ഉള്ളൂര്‍ ബാലസുബ്രഹ്മണ്യ ക്ഷേത്രം
തിരുവനന്തപുരത്ത് ഉള്ളൂരില്‍ ആണ് ഈക്ഷേത്രം സ്ഥിതി ചെയ്യുന്നത്. ഇവിടുത്തെ പ്രധാന മൂര്‍ത്തി ബാലസുബ്രമണ്യനാണ് . കിഴക്കോട്ട് ദര്‍ശനമായിട്ടുള്ള ഈക്ഷേത്രത്തില്‍ മൂന്നുനേരം പൂജയാണ് ഉള്ളത് മണലിക്കരയും,വഞ്ചിയൂര്‍ അത്തിയറയും എന്ന രണ്ടു തന്ത്രിമാരാണ് ഇവിടെ ഉള്ളത് .
ഉള്ളൂര്‍ ബാലസുബ്രഹ്മണ്യ ക്ഷേത്രം
ഉപദേവത: ഗണപതി,ശാസ്താവ് ,ശിവന്‍ ,യക്ഷി,നാഗം എന്നിവരാണ് .മകരത്തിലെ തൈപ്പൂയത്തിനാണ് ഇവിടെ ആഘോഷം. ശാസ്താവിന് മീനത്തിലെ അത്തത്തിന് ഇവിടെ ഒന്‍പതു ദിവസത്തെ ആഘോഷമാണ്.പതിനാലു ബ്രാഹ്മണര്‍ക്ക് ഇവിടെ നിത്യവും അന്നദാനം നടത്തിയിരുന്നു. ആദ്യം ഇവിടെ ശാസ്താ ക്ഷേത്രമായിരുന്നു "അന്നാട്ട് ശാസ്താവ്" എന്ന പേരിലാണ് ഈക്ഷേത്രം അടുത്ത കാലത്ത് വരെ അറിയപ്പെട്ടിരുന്നത് . നാലുകെട്ടിലാണ് ശാസ്താ പ്രതിഷ്ഠ.
ക്ഷേത്രക്കുളം
.jpg)
നെടുമങ്ങാട് രാജകുടുംബത്തില്‍ ഉണ്ടായ അനിഷ്ട്ട സംഭവത്തെ തുടര്‍ന്ന് പ്രശ്ന ചിന്ത നടത്തി പരിഹാരമായി നിര്‍ദേശിച്ചതനുസരിച്ച് രാജാവാണ് സുബ്രമണ്യനെ ഇവിടെ പ്രതിഷ്ട്ടിച്ചത്. തിനമാവ്‌ തേനില്‍ കുഴച്ച് ഇവിടെ പച്ചയോടെ നേദിക്കും. കൂടാതെ മലര്‍പ്പൊടിയും ഉണ്ണിയപ്പവും നേദിക്കും സുബ്രമണ്യന്‍റെ കൈയില്‍ വേലില്ല.സുബ്രമണ്യ പ്രതിഷ്ഠ വന്നതോടെയാണ് ശാസ്താവ് ഉപദേവനായത് . ഇപ്പോള്‍ ക്ഷേത്രം തിരുവിതാംകൂര്‍ ദേവസ്വം ബോര്‍ഡിന്‍റെ നിയന്ത്രണത്തിലാണ്