നാഗ യക്ഷിയും നാഗയക്ഷിണിയും

നാഗ യക്ഷിയും നാഗയക്ഷിണിയും

അനാദി കാലം മുതൽ തന്നെ നാഗാരാധനയുമായി ബന്ധം ഉള്ള ഒരു പ്രദേശം കേരളം ശാസ്ത്രീയമായോ ആശാസ്ത്രീയമായോ കേരളീയർ നാഗാരാധനയുമായി ബന്ധമുള്ളവർ ആണ് കേരളോത്പത്തിയുമായി ബന്ധപെട്ടു തന്നെ നാഗത്തിന്റെ കഥ നിലനിൽക്കുന്നു .മാത്രവുമല്ല ഹിന്ദുവിന്റെ ഏതു ആചാരങ്ങൾ നോക്കിയാലും നാഗത്തിന്റെ പ്രത്യക്ഷമായോ പരോക്ഷമായോ നാഗാരാധനയുടെ കണങ്ങൾ കാണാം നമുക് .തറവാടുകളിൽ കാവുകളിൽ നാഗയക്ഷിയും നാഗരാജാവും കരിനാഗവും മണിനാഗവും .ആയില്യപൂജയും നൂറുംപാലും സർപ്പബലിയും നാഗബലിയും അഷ്ടനാഗബലിയും നാഗരൂട്ടും പട്ടും നൂറും സമർപ്പണവും .കുന്നതാര് കൊടുക്കലും കളമെഴുത്തും പാട്ടും ഇങ്ങനെ നീളുന്നു നമ്മുടെ ആചാരങ്ങളിൽ സർപ്പ ആരാധനയുടെ ബന്ധം .സർപ്പങ്ങൾ നമുക് ബാഹ്യവും ആന്തരികവുമായി ഗുണങ്ങൾ തരുന്ന ദേവതയാണ് .കുണ്ഡലിനി പാട്ടുകളിലും തോറ്റങ്ങളിലും കുണ്ഡലിനിയിലെ ശക്തിയെ പെൺ സർപ്പമായി ഭാവനചെയ്താണ് ആരാധിക്കുന്നത് .ബാഹ്യാരാധനയിൽ സർപ്പങ്ങൾ നമുക് കാവൽ ദൈവങ്ങൾ ആണ് മണ്ണും സ്വത്തും ജീവനും പ്രകൃതി തുടങ്ങിയ അനവധി അനവധി ജീവിത കണികകളെ സംരക്ഷിക്കുന്ന സംരക്ഷകർ .(ഇതിനെ കുറിച്ച് പിന്നെ പറയാം) .ഇത്രയും പറയാനുള്ള കാരണം .ഇന്ന് കാലത്തു scientific institute of Tantric heritage ന്റെ സുഹുര്ത് ഇൻബോക്സിൽ കുറച്ചു സമയം നാഗ വിഷയമായി സംസാരിക്ക ഉണ്ടായി .നമ്മുടെ ഫേസ്ബുക് ഇന്റർനെറ്റ് തന്ത്ര മന്ത്ര പഠനം നടത്തുന്ന ചില തട്ടിപ്പുകൾ വളരെ വ്യക്തമായി മനസിലാക്കാൻ പറ്റി .

സംസാരിച്ച വിഷയം ...നാഗിനി സാധന എന്നാൽ എന്താണ് എന്ന് അദ്ദേഹം അറിയാൻ വേണ്ടി ചോദിക്ക ഉണ്ടായി

സത്യത്തിൽ നാഗിനി എന്നത് ശാസ്ത്രീയമല്ലാത്ത ഒരു സങ്കൽപം ആകുന്നു സിനിമാക്കാർ സീരിയൽ കാർ ഉണ്ടാക്കിയ പേര് .

അദ്ദേഹം അപ്പോൾ അദ്ദേഹത്തിനുണ്ടായ അനുഭവം പറയുക ഉണ്ടായി. ഒരു ഫേസ്ബുക് പേജിൽ നാഗിനി സാധന എന്ന് പറഞ്ഞു കൊണ്ട് ദീക്ഷ കൊടുക്കുന്ന ഒരു വിഭാഗം ആള്കാര് .കൊടുക്കുന്ന മന്ത്രം അദ്ദേഹം എനിക്ക് അയച്ചു തന്നു .മന്ത്ര ശാസ്ത്ര പ്രകാരം പുരുഷ മന്ത്രം .സ്ത്രീ മന്ത്രം എന്നാണ് പറയാറ് .അതായത് മന്ത്രം സൃഷ്ടിക്കുമ്പോൾ അക്ഷരങ്ങൾ ചേർക്കുന്നത് പുരുഷ സ്ത്രീ നപുംസക അക്ഷരങ്ങൾ ചേർത്താണ് .പുരുഷാക്ഷരം അധികമുള്ള മന്ത്രം പുരുഷ മന്ത്രവും സ്ത്രീ അക്ഷരം കൂടുതൽ ഉള്ള മന്ത്രം സ്ത്രീ മന്ത്രവും ആകുന്നു ബാക്കിയുള്ള അക്ഷരം(ചില്ല് തുടങ്ങിയവ) നപുംസക അക്ഷരം ആകുന്നു .നപുംസക അക്ഷരം തനിയെ നിന്നും കൊണ്ട് ഒരു മന്ത്രത്തെ സൃഷ്ടിക്കാൻ കഴിയില്ല പുരുഷ .സ്ത്രീ അക്ഷരങ്ങളുടെ കൂടെ നിൽക്കാനേ കഴിയു .ഇദ്ദേഹത്തിന് ഇവിടെ കിട്ടിയ മന്ത്രം "പുഹ്" ഇത് നപുംസക ബീജമാണ് ഇങ്ങനെ ഒരു മന്ത്രം ഉണ്ടാകില്ല ഇത് ശുദ്ധ അസംബന്ധം ആകുന്നു .

