മലദേവർകുന്ന് മഹാദേവർ ക്ഷേത്രം ഉള്ളന്നൂർ/കാരയ്ക്കാട്
എം.സി റോഡിൽ പത്തനംതിട്ട - ആലപ്പുഴ ജില്ലകൾക്ക് അതിരിടുന്ന കാരയ്ക്കാട് ജംഗ്ഷനിൽ നിന്നും കിഴക്കോട്ടു രണ്ടു കി.മി യാത്രചെയ്താൽ ഉള്ളന്നൂർ മലദേവർക്കുന്നു മഹാദേവർ ക്ഷേത്രത്തിൽ എത്തിച്ചേരാം.മലമുകളിൽ മഹാദേവ ക്ഷേത്രം.ആൽത്തറയിൽ പ്രതിഷ്ഠിച്ച ശിവലിംഗം മാത്രമേ പണ്ട് ഉണ്ടായിരുന്നുള്ളു.ഒറ്റ കൽത്തറയിൽ പ്രതിഷ്ഠിച്ച ശിവ പാർവതി മാരാണ് ഇപ്പോൾ ഉള്ള പ്രധാന പ്രതിഷ്ഠ.മേൽക്കൂരയില്ലാത്ത അമ്പലത്തിൽ മഴയും വെയിലും ഏൽക്കുന്ന തരത്തിലാണ് ഇ പ്രതിഷ്ഠകൾ ഇരിക്കുന്നത്.
ഏകദേശം ഒരു കിലോമീറ്ററോളം കുത്തനെയുള്ള മല കയറി മുകളിലെത്തി പരന്നുകിടക്കുന്ന കുന്നിപുറത്തു നിന്ന് നോക്കിയാൽ കിലോമീറ്ററുകളോളം അകലത്തിലുള്ള പ്രദേശങ്ങൾ പലതും വ്യക്തമായി കാണുവാൻ സാധിക്കും.ചെങ്ങന്നൂർ,മുളക്കുഴ,മെഴുവേലി,കുളനട തുടങ്ങിയ പലസ്ഥലങ്ങളും വ്യക്തമായി ഏതാണ്ട് രണ്ടു ഏക്കറിൽ അധികമായി വരുന്ന മലമുകളിൽ നിന്നും ദൃശ്യമാകും.
പണ്ട് മലയ്ക്ക് ചുറ്റും വൻ കാടായിരുന്നു എന്ന് പഴമക്കാർ പറഞ്ഞ അറിവുകൾ നമുക്ക് ലഭ്യമാണ്.വന്യ മൃഗങ്ങളുടെ അധിവാസ കേന്ദ്രമായിരുന്ന ഇവിടം ,സമീപത്തെ നേടിയാനക്കുന്നു,പുലിപ്പാറ,പുലിവാരത്തിങ്കൽ,പന്നിക്കുഴി എന്നീ സ്ഥലനാമങ്ങൾ ഇതിനു അടിവരയിടുന്നു.വടക്കുപടിഞ്ഞാറ് ഭാഗത്തായി ഉരുൾ പൊട്ടാൻകുഴി എന്ന സ്ഥലം ഇപ്പോഴുമുണ്ട്.
ചിത്രങ്ങൾ കടപ്പാട് :
