കോടോത്ത് ഭഗവതീക്ഷേത്രം കാസർഗോഡ് ജില്ലപ്രവേശനകവാടം - വടക്കുവശത്തുനിന്നുള്ള വീക്ഷണം

പ്രവേശനകവാടം - വടക്കുവശത്തുനിന്നുള്ള വീക്ഷണം

കാസർഗോഡ് ജില്ലയിലെ കോടോം-ബേളൂർ പഞ്ചായത്തിലാണ് കോടോത്ത് ഭഗവതീക്ഷേത്രംസ്ഥിതിചെയ്യുന്നത്. ക്ഷേത്രത്തിന്റെ പ്രവേശനകവാടമായ ഗോപുരത്തിന്റെ മച്ചിൽ മരത്തിൽ കൊത്തിയിട്ടുള്ള ശില്പങ്ങൾ പ്രസിദ്ധമാണ്.

ഹിന്ദുപുരാണകഥാസന്ദർഭങ്ങളെ ചിത്രീകരിച്ചിരിക്കുന്ന പ്രവേശനഗോപുരം 1897-ലാണ് നിർമ്മിച്ചതെന്നും 1917-ലേതാണെന്നും വാദങ്ങളുണ്ട്. സീതാജനനം, അനന്തശയനം, കൃഷ്ണലീല, കിരാതം, ദശാവതാരം, പാർവതി കല്യാണം, പാലാഴിമഥനം, ഗജേന്ദ്രമോക്ഷം തുടങ്ങിയ പുരാണകഥകളിലെ രംഗങ്ങളാണ് ഇവിടെ കൊത്തിവച്ചിരിക്കുന്നത്. 1917 - 1921 കാലയളവിൽ മാവില ചന്തുനമ്പ്യാരുടെ മേൽനോട്ടത്തിൽ 8 ലക്ഷത്തോളം രൂപ ചിലവിട്ടാണ് ഈ ഗോപുരത്തിന്റെ പണി പൂർത്തിയാക്കിയത്