ഇനി എന്താണ് ഈ സാധന എന്ന് താന്ത്രിക വീക്ഷണം നോക്കാം ...

അഷ്ട നാഗ സങ്കൽപം നോക്കാം

അഷ്ടനാഗങ്ങൾ

1. വാസുകി
2. തക്ഷകൻ
3. കാർക്കോടകൻ
4. ശംഖൻ
5. ഗുളികൻ
6. പത്മൻ
7. മഹാപത്മൻ
8. അനന്തൻ

എന്നിവരാണ് അതായത് അറുപത്തി നാല് ശാക്ത നാഗങ്ങളിലും .അൻപത്തി നാല് വൈഷ്ണവ നാഗങ്ങളിലും .തൊണ്ണൂറ്റി ആറു ശൈവ സർപ്പങ്ങളിൽ വച്ച് മുഖ്യമായ എട്ടെണ്ണം താന്ത്രിക സങ്കൽപം അനുസരിച്ചു ഒരു പുരുഷ ദേവതയ്ക് നിർബന്ധമായും ശക്തി അഥവാ സ്ത്രീ സങ്കൽപം ഉണ്ടാകും. ഇവിടെ

1.വാസുകി മുഖി
2.തക്ഷക മുഖി
3.കാർക്കോടക മുഖി
4.ശംഖ മുഖി
5ഗുളികമുഖി
6.പദ്മ മുഖി
7.മഹാ പദ്മ മുഖി
8.അനന്ത മുഖി എന്നാണ്

പ്രധാനപ്പെട്ട ഗ്രന്ഥം "സർപ്പ രാജ തന്ത്രം. "സർപ്പ കല്പം" നാഗ പദ്ധതി" തക്ഷക കല്പം .വാസുകി തന്ത്രം തുടങ്ങിയവയാണ് .ഈ ദേവതകളെ ആണ് നാഗിനി എന്ന് പറഞ്ഞു കൊണ്ട് ദീക്ഷ കൊടുക്കുന്നത് .ഇവർ അർദ്ധ ദേവതകൾ അല്ല പൂർണ്ണ ദേവതകൾ തന്നെ ആണ്
നാഗിനി എന്നാൽ ഒരുതരം അപ്സരസുകൾ പോലെ ഉള്ള ആളുകൾ ആണെന്നും അവരുടെ സാധന എല്ലാ കാമവാസനകൾക്കു ഉപയുക്തമാണെന്നു പറഞ്ഞു കൊണ്ടാണ് ഇത്തരം ആൾകാർ മന്ത്രം ഫേസ്ബുക്കിൽ വിൽക്കുന്നത് .മറ്റൊരു വാദം നോക്കാം ...ഇവർ നാഗ കന്യകൾ ആണന്നു പറയുന്നു ..നമ്മുടെ നാട്ടിൽ പണ്ട് ഒരു ആചാരം നിലനിന്നിരുന്നു സർപ്പാരാധന ഉള്ള വീടുകളിൽ ഒരു പെൺകുട്ടി കന്യക ആയി ഇരിക്കണം എന്ന് .അത് പോലെ ഉള്ള കന്യക സങ്കല്പങ്ങൾക്കു മന്ത്രം ന്യാസം ധ്യാനം ഋഷി ഛന്ദസ് കൊടുക്കാൻ മാത്രം അറിവില്ലാത്തവർ ആണോ നമ്മുടെ ഋഷിമാർ ..നാഗ കന്യക സങ്കൽപം ദേശാചാര സങ്കല്പ്പം ആക്കുന്നു ഇവയ്ക്കു താന്ത്രിക പ്രമാണവുമായി ബന്ധമില്ല .ഇത് പറയാനുള്ള കാരണം ഇത് പോലെ ഇന്റർനെറ്റിലൂടെയും ഫേസ്ബുക്കിലൂടെയും മന്ത്രം വിൽക്കുന്നവർ അനവധി ഉണ്ട് സ്വയം ഋഷിമാർ ആയി മന്ത്രങ്ങൾ സൃഷ്ടിച്ചു അയ്യായിരത്തിനും പത്തായിരത്തിനും വിൽക്കുന്നവർ അനവധി ഉണ്ട് .മന്ത്ര വിധിയില്ലാതെ ജപം ചെയ്‌താൽ ഗുണത്തേക്കാൾ ഏറെ ദോഷം തന്നെയാ ..ഇത് കൊണ്ട് തന്നയാണ് ഞങ്ങൾ പറയുന്നത് നല്ല ഗുരുവിൽ നിന്ന് പ്രാമാണികമായി മന്ത്ര വിധികൾ പഠിക്കുക ...കാരണം നപുംസക മന്ത്രങ്ങൾ .അടിസ്ഥാനമില്ലാത്ത മന്ത്രങ്ങൾ ജപിക്കുന്നത് ഹാനികരം ആകുന്നു ....

"മന്ത്ര വിധി വിനാ ജപേതഃ
സർവത്ര വൃഥാ ഭവേത് "