗക്കാരാണ്. തമിഴ്‌നാട്ടിലെ കുംഭകോണത്തുനിന്നെത്തിയവരും ഈ ക്ഷേത്രപരിസരത്ത് താമസിക്കുന്നുണ്ട്